miss-nono @miss_nono_2

عضوة نشيطة

زوجي بعد ست سنين زواج يقول لي >> "زواجنا غلطه وحنا مانصلح لبعض" تعالوووو

يابنات فيني حره وقهرر لايمكن وحده منكم تتخيلها

راح اقول لكم المشكله..

انا لي 6 سنين متزوجه والحمدلله مستقرين وعندي اطفال
زوجي قبل الزواج ما كنت اعرفه ولا اعرف اهله مع اننا نقرب لبعض

هو عاش طول عمرة بقرية .. مايحب المدن ابد

ولايحب الأسواق ولا المطاعم .. الى الآن متمسك في بداوته يحب كشتات البر ويموت بالقنص

حنا من قبيله معروفه ولها سمعتها .. وهو عنده عصبيه قبليه لها ..

اما انا عكسه تماما صحيح اننا من نفس العايله بس ما أحس بإنتماء للقبيله الي انا فيها افضل صديقاتي على بنات جماعتنا ..

اهلي عايشين طول عمرهم بالمدن

وعمري مادخلت قريه ولاجربت اعيش فيها .. احب حياة المدينه الصاخبه .. احب زحمة الناس ..

احب المطاعم واعشق الآكلات العالمية وهو يحب الأكلات الشعبيه ..
..هو عصبي ويتنرفز بسرعه اما انا هادية واعصابي رايقه..

تفكيرنا غير عن بعض واهتماماتنا وميولنا غيرر.. حتى لهجتي غير عن لهجته.. انا من هواياتي الكمبيوتر والإنترنت واحب اتعلم على البرامج الجديده
وأقرأ كتب علمية وثقافيه اما زوجي مايعرف حتى يفتح الكمبيوتر !!!

كل شي يابنات بكللللل شي غير عن بعض بكل شي ..

بس دايما اسايره واسايسه واحاول اني ابين له اني اهتم بالأشياء الي هو يحبها.. ولا احسسه بفرق بيننا.. عشان حياتنا تمشي .. بس احسه مع الأيام طمس شخصيتي الحقيقية

شي ثاني

زوجي مثله مثل باقي الرجال يحب الـ ج ن س

هو يقول انه يحبني وانه مايقدر يستغني عني >>طبعا يقولها لما يكون يبغى شي

يعني هو ما يحبني لشخصي .. يحبني عشان الـ ج ن س

لأنه يقول انه ماتزوج الا عشانه

ويحب يتكلم عنه كثير .. يعني كل مانجلس مع بعض لازم يجيب طاريه.. ويفكر ان هذي هي الرومانسية

لأن هذا هو مفهومه عن الرومانسيه.. احيانا تلوع كبدي بس احاول قد ما أقدر اني احتويه وابين له اني افكر مثله ..

ذاك اليوم نسولف انا وياه .. قام قال لي اقول لك شي ماتزعلين ؟؟ قلت له: قوول

قال: تصدقين ان اهالينا ظلمونا !! سألته ليش؟؟

قال: حنا مانصلح لبعض افكاري دايم عكس افكارك ولافيه توافق بيننا حنا مانصلح لبعض عشان كذا احس اننا ماراح نطول مع بعض !!

انا انربط لساني .. احس كلامه مثل الخنجر طعني بصدري .. صحيح اننا مختلفين لكن مفروض مايقول اننا ماراح نطول مع بعض كذا بوجههي وبكل بساطه .. ومفروض مايكون بهالقساوة.. انا مالي ذنب ..

صحيح مو متوافقين لكن انا صابره وراضيه عشان ما اخرب بيتي ..اما هو بكل بساطه يقولها ..

مو مرة ومرتين .. دائما يقول ان زواجنا غلطه و انه يتمنى لو انه اخذ وحده من القريه تفهمه ويفهمها... لكن الحين خذني وخلاص طاح الفاس بالراس .. يقولها قدام خواته وقدام امه .. لكن اهله مايتدخلون والحمدلله علاقتي معهم ممتازه

كلامه هذا يجرحني .. ولا اعرف شلون ارد علية.. تكفوون شلون اقدر اسكته..

شلون اخليه ماعاد يطري هاكلام؟؟

شلون اخلي فيه تقارب بيننا ؟؟ تقارب فكري وتقارب نفسي؟
شلون احسسه ان طبايعنا حتى لو كانت مختلفه ماراح تأثر بعلاقتنا ؟؟
صحيح انه طيب ومو مقصر معي بشي بس شلون اطبعه بطبعي بدون ما اطمس شخصيتي ولاشخصيته

هل صحيح ان علاقتنا ماراح تطول لأننا مختلفين عن بعض جذرياُ

الى اي حد ممكن اختلاف التفكير والميول يؤدي الى الإنفصال ؟؟

تكفون جاوبوا على تساؤلاتي ..

راح اقرأ كل الردود كلمة كلمة وحرف حرف و راح اطبق نصائحكم

بناات انا محتاجتكم محتاجه لتوجيهاتكم لاتتركوووني..

:icon33:

100

19K

يلزم عليك تسجيل الدخول أولًا لكتابة تعليق.

تسجيل دخول

روحي خليل • 15 سنة

الله يكون في عونك ويفرج همك

اميرة العطار • 15 سنة

صح النوم توه يكتشف أنكم ماتناسبون بعض ياقلبي زوجك شايف له شوفه مافيه الا أنك تحتوينه بالاشياء الي يحبها

ام تك تك • 15 سنة

كل الريجيل يقولون هالكلام بعدين تنازلي انتي اشوي وعامليه بالسياسه

رومنسيه بقووووه • 15 سنة

الله يعينك يااختي
انتي تقولين زوجك طيب معاك ومامن عيب فيه 00
غير هالكلمه اللي يرددها عليك دايم 00
ابقولك 00يمكن يشوفك دايما تتكلمين عن المدينه او عن حياتك
عن افكارك 00او عن الاسواق 00يمكن تقولين له يوم كنت
عند اهلي اطلع كثير اروح لالااسواق 000وغيرها
ان كنتي تقولين هذا الكلام فانتي غلطانه 000
انتي اللحين بحياه جديده غصبن عنك تتاقلمين معها
خصوصا بينكم عشره 6سنوات وعندك عيال 00
ولفت انتباهي شي تقولين انه بدوي بقوووه حتى النت مايعرف له 000يعني اللحين وش كثر هالحريم اللي يشكون من ازواجهم بسبب النت والمغازل 000احمدي ربك على زووووجك
وبعدين قلتي مفهوم الرومنسيه من نظره الجنس 000
رجال كثير مايعرفون يعبرون عن مشاعرهم 00وان عبر كلا يختلف عن الثاني 000
نصيحتي لك 000اانك ماتفكرين بحياتك السابقه وتعيشين يومك وبس 00وحاولي تتاقلمين معه ولاتتكلمين معه عن الفروقات اللي بينكم 00ترى الرجال كلهم مايحبون المقارنات او انك افضل منهم 00

والله يسخر لك زوجك ويخلي لك عيااااااالك 000

ليان الجنووب • 15 سنة

رومنسيه بقووووه :

الله يعينك يااختي انتي تقولين زوجك طيب معاك ومامن عيب فيه 00 غير هالكلمه اللي يرددها عليك دايم 00 ابقولك 00يمكن يشوفك دايما تتكلمين عن المدينه او عن حياتك عن افكارك 00او عن الاسواق 00يمكن تقولين له يوم كنت عند اهلي اطلع كثير اروح لالااسواق 000وغيرها ان كنتي تقولين هذا الكلام فانتي غلطانه 000 انتي اللحين بحياه جديده غصبن عنك تتاقلمين معها خصوصا بينكم عشره 6سنوات وعندك عيال 00 ولفت انتباهي شي تقولين انه بدوي بقوووه حتى النت مايعرف له 000يعني اللحين وش كثر هالحريم اللي يشكون من ازواجهم بسبب النت والمغازل 000احمدي ربك على زووووجك وبعدين قلتي مفهوم الرومنسيه من نظره الجنس 000 رجال كثير مايعرفون يعبرون عن مشاعرهم 00وان عبر كلا يختلف عن الثاني 000 نصيحتي لك 000اانك ماتفكرين بحياتك السابقه وتعيشين يومك وبس 00وحاولي تتاقلمين معه ولاتتكلمين معه عن الفروقات اللي بينكم 00ترى الرجال كلهم مايحبون المقارنات او انك افضل منهم 00 والله يسخر لك زوجك ويخلي لك عيااااااالك 000

الله يعينك يااختي انتي تقولين زوجك طيب معاك ومامن عيب فيه 00 غير هالكلمه اللي يرددها...

كلامك صحيح
ويمكن كلامه طق حنك