زوجي الخاين !! , لقيتله حل ,

السلام عليكم بنات أو سيدات أو إيش ما كنتو , كيفكم ؟!

حبيباتي فكرت بفكرة عبيطة شوي بس ممكن تفيد البعض , الفكرة هي بما إني إنسانة أحب أتفلسف فقررت أسوي سلسلة مواضيع تناقش أغلب القضايا اللي شفتها هنا بعالم حوا : " خيانة الزوج , برود العاطفة , الضعف النفسي عند الأطفال , زوجة الأخ * تحتها خطين * والأهم من ذلك مشاكل الزوجة مع نفسها "

بالبداية حابة أعرفكم على نفسي بما إني جديدة بعالم المنتديات , إسمي سؤراً * ايه اسمي الحقيقي * لكم حرية الاختيار تنطقونه بتنوين أو بدون تنوين , أدرس علوم سياسية واقتصادية , تعرفت على عالم حوا عن طريق تويتر , دخلت عليه وتصفحت أقسامه وحسيت إني أقدر أقدم شي نوعاً ما مفيد , فتوكلت على الله وسجلت , فبكذا يكون عالم حوا أول موقع أسجل فيه *غير موقع الجامعة طبعاً * متزوجة ولكن ما عندي بيبي ولكن مع ذلك الحمدلله الذي لايحمد على مكروه سواه .

الخلاصة لا تستغربو من عنوان متصفحي لان اليوم قريت 4 مواضيع تتكلم عن خيانة الزوج , فحبيت أعطي شغلة تفيدك يا حلوتي ياللي تشتكي من خيانتو ,



نسمي بسم الله ونبدأ :* وسامحوني لو كان متصفحي طويل عليكم *



" اكتشفت ان زوجي يخوني " , " زوجي طلع يكلم بنات " , " زوجي يحبني ولكن مدري ليش يكلم بنات " , " زوج صديقتي طلع يخونها " , " ايش اسوي مع زوجي الخاين ؟ " . . .

كنت أقرى مواضيع كثيـــــــــــــر وكنت مرة أنصدم من ردات الفعل , أحط يدي على راسي واقول لااااا مو كذا , انتي هدمتي كل شي !!

فيا بناتي يا حبيباتي مرة أتمنى شوي تنتبهو معاي . . قالت لي انسانة مرة " المرأة عندما تمتلك رجل فهو بالنسبة لها كل حياتها , أما الرجل عندما يمتلك مرأة فهي تشكل ركن واحد من حياته " انتهى ,

فيا حبيبتي مهما كان ومهما حيصير انتي تظلي عنصر واحد , يقدر يستغنى عنه .!

تقول الدكتورة ناعمةالهاشمي ان الرجال لما يحب وحدة ممكن يعشق وحدة ثانية , والعشق هو حالة تصيب الانسان تخليه يفرز هرمون يخدره * حقيقة * ولو انجرح من اللي يعشقها بيكون جرحه عميـــــــــــــــق , أما لو انجرح من اللي يحبها بيكون جرحه سطحي , لان اثبت الاطباء ان الرجال ممكن يحب 7 مرات , ولكنه صدقوني يعشق مرة وحدة .



المرأة الحب عندها حالة طبيعية , فهي تحب بطريقة نوعاً ما كاملة تغنيها عن العشق , فلأن الرجال هوعالمها فتلاقي حبها متكامل ,



_

حاعطيكم مثال وبنتخيل سوى طريقتين لردة الفعل :



أسما البنت الحلوة ,جميــلة .. مثقفة .. ذوقها بالملابس بيرفكت .. طبخها جميل .. وبيتها نظيف دائماً.. الكل يشهد على ان شخصيتها مافي منها ,

يوم من الايام عزمت اسما صاحباتها , لسوء حظها جوالها خرب فجأة فطلبت من زوجها ( سالم ) قبل ما يطلع جواله لو ما يحتاج له (وعطاها حقه ) طلبت لصاحباتها عشا وتأخر المطعم , فدورت جوال سالم عشان تدق تستعجل الطلب فما لقته , طلبت من صديقتها أميرة جوالها عشان تتصل على جوال سالم وتشوف وين راح الجوال كتبت رقم سالم , وسبحان الله لقت منيرة مسجلةاسمه بـ : سلمى 2 ,

لو كنتي مكان أسما وش بتكون ردة فعلك؟ , مع العلم إن أميرة أقل من أسما جمالاً ..



ردة فعل أسماء الأولى:

مسكت أميرة ,وشرشحتها قدام البنات " يا خاينة يا قليلة الأدب يا . . . , يا خطافةالرجاجيل , يللي فيك وفيك وفيك . . . وتطووول الألفاظ " , فاللي حيصير ان أميرة قالت لأسما : " والله مو ذنبي إنك هبلة وما تقدري تحافظي على زوجك , هواللي جاني وهو اللي قال لي إنه يحبني يا أم القمصان الروز .

يوم جا الليل ودخل سالم بيته لقى أسما قاعدة تنتظره وهي معصبة , أول ما دخل وقال يا هادي سمع نفساللي انقال لأميرة إنقال له , وختمت أسما الحلوة كلامها بطلقني إنت خاين , حاولسالم يهديها بس ما فلح , استفزته الحلوة بكلمة " لو انت رجال طلقني " ردعليها " انا رجال غصبن عنك , وروحي يا أسما إنتي طالق , هبلتنا أسما أخذتولدها ولمت ملابسها وطلعت بيت أهلها , بعد فترة رفع سالم قضية حضانة , وصارت حضانةولدها أحمد عند أبوه , بعدها بكم سنة تزوج سالم وحدة إسمها مريم وأسما ظلت مطلقة .. !

من ردة فعلها الأولىخسرت حلوتنا اسما زوجها , وولدها , وبيتها , وانكسرت من الداخل لأنها حست إن مالهاقيمة عند أحد . .



ردة فعل أسماءالثانية :

دقت على الجوال ,ومسحت بعدها السجل عشان ما تبين لاميرة انها اكتشفت شي , رجعت لاميرة الجوال وعدتالليلة على خير , رجع زوجها بالليل استقبلته وهي كاشخة وكان شيئاً لم يكن * بس هيشايلة بقلبها ومو مبينة * اليوم الثاني يوم طلع زوجها جلست تفكر بايش الاشياءالغلط اللي سوتها عشان يكلم غيرها , وعرفت انه يحبها بس ما يعشقها , لان لو يعشقهاما فكر اصلن يلتفت لغيرها , فبدت تغير من نفسها ؛ سوت لنفسها نيولوك وبما ان زوجهاطبيب قررت تدخل عالمه وتقرا عن الاشياء الطبية عشان تصير تقدر تتكلم معاه بمجاله ,غيرت نظامها معاه : بحيث انها صارت تبين له انه هو البطل حقها , وان هي معاه بستقدر تكمل حياتها .. وصار كلامها ما يخلو من حبيبي عمري حياتي بطلي . . . , وصارهو ما يقدر يعيش بدونها , هنا هي كسبته وكسبت عشقه , فاللي سوته ان بيوم من الايامكشخت وتعطرت ونومت ولدها وجلست تستناه يوم حست بالباب ينفتح , جلست تبكي * أو تسوينفسها تبكي بالاصح * دخل هو وانفجع , فلانه يعشقها دمعتها تحرق قلبه , " أسماوش فيك " , " صديقتي زوجها طلع يخونها " , " طيب انتي ليش تبكي؟ " , " بمجرد اني تخيلت انك بيوم تخوني ما قدرت أمنع نفسي من البكى" , ضمها وهو يقول لها " والله يا أسماء لو خنتك بعد دموعك هذي والله مااصير رجال " , طبعاً هو يعشقها فاللي يعشق ما يكذب .

فبكذا كسبت حبه وعشقه, وكسبت بيتها وحياتها , وأبعدت أميرة عن طريق زوجها , وكبرت بعين نفسها وصارتواثقة من حالها لانها عرفت تتصرف بحكمة ,

( وترى قصة أسماوسالم وأميرة من مخي فلا تصدقو )

_



فجميلاتي ابعدو منقاموسكم : العصبية والتطنيش واللسان الطويل , واللقافة , وصدقيني زوجك ما بيلتفتلوحدة غيرك , علميه بحبك وعلميه بانك منه تتعلمي اشياء , تفرغي له باي وقت , وصدقيني زوجك ما بيلتفتلوحدة غيرك , اذا شفتيه زعلان ازعلي لزعله , واذا فرحان افرحي لفرحه , اذا معصبامسكي نفسك بهدوء واسكتي عشان ما تزيدي الطين بله , واذا رايق استعبطي عليه , وصدقينيزوجك ما بيلتفت لوحدة غيرك .



-



ما حبيت ازيد كلاملان احس الفكرة وضحت بس توصياتي :

أقرو قصة : أناوعشيقة زوجي , حقت أم بسمة اللي فيها تعرض الدكتورة ناعمة الهاشمي أفكارها المرةفعالة ,

ولمعلوماتكم الدكتورةناعمة الهاشمي تقيم دورات مدفوعة الثمن معتمدة عن الحياة الزوجية والثقة بالنفس ,وكله عن طريق الانترنت , اذا تسمح الادارة احط لكم رابط الموقع الرسمي المعتمداللي فيه الدكتورة ناعمة ,



كلكم يا حلوات أحبعقلياتكم وتفكيركم , فأضيفو أشياء منكم للمتصفح لأن هالمتصفح لكم ..



وبليز بليز الليتعليقاتها جداً سلبية ومو عاجبها الكلام تنسحب بهدوء دون ما ترمي سهم من اسهمهالاني فرغت نفسي اليوم خصيصاً عشان هالموضوع ,



أختكم / سؤراً * قلب*