زوجي دائما مشغول عني بفعل الخير

هذه هي مشكلتي بختصار
يقوم من النوم
يفطر
يطلع من البيت يروح يصلي على جنائز ويروح معهم المقبره
يجي يتغدى
ممكن ينام شوي
يروح عند ربعه من بعد صلاة العصر الى آخر الليل
يجتمعون على مراسلة الناس وأرسال الكتب الدينيه وغيرها
يجي تعبان يبي يتعشى عند التلفزيون
بعدين ينام
وهذي حياتنا
وفعل الخير والطاعات ماله مكان في البيت ولا معاي
ممكن يقرأ كتاب مع ربعه
أما أنا فيجيب لي الكتب يقول هذا كتاب أقريه
وإذا كلمته يقول هذا أنا اعطيك كتب وأشرطه ليه ماتقرين؟؟؟
أنا ماعندي مشكله في هذا كله
وكنت أساعده وأشتغل سعات معاه
لكن لكل شي حدود

سؤالي هو؟؟
هل مايفعله زوجي صحيح؟؟
وهل فعل الطاعات يقتصر على الناس فقط؟
وماهو واجبه علي؟؟؟؟؟؟؟؟؟؟؟؟؟؟
ماذا يجب أن يفعل الزوج لزوجته؟؟غير الأكل والشرب ؟؟
أنا لو كنت أدري أن الحياه الزوجيه أكل ولبس كان قعدت في بيت أبوي أحسن

من جد أسأل..تراني بديت أخبط
وصرت ما أدري هو أيش لازم يسوي لي
وأنا أيش أسوي؟؟؟؟؟

ترى مالي غير الله ثم أنتوا
لا تخلوني في خيره
خصوصا أني ماحب أشكي لأحد خصوصا أهلي
تحياتي