شفا المجروح :

حليلج ... الله يعينج بس أنا أحس أنج لو اتشلين عنهم التلفزيون والكمبيوتر أفضل لأنه هالأجهزه تزيد من توتر الأطفال وحدتهم ... والظاهر انكم انصعتوا لهم بسرعة الطفل بهذا العمر يجرب اهله ويشوف شو اللي يخليهم انفذون مطالبه اكثر الصراخ والا العناد والا عدم الأكل وهي كلها سياسة يتبعها الطفل حتى ياخذ اللي يبييه والظاهر انهم قدروا يسيطرون على الوضع بسرعة عندج ... لا اتبينون لهم انكم تتوترون من اللي يسونه ... شو ما سوو بيني لهم انه أمر عادي ولا تبالون لهم كلما زدتوا حدة كلما زاد الضيق اللي عندكم وكلما هم تفننوا بمحاولة توتيركم ... اقطعوا عنهم هذي الأنشطة (التلفزيون والكمبيوتر) ... ركزوا على انشطة خارجية بحيث انه الطفل يفرغ طاقته في تعلم نوع من الرياضات وحفظ القرآن وتلقي بعض التعليم يعني لما يجي البيت يكون نوعا ما مستنفذ ثلثين طاقته ... خصصوا غرفة للعبهم وامنعوا اخراج هالألعاب خارج هالغرفة .. لا تتركينهم ينامون وقت متأخر وينشون الظهر ... لأنهم راح ينشون بنشاط كامل وابو العيال في الغالب يجي مرهق يبي يرتاح وعيهم الفجر ودخليهم في أنشطة حركيه عشان اتفرغين طاقاتهم.. امنعوا الحلويات والشيبس والأشيا الضارة عنهم ... إذا رفضوا الأكل لا تجبرينهم عليه الطفل لما يحصل حد يحن عليه فالأكل ما ياكل يبي احس انه مهم فيبي يلفت انتباهكم بعدم الأكل طنشيه لا تعطينه حلويات اذا ما كل لما يجوع غصب عنه بياكل بس لا تتدخلين في أكلهم يعني لا تقولينله كل دقيقة أكل ... وأهم شي كوني حازمة معاهم بس مش بحدة الطفل لما اترمسينه بحدة وبعصبية يزيد من أسلوب العناد اخذيه بالسياسة والحنية والمدح ولا تقارنين بينهم ابد ... ولا تيأسين .... والله ايسرلج ويعينج ... :)

حليلج ... الله يعينج بس أنا أحس أنج لو اتشلين عنهم التلفزيون والكمبيوتر أفضل لأنه هالأجهزه تزيد...