السلام عليكم ورحمه الله وبركاته
اول شيء .، أم انوسي الله يجزاك الف خير ي قلبي
ثاني شيء .، بقولكم مشكلتي
واتمنى من اللي ماعندها خبره بالحياه
انها ترفع الموضوع بدعوه
انا تزوجت من قبل 9 سنوات اول شهر عسل مر علي حلو ومر بحكم انه وحيد أهله تعبت من ذَا الشي وعانيت منه الين يومكم هذا
هو إنسان حنووووون حنووووون بس عيوبه انه عصبي عنيد ما يعطيني مصروف وإذا اعطاني احلم بعدها اطلبه لمده ما تقل عن سنه أو مده طووووويله شايف نفسه من كثر ما يسمع مدح من أهله ع الفاضي اهلي اذا بناديهم بعد استأذن منه وهو يحدد اليوم علي كيفه ويجبرني اذا عزمت اهلي ف اليوم اللي بعده اعزم اخواته يجون يعني وحده بوحده يضررررررب جوالي ما أغير الرقم السري الا يكون عنده خبر مات ابوه وصار أهله روحاتنا وجياتنا مع بعض وتماشينا وحتى اذا خذينا شقه نرتاح فيها كم يوم نفس الشقه أقول احنا بشقه وهم بشقه ابي البس لك ابي اسويلك انحرمت من ذَا كله يقول ما عندي اخذ شقتين انا ما اتكلم عن سفره وحده ياما سافرنا كثيرررررررررررر يعني تخيلو 4 خولته لسا ما تزوجو وعيالي اذا واحد سوا شي يهاوشون ويخاصمون طيب طلعنا ننبسط ابي عيالي ينبسطو مو يتهاوشون بنات نا بالعكس راضيه أهله يروحون ويجون معانا خلاص رضيت بالأمر الواقع وانه حرام ماعندهم غيره بس اذا سافرنا ابي أخذ راحتي معاه اهلي ما اروح لهم الا بشهر مره واخواتي من تزوجت الين يومكم هذا ما زرتهم في بيوتهم بحكم انهم بعيدين يعني في مدينه ثانيه بس قريبه مررره
بس أهله وقرايبه لو فيه شي أو عزيمه راح لهم وهم بنفس مدينة اخواتي
اهلي يوم تجي الصيفيه ويتجمعون يوديني مره وحده ويقول اللي يبيك يجي عندك بالبيت طيب انا ابي اطلع ابي اروح أغير جو
اذا مرمره زنيت عليه وداني مره ثانيه بعد مشاكللللل كثيره بنات اذا شافني نضفت يقوم يطفي الرماد ع السراميك ألاقي تفالينه ع الارض قرف قرف يشتري لنفسه من الغالي اذا عطور ولا شوزات وانا اَي شي ومن الرخيص اذا كان زعلان يقول قومي سوي اكل اذا سويته وخلصت يطلع ويخليه ما ياكله بس يتعبني بنات اذا رحت بنده ابي اشتري خفايف مثل برقر نقت ممنوع مافي فلوس ومنتي بزر ويعايرني اذا طلبت صامولي أم الصامولي أم الصامولي وانا اكل معاه حتى يقولي احمدي ربك انا صابر عليك لو واحد مثلي طلقك من زمان وارد عليه اقول يكفي جبت رأسك. لأني أزعل انا متحملته ومتحمله أهله وكل شي حتى ذبايح عندي وإذا كانت عند اهله العزيمه ف الرجال عندي والحريم عند اهله المفروض عزايمهم يقومون فيها هم مره مرتين اعطيتهم وجه خلاص عاد اهله ساكنين فوقي بعماره لنا وإذا كان زعلان يقول لعيالي خلو الكلبه تسوي خلو الزباله تجيب خلو الوسخه المعفنه الخ .....
في أشياء كثيرررررررررررررررررررر بس تعبانه قلبي تعبااااان حيل حيل احبه بس ابي اروح لاهلي أغير جو واادبه واخليه يعرف مكانتي
انا حلوه وصغيره وكنت عايشه عند اهلي عيشه حلوه كثيرررر
واخواتي ازواجهم ما شاء الله ما يقصرون معاهم بشي
للمعلوميه في السوق انا اللي اشيل الاكياس لو كانت مثل الجبل وانا اللي اشوف للعيال وهو مرتز ما علي منك تبين ولا رجعنا ع البيت
في بنده انا اللي ادف العربيه وحتى من ثقلها بعض الأحيان ما تندف معاي ف يضطرون اللي قدامي يبعدونها بيدهم أو يساعدوني بالفه اذا جيت الف دايم انحرج وهو يكون واقف يشوف الاسعار ولا همه شي علبه المويه الجك الكبير انا اللي اركبه في البراده هو يتعب ومايقدر بعض الأحيان يجيب حب حب أو حفايض للعيال يطلع يقول انزلي جيبيها طيب ليه ما جبتها معاك انا ثالث دور ساكنه عذره انا تعبان وانتي عند المكيف نايمه دايم من مشكله صغيره يخليها كبيررررررررررررررره مرررره وصوته يطلعون اهله من كَثُر ما هو معصب ورافع صوته
والله لو اكتب من هنا لبكرا ما وصفته لكم
للعلم اهلي اللي يعطوني فلوووووس وهو ما يدري لو دري عَصّب
حتى جوالي أمي جابته يسعدها كل ما نزل جوال جديد عطتني
ليش تسوي كذا بحكم أني كنت اخر العنقود ومدلعتني وكوني عشت يتيمه الأب من وانا في الروضه عوضتني عن كل شي بس عمري ما شكيت لها عشان ما تتعب بس دايم اشكي اخواتي
وردهم لي تعالي وخليه يتادب ويعرف قيمتك بس ما عندي قوه قلب اضعف اقًول حرام اخليه حرام اخواني يذلونه اخاف يتزوج علي اخاف واخاف اقعد اوسوس بنات بذمتكم وش أسوي ترون تحملت مسواليه ومعانه حتى بشهر العسل ضربني وقفلت علي نفسي بالحمام 4 ساعات طلع ورجع وجا عند الحمام يعتذر انا أسف انتي اللي جبرتيني ومره رفع السكينه علي
والحين 24 ساعه ع الجوال دايم دايم لنا اسبوعين متخاصمين عشان جوالي القديم كان بيبيعه وحطه بسياره قمت خذيته وهو ماكان عنده خبر ما ابيه يبيعه قام ي سراقه ي حراميه ليش تسرقين الجوال قلتله جوالي ما سرقته حقي وخذيته قام عَصّب زياده ولا عاد كلمني أيه نسيت عزايم زواجات اهله يروحون انا اروح تعبانه ولا ماني تعبانه تروحين مره اجبرني وبنتي تعبانه اول ما وصلت القاعه استفرغت علي الحليب كله وأنتم تعرفون كيف ريحته صارت ريحتي يبنات ما تنطاااااااااااق وفوقه حاطه عطر تعالي ع الريحه وربي اول ما طلعت قعدت ابكي على حظي
الشي المميز اللي فيني ما فقدته أني دايم أغير شكلي واطلع لناس زي يوم كنت بنت دايم يعجبها لبسي واسمع المدح وهاذا كله بفضل الله ثم اهلي والنَّاس يقولون لقرايبي مسعدها زوجها
أشكرك أم انوسي مره ثاني وأشكر كل وحده تدعيلي
وتساعدني بحلول
& أم أنوسي & @amp_am_anosy_amp
عضوة شرف في عالم حواء
يلزم عليك تسجيل الدخول أولًا لكتابة تعليق.
لا اله الا اللهلا اله الا الله
اخ يالقهر هالمنتدى مليان رخوم
ايش هالضعف اعوذبالله
ايش هالضعف اعوذبالله
الحل متل ما قالوا اخواتك لازم تروحي عند اهلك وماترجعي الا اذا عرف قيمتك زوجك مستضعفك لانك ساكتة لازم تكوني قوية وتعرفي كيف تدافعي عن نفسك وما تسكتي له
الصفحة الأخيرة
غاليتي ..
فعلا ضغطي ارتفع
قرأت اكثر من مره مشكلتك ادور الحنان منه عليك
في أي شيء لك ما لقيت
وياصبر الارض على قرفه << اعتذر لكن غصب من اللي يعمله
اخواتك اعطوك الحل وانتي مقفله اذنك وتبرري
بسبب تااافه
فتحي عينك على حالك هذا وانتي صغيره ايش ترك لبكرة ؟
وين الرحمة والحنان وانتي الرجل بالبيت وبرا ؟!
حل مشكلتك بيد الله تعالى ثم بيدك
لازم تكوني قوية وتتخذي قرار
وتنفذي اللي قالولك عليه اخواتك
اعرفي حقوقك وطالبي فيها
ما رجعك وبشروط بتعرفيه على حقيقته وهل هو يحبك
و بيت اهلك ارحم من قرفه إلا اذا كنتي راضية بحالك !
اليوم كلبه وزباله ما تعرفي بكره ايش بيسميك !!؟
اولادك هل بيحترمونك وهم شايفين القدوة تهزئك !!!!
اهله وين دورهم ؟!
اذا سيء لهذه الدرجة وهما معاكم كثير
مافي حد منهم قال كلمة حق وانصفك ؟!
قوي نفسك وضعي قائمة بإيجابياته وسلبياته
وشعورك الان وانتي صغيره الحياة قدامك وبكره
و عددي كم اسم سماك وهل انتي راضيه عنها وصح كلامه او لا ؟!
انتي من يقرر .. فمهما شرحتي وضعك لن نستطيع ان نقرر
اذا انتي لم تكوني قوية وتتعلمي تعزي نفسك وتقدريها
" حبي نفسك بتعرفي كيف تعامليه وكيف تطالبي بحقوقك "
الحب اللي يهين النفس ما له داعي
الله يصلح حالك ويسهل امورك