السلام عليكم
بدخل بموضوعي مباشرة
أنا متزوجة لي شهرين وشوي بداية زواجي كان زوجي يازينه وياحليله يضحك ويمزح ويمرح ويسولف معاي ويعلمني بكل
شئ حتى راتبه يعلمني عنه بالتفصيل كل ما أحتاجه ألقاه قدامي ويفهمني ويرضيني اذا زعلت وتكدرت وكان فعلاً هو الأب
والام والاخ وكل شئ بحياتي ..
فجأة وقبل أربع أيام دخل فجأة البيت جاي من الدوام وكان تعبان حيل ووجه فيه حزن مو طبيعي أنا قلت يمكن من الصيام
نام زوجي العصر وصحيته على الفطور وماصحى قال لو سمحتي خليني انام أبي أرتاح ونام إلي اليوم الثاني وقت الدوام
راح للدوام بدون سحور ولا شئ ولاحضت عليه أنه طول بالحمام قبل يطلع للدوام ويوم طلع من الحمام طلع وعيونه
حمراء وباين عليه أنه كان يبكي أسأله أنا وأقوله وش فيك ويقول لي مافيني شئ بدأ يتغير علي وأنا ما أدري ليش
ويعلم الله أني ماعمري قصرت عليه بشئ لأن أهو ما قصر علي بشئ ..
رجع من الدوام العصر ونام مثل اليوم اللي قبله ولنا الحين يومين على الحالة ذي نايم ولا ياكل ولا شئ
أجي عند راسه وأبكي وأقوله ياروحي وش فيك ويناضر لي ولا يرد ولا يتكلم وعيونه مدمعه وشوي يتغطى باللحاف
ويبكي بكى قطع قلبي عليه
اليوم الثالث يوم غريب جداً صحى من النوم وهو متكم مرة وأقوله لازم تاكل لك يومين ما أكلت ولا شئ
يقول ما أبي شئ ولا أبي اكل أبيك تتركيني بحالي وأطلعي لو سمحتي برا وسكري الباب ويوم طلعت من الغرفة
وبعد نص ساعة رجعت بشويش أبي أتطمن عليه لقيته مقفل الباب وأسمع صوته وهو يبكي ويكلم نفسه ويبكي بكاء يعور
القلب أنا أدق عليه الباب وأنا ابكي وأقوله أمانة أفتح ولا يرد علي شوي سكت الصوت وأنا خفت عليه فتح الباب وأنا
جيته أبي أتطمن عليه قال ممكن تتركيني أبي أنام أقوله ياحبيبي لازم تاكل انت ما أكلت لك كم يوم يقول مابي أكل ولا بي
شئ أبيك تطلعين برا ابي انام وأول مرة يرفع صوته علي المهم تركته ينام وطلعت برا وفجأة بالليل صحى
وقام يبكي وجيته أنا يوم سمعت بكائه وشوي يناضر لي ويقول أطلعي برا أنا صراحة شوي وأنجن يقول أطلعي برا
ما أقدر أشوفك وعلى هالحالة لنا أربع أيام .. تكفون علموني وش أسوي معاه والحين هو نايم ولا ياكل ولا شئ
ما أدري كيف يستحمل الجوع ذبحه البكاء المرير .. أنا خايفة عليه ما أدري وش فيه فجأة تغير من زوج حنون وضحوك
ومرح إلى زوج كسير وحزين ويبكي بس وينام ..؟؟؟؟ تكفون وش الحل وش الدبره ؟
صاحبة القلب المعذب @sahb_alklb_almaathb
عضوة جديدة
يلزم عليك تسجيل الدخول أولًا لكتابة تعليق.
أنتي حاولي فيه مرة مرتين ما يبغى يتكلم لا تلحي عليه يمكن فيه خيرة لك لو ما تكلم
و الأفضل تتركيه و لا تسألي عن شيء يمكن لو عرفتي سببه راح تتعبي مثله
يارب يسخركم لبعض
كأنك تستهبلين علينا وتقلدين ذا الموضوع
http://forum.hawaaworld.com/showthread.php?t=3244719
http://forum.hawaaworld.com/showthread.php?t=3244719
لو ابوه وامه موجودين قريب منكم اتصلي عليهم وعلميهم .. يمكن يكونو هم يقدرو يعرفو منه شو المشكله .. يمكن واصله خبر سيء او يمكن يكون عنده مشكله بشغله او عطوه خبر بيمشوه من الشغل او اكيد موضوع كبير حتى يخليه يبكي بهالشكل ..
انا من رأيي تخلي اهله بالصورة يمكن يقدرو يساعدوكم ..
الله يفرج عنكم يارب
انا من رأيي تخلي اهله بالصورة يمكن يقدرو يساعدوكم ..
الله يفرج عنكم يارب
الصفحة الأخيرة
اتركيه الى ان يرتاح و هو بيقولك فيه شخصيات كتومه لا تضغطين عليه