زوجي بايت برا البيت الليله بموت من القهر

السلام عليكم شوفي حبيبتي لازم تجلسين معه وتقولين كل شي تشوفينه عليه وهو بعد لازم تعطينه مجال يقولك كل شي مو عاجبه فيك بدون اي زعل منكم وتسعون لتغييره ومن ناحية انك تزورين اهلك ثلاثة مرات بالأسبوع جدا حلوانا اروح لاهلي مرتين :26:

رضينا باالهم والهم موراضي فينا
شكلك طيبه وماتحبي المشاكل الله يجزاكي خير
بس كل مشكله اكبر من الثانيه تعرف على اجنبيه وقنوات جنسيه
وهاذا والله سبب اساسي في قساوت القلب هاذي
حاولي ياقلبي تجلسي معه وتقوليله انك عارفه كل شي يدور بالبيت
وتساليه انتي في ايش قصرتي معه وليه هو يعمل كيذا


انا والله ماني مصلحه اجتماعيه
بس هاذا الي عندي
الله يسخر لكي زوجك يارررررب

الله يهديه ويصلح حاله..

زوجج إذا كنتي متأكده من موضوع علاقاته وغيره!!
حطي في بالج أمر مهم أمشي عليه

ركزي على نقطة هدايته، لأنه كل الأمور الثانية تؤدي إلى انه ينفر أو يحاول
يسبب أي مشكله عشان يخفي عيوبه!! حنني قلبه ادخليله من أي مدخل تشوفينه
مناسب أنج تتقربين منه وأنسي موضوع العزايم وغيره انتي قاعده تواجهين مشكلة
أكبر!! في شياطين قاعده بينكم !! فلا تتوقعين منه أي تصرفات منطقية!!

مش قاعده احط له اعذار لكن أوضح لج أسباب تصرفاته .. تقربي منه بقلب خالص
قبل لا يقولج انتي طلعتي قوليله مابي الطلعه اذا بتحط في خاطرك؟ صفي ذهنج له
هو بس.. خليه ما يلقى عليج مدخل أو أي سبب انه يزعل جربي لمدة من الزمن وشوفي
عيشيه ملك الملوك .. كلامه أوامر حتى قبل لا ينطق فيه.. تذللي له بكل ما تقدرين!!

حسيتي انه ابتعد عن ذيك الأجواء؟ واستغنى فيج؟ بعدها ابدي رتبي لحياتج الطبيعية
حبه حبه.. وبتشوفينه يسابق انه يوديج مشاويرج!!!

شتفيه ظل ماشي على اموره .. لكل حادث حديث اهم شي جربي تتقربين منه وتصفين
ذهنج من كل الأمور الثانيه .. تكونين متفرغه له هو بس..

الله يعينج ياربي

في الأوقات الفضيلة مدي يدج للكريم وادعيه ان يهدي زوجج ويحنن قلبه عليج

ودايما ادعي اللهم اجعلني سكنا له واجعله سكنا لي واجعل بيننا مودة ورحمة

والله يفرح قلبج وتفرحينا

انا زوجي ما يقيدني بعدد معين لطلعات بس لازم اقوله قبل وهو يوافق ما يقصر بس احيانا يقولي بالتلميح اني كثرت دوارة عاد انا احس واقوم ما اطلع بس في الغالب اكتفي بمرتين او ثلاث لبيت اهلي ونادر اروح لمكان غير بيت اهلي يعني انتي حاولي تتاقلمين من هالناحية وقنعي زوجك انك تحطين ايام سبير تخلينها للطلعات المفاجئة
والله يعينك حاولي انك تحررين زوجك من تبعيته لامه طبعا باسلوبك وهو انك تحسسيه بالثقة فيك
ومن كلامك احس انك بعيدة عن زوجك وهو بعيد عنك حاااولي انك تتقربي منه و تعملي جلسة تفاهم كل واحد يعرف اللي له واللي عليه ولو التزم كل واحد باللي عليه صدقيني كل شي راح يتغير حتى الطلعات بره البيت بتقل اهميتها وبتحسي انك ما ترتاحي الا في بيتك وما ودك تفارقيه .