عزيزتي سورا

الحل للي قلتيه وكمان قراته في اغلب مقالات ناعمه الهاشمي ينفع لنوع واحد من الرجال وحاله وحده ولايمكن تعميمه علي كل حالات الخيانه.
هذه الطريقه فقط تنفع مع الرجال للي اصلا كان بيحب زوجته بس صار في علاقتهم مع الزمن شوية فتور والزوجه انشغلت عنه وهو فاقد لشوية الاهتمام للي كانت تعطيه وخيانته مش شئ متأصل في طبيعته بس جات مع الظروف هو ما سعى لها بس لماجات ماقال لا. والاهم انه خيانته ماتعدت الخطوط الحمراء بل كانت مجرد مكالمات فقط
في مثل هذه الحاله انا معاك نعم افضل طريقه لتعامل معاه هي زي ماقلتي

لكن في حالة خيانه زنا وحتي خلوه غير شرعيه مع امراه اخري لا ابدا رد الفعل لازم يكون صارم وحازم

من امن العقوبه آساء الادب !
من خبرتي ممااسمع واري حولي انه الرجال دايما يعمل حساب لزوجة القويه للي لها رآي ومايقدر يتوقع ايش ح تكون ردة فعلها اما المسكينه الي هو متآكد انها بتحبه وح تسكت ولا تقوله شئ و ممكن يراضيها بكم كلمه فاكيد ح يسوي للي يبغاه وهي ح تكون في نهاية القائمه

انا في نظري الخيانه نوعان
خيانه ابدا لا تغتفر مهما قال وسوا مافي حل لها غير الطلاق
وخيانه يمكن تغتفر بس الرجل لازم تطلع من عينه ويعرفه غلطه

اذا كان الخيانه فيها زنا وعلاقات محرمه فهذه مافيها كلام مستحيل تقعدي وانت امرأه حره محصنه مع شخص انت متآكده انه زني هذه مافيها ح اقعد علشاني عيالي او اخاف من كلمة مطلقه هذا الزواج لازم تطلعي منه مهما كان ولا ترجعيله ابدا

اما إذا اتزوج عليك وهذا حلاله وماتعتبر خيانه او اتكلم مع بنات من غير مايشوفهم مجرد مكالمات فردة فعلك تكون علي حسب نوع الرجال هل هو يستاهل انك تقعدي معاه ولا لأ

وعلي العموم في كل الحالتين لازم دايما تآمني علي نفسك ومستقبلك ومستقبل عيالك اولا واخيرا والرجال لأزم مايكون فقط محور حياتة الوحده

حبيباتي كلكم مرة مرة شكراً سواء موافقين او معارضين ،
في كم كومنت كدا ابغى اعلق عليهم واوضح لهم اللي ببالي ،
بس اسمحولي مرة اخلص شغلي وارجع ،

واعيد شكراً شكراً ،

يا زين كلامك
عجبني مره ..
بس الكلام شي والواقع شي وحده من ميه تقدر تطبق
عن نفسي انا مع سوسو بقوه.... اللي ما يعدك راس مال لا اتعده مكسب

عذرا صحيح تعبتي وكتبتي
لكن ليه غير صاحبه القصه برغم من محاولاتهم بالزوج الخاين ماعشقها وماترك الخيانه
بعض الرجال حقير ومايحب الا القذاره

اشياء عجبتني واوافقك فيها
واشياء لااااااااااا
عموما وصلت الفكره
يجزاك ربي الجنه