زوجي تحسس من المقلب انتم وش رايكم

السلام عليكم يابنات
اخباركم
انا امس صار معي موقف مادري هو عادي ولالا بس المشكله زوجي تحسس منه
ابد من البدايه علشان تفهمون القصه
انا كنت جالسه على المسن اسولف مع وحده من صديقاتي شوي طلعت صديقتي وجلست لوحدي ماخذت شوي دخلت المسن حماتي اخت زوجي ناديتها وماردت تركتها شوي ورجعت نادينها وماردت كمان في المره لاخير ناديتها ويجي در(انتي وشو تبين انا مهكر لايميل)توقعته مقلب ر ديت عليها فلانه لاتستهبلين البنات عندك ولالا اذا عندك انا ابي اجيكم جاني رد مره ثانيه (انا مهكر الايميل واذا ماسكتي ترى اهكر ايميلك)انا اختكم في الله كملت مشوراي ورديت عليها وقلت فلانه اعرف اخطاءك الاملائيه لاتستهبلين رد وقال(خمس دقايق واطلع كل معلوماتك من الهوت ميل واهكر ايميل كمان )انا يوم شكيت رحت اتصلت على حماتي وقلت لها انتي على المسن قالت لا وحلفتها بالله قالت والله العضيم اني ومو فاتحته ابد انا صدقت يوم حلفت بالله رحت وقفلت ايميلي خفت ان هكر متمكن يدخل على جهازي ويكشفي اسراري ثاني يوم قلت لزوجي عن كل اللي صار وزوجي سكت ومارد على شوي ناداني وقال تعالي شوفي لا واحد مرسل لايميل زوجي بياناتي كامله اسمي والمدينه والحي من ايميل حماتي المهكر لاحضوا انه مرسل لايميل زوجي مو ايميلي اللي كنت اتكلم معه فيه يعني هذا يعرف زوجي وناوي خراب بيوت انا بصراحه لما شفت هذا الشي عرفت انه مقلب من حماتي باتفاق بينها وبين الشخص اللي مرسل لزوجي بس زوجي ماكان هذا تفكيره ابد وتعرفون الازواج وتحسسهم من ناحيه الانترنت مع انه ماصرح بهذا الشي قدامي ولكن عرفت زوجي ورده علي واضح انه زعلان بس يبي يتاكد راح زوجي وطلع الاي بي حق الايميل المهكر وطلع على نفس اي بي حق الدي اس ال وطلع كمان انه شابك خط مو واير لس فعرف انه مقلب من اخته اللي ساكنه بيتنا بس فوق يعني اللايميل المهكرمو مهكر بس احد ثاني فاتحه من نفس جهاز حماتي انا كل هذا ماكنت ادري عنه انا على نياتي رحت نزلت عند اهل زوجي علشان اكلم حماتي بالموضوع مالقيتها موجوده لقيت اختها وواحد من عيالها تكلم شوي بالموضوع عند اختها لا وينط ولده الصغير ويقول هذا فلان اللي سوى هذا المقلب من الشخص طلع اخو زجي الصغير عمره تقريبا 20 سنه انا قلت الحمد الله هو ولا غيره بس انقهرت من الحركه اللي سواها اللي هي يرسل بياناتي على ايميل زوجي يعني يبغى يشكك زوجي فيني بس زوجي متمكن من الكمبيوتر علشان كذا ماتسرع ابد بس اتضايق من هالحركه وقال هو وش يقصد بهالحركه وهو زعلان على اخوه وماكلمه بس لمح له انه عرف الموضوع كامل وهو هاوش اخته ليش تخليه يسوي هالحركه وعلم خواته ان عرفه علشان يوصلن الكلام له وبعد هالكلام الطويل ابي رايكم بشي انا اول شي احس ماتضايقت من الموضوع بس تضايقت لما شفت تفكير زوجي وين وداه خصوصا انه صارحني بتفكيره انه ماشك فيني بمعنى الشك ولكن الشيطان فتح له مجال انتم وش رايكم بتحسس زوجي من المقلب وش رايكم كمان بتصرف اخو زوجي