زوجي حلف هالحرمه ماتدخل بيتي ؟

ساعدوني يابنات حواء الحلوات
مشكلتي هي اني في مدينة وأهلي واهل زوجي في مدينه أخرى يعني بالعربي
ماأعرف أحد بهذه المدينه الجديده ... أحاول أتعرف قدر الامكان وكل ماعرفت احد بالديره اللي أنا فيها أخذت رقم جوالها وعزمتها وتعرفت عليها وصارت لي علاقات اجتماعيه لابأس بها من هذه الطريقه وانا اجتماعيه لأبعد الحدود
وأشبك مع اي احد لو مع شغاله :o
زوجي يحب الوحده والجلوس بالبيت والقراءه ومنغلق شوي مايحب الروحات والجيات لكنه مايمنعني بل بالعكس يرحمني لأني لحالي وبدون أهلي:06: نسيتت أقولكم لي سنه وشهر متزوجه وماعندي أطفال يسلوني بعد
المشكله تكمن ان أختي عطتني رقم وحده ساكنه هنا بديرتي ولحالها زي حلاتي وعروسه وتصير صديقة عمة عيال أختي الروح بالروح ... انا رحبت بالرقم كالعاده أخذته ودقيت عليها وتعرفنا على بعض على أمل نلتقي في بيتي او في بيتها .. أول ماجاء زوجي حكيت له اللي صار وسألني وش أسمها؟ بنت مين ؟ ولما درى عصصصصصصصصصصصصصب
عيا علي أروح لها ولاتجيني .. البنت من عايلة زينه ومحترمه وفيها دين لكن شغل زوجي حتم عليه يتعامل مع ناس من نفس قبيلتها وخابصهم شوي زي ماتقولون مابي أحد يزعل مني يابنات ويامشرفات ماأقصد شي والله
المهم احتد النقاش كم مره بيننا وقلت له خلاص الفاس طاح بالراس وكلمتها بالتلفون فلازم أكمل جميلي واعزمها ... قالي ماتطب بيتي ... يهديك يرضيك ؟؟ مافي أمل
لي أسبويعن على هذا الموال وأمس كلمتني تعزمني :06: تعذرت طبعا بعذر أبيخ من وجهي
قلت لها بلف سمبوسه رمضان وحايسه فيها ؟؟؟مالت علي
وقلت لزوجي قال روحه لها ماني موديك وجيه ماتطب بيتي واعلى مابخيلك أركبيه
تلفون بكيفك مسموح أما جيه وروحه لا ؟؟ أرتقي شوي تعرفي على ناس راقين
عاد كنه يعرفها ؟؟ أقوله يمكن تصير متربيه أحسن مني ومنك؟ قال لا ممنوع
المهم تطورت القصه وأخر أحداثها أمس وهذا اللي خلاني أكتب لكم انه عصب وقال أنتي تبين تمشين رايك علي ؟؟ وحلف انها ماتدخل وقال انك أنتي اللي تحديتني وانا بوريكي من يكسب التحدي ؟؟ ياويلي ويلاه
انا مابي أخسر زوجي وبنفس الوقت مابيه يفرض علي من أصادق ومن اكره ؟؟
أنا بغربه واذا ماسويت صداقات أمووووت وهو عنده بيته هو صديقه وأنا عكسه تماما
شوري علي بليز ... أشيل الفكره من راسي ولا أشوفها بمكان عام مع انه أقنعته بهالفكره اقل بكيفك مكان عام اي أما بيتي لا مدري عنه المشكله ماشاف منها شي ؟؟ ولايعرفها بس حكم عليها من اسمها ؟؟؟ أنا بحيره أصر على موقفي لا أغسل يدي
وهالبنت اللي تدق علي كل شوي وش أسوي بها