زوجي اللي يكسر قلبي

السلام عليكم

يا بنات زوجي إنسان مره يرفع الضغط
هو إنسان ما يهاوش ولا يصرخ يعني يمسك نفسه

بس في مشكله عاطفية بيني و بينه
هو إنسان والله ثم والله فنجان قهوه ما تشرب مع بعض الا من النوادر و حتى لو شرب عقله مو معي يكون جالس يلعب بليستيشن و يطنشني
قعده سواليف زي الناس مافي

انا إنسانه أحب الونيس اللي يسولف و يضحك
والله ما اذكر متى اخر مره جلست معه و سولفنا و ضحكنا زي الناس

شغله ثانيه تحز بخاطري اللي أنو كل ما اذكر شهر العسل و مدلعني أحزن ~~ كنت كل ما امشي يقول خذي هذا واشتري هذا وهذا نفسك فيه ما يغلى عليك عكس الحين

كل ما توريه شي قال وع + مو حلو + بكيفك + خلصي بسرعه + بنتك تبكي + نرجع البيت

ومره طلعنا مع أهله و ينسااااااني بالمررررره نمشي نتسوق و يجلس يقضي لاهله بدعوه (ما يغلى عليك خذ و خذي و خذ و خذي) و بعد ما يحاسب يطالع فيني و يقول هاه تبغين شي ! والله ان أهله يجلسون يذكرونه فيني احسن منه ~~ شوف حرمتك تبغى شي! عكسه هو ما فكر

اااااه يا قلبي مقهووووور حزيييينة احس اني رحت ولا جئت كله سوا عنده ما يحس بقيمتي ولا يحب يجلس معاي ما ابي منه غير جلسه قهوه و سواليف مع بعض احس اشتقت لزوجي القديم

عالعموم انا هاليومين زعلانه عليه و قلت له قال انا ما قلت لك خذي وما خذي والخ بكيفك ازعلي زي ما تبغين << والله يقهر مرررره
وش تنصحوني يا بنات اسوي ودي اطنشه كذا و أزعل و أعامله زي اخوي بالضبط و عالعموم كتبت له رساله قلت له فيها عن شعوري وعن اني ما صرت احبه زي اول وخلاص ما صار يهمني و ما بيننا الا هالبنت و البيت اللي يجمعنا و خلاص نعيش زي الاخوان وانا اقصدها لاني من حد صرت اكره حركاته و وعوده الكاذبه

صرت زي البنت اللي مو متزوجه تفكيري لو ارجع اتزوج و رجال يدلعني والخ كأني والله ما قد تزوجت زي تفكير العازبات