زوجي دكتاتور :(

مشكلتي ان زوجي اخلاقه سيئة الى درجة لا اطيقها
دايما السب على لسانه انواع الكلام القذر أحيانا اسكت وابتسم بويه واقوله الله يسامحك واحيانا أرد عليه ويااااويلي ويلاه اذا رديت يعصب زياده ويسب اكثر ويضرب احيانا حتى بنتي اللي عمرها خمس شهور ما سلمت منه دايما يأذيها يخليها تصيح يهزها يلمها حيل لين تصيح ويكمل عليها ما يرحمها واحيانا ينفخ بويها وهي تصيح وانا احاول امسك نفسي اذا سوالها جذي اقول يمل ويتركها بس ما اقدر اصبر واروح اخذها منه ما يخليني لي درجة اسحبها بالقوة منه فيعصب اكثر ويضربها كف لانه يعرف ان نقطة ضعفي هي بنتي انا اقدر اتحمل لنفسي بس ما اقدر على بنتي :icon33: :icon33: وقبل كم يوم كان يوم الجمعة كان يوووم تعذيب نفس الحالة يبكي بنتي واسحبها منه طقني ذيك الطقة على ظهري تصدقون بكيت ويقولي يالله ولي واذا عطيت بنتي زجاجة الحليب يضرب الزجاجة من فوق بقوة فتتأذي البنت وتصيح واقوله بس يا فلان ويعيدها انا طلعت من طوري وقمت اسبه
ممنوع المناقشة على اي شي حتى لو كلامه كان غلط ممنووووع بس قولي انشالله وبس و حتى لو سبيت لا تردين يقولي انا دكتاتور يعني شتسويين يقولي المرة ما عليها الا انها تسمع الكلام وتاكل (....) :( :(
حاولت معاه كل الطرق الكلام ماااا ينفع لان ما عنده شي اسمه مناقشه او اعتراض
وشي ثاني يعصب على اقل غلطه مثلا دشداشته مو مكوية عدل ومره ضاع سيدي من مكتبه وكنت مرتبه المكتب ودورته بس ما لقيته قالي اليوم ماكو طلعة من البيت ويامى حبسني بالبيت على اشيا سخيفة يعني لو عصبت واعترضت على كلامه يقولي ماكو طلعة برة البيت حتى لو لاهلي
وعلى فكرة يشاهد افلام اباحية وصور لبنات عاريات مالية اللاب توب ماله
يكلم بنت وحدة وانا مسوية فيها غبية ما ادري علشان مو لصالحي انه يعرف بعلمي لانه دكتاتور
ما يتغدى بالبيت من ولدت بنتي اغلب الايام بس يرجع يبدل ملابسه ويطلع وما يرجع الا اخر اليل واحيانا ما يرجع من الدوام مولية يروح بيت اهله ويبدل هناك
ما افكر بالطلاق ابدا ومو بقاموسي
الجهاد مو سهل وهذا جهادي
دايما ادعي ربي ان يهديه بس الحين افكر ان ادعي الله وسبحانه يسلط عليه احد يسوي فيه مثل ما يسوي فيني وفي بنتي
ياليت لو اقدر اصبر على تصرفاته بس صعبب جدا
سامحوني على الكلام الغير مرتب بس حبيت اطلع كل اللي بقلبي وانشالله ما ثقلت عليكم ....
:( :(