السلام عليكم اخواتي
انا متزوجة من 6 سنوات وعندي طفلين 5ونص و4 سنوات ...
انا مهندسة وزوجي مهندس ونشتغل في دبي ..
المشكلة ان زوجي بخيل جدا ...وبسبب بخله اضطريت اني اشتغل عشان اقدر اصرف على نفسي ...وحتى عيالي نادرا ما يشتري لهم أغراض وحتى أغراض البيت بعد ما ازن وازن عليه يشتري ...المهم غالبا ما اشتري راحة بالي واشتري انا الأغراض وفي حياته طول ال6 سنوات بس اول عيد اشترى لي ملابس وبعدها ابدا ما اشترى شي حتى عياله بس عيد واحد في 2012
قبل سنتين غير شغله وفتح مكتب هندسي خاص وفي نفس الوقت ولدي الكبير كان لازم يدخل الروضة فهو قال ما عنده فلوس اتفقنا نتشارك ورحنا وسجلنا في الاخر انا اللي دفعت كل شي ...والسنة اللي بعدها نفس الموضوع
هذه السنة ولدي الكبير المفروض يدخل الصف الأول والتاني المفروض يدخل KG1 والحين ظروفه جدا اتحسنت ....فقلت له انت اللي تدفع رسوم التسجيل ....رفض وقال لي ما عندي شي حقك ولا لعيالك ...بتسجليهم انت سجليهم ما بتسجليهم خليهم في البيت لين السنة الجاية ....صراحة انا انصدمت وفكرت وفكرت قلت ان الصح الرجال هو المسئول عن البيت من الالف الى الياء واذا ظروفه صعبة اساعده بس موكل شي علي انا ....يعني راتبي كله من الشغالة والحضانة والسيارة واغراض البيت واقساط المدرسة ما بقى شي ادلع نفسي ولا احس اني مستفيدة ....يعني حتى الحريم اللي قاعدين في البيت مرتاحين اكثر عني ...انا لو مو كل الأعباء اللي علي كل شهر اشتري طقم ذهب اعدل في البيت .... انا قبل كنت اشتري عطور ةاي شي نفسي فيه بس الحين ما اقدر مثلا اشتري عطري المفضل اشتري تركيب او عطر ثاني بالمقابل هو كل أسبوع مشتري شي جديد وسفر وموبايلات واخر دلع....قررت اني اخليهم وما ادفع شي ,,,, وقلت له انت المسئول من بيتك وما خصني حتى بالاكل والملابس والفواتير ولا أي شي راتبي كله حقى وانت المسئول ...
تخيلوا امس اخته وامه يسئلوني اذا كنت سجلت العيال وليش اتاخرتي ...كاني انا المسئولة انا سكتت وقلت لهم ان التسجيل باقي له شهر ...
في حين ان التسجيل باقي له أسبوع بس ...وانا مطنشة الموضوع وهو مفكر اني في اخر لحظة بغير راي ...مثل كل مرة لان انا كل شي عندي اتنازل عنه الا مصلحة عيالي
بس انا قلت خلي كل الأمور ترجع لنصابها يتحمل مسؤوليته وانا خليني في دوري كام وزوجة
المشكلة ان فعلا انا متضايقة من كون عيالي ما بيدخلون المدرسة هالسنة ....شوروا علي الله يخليكم
EVA MOON @eva_moon
عضوة
يلزم عليك تسجيل الدخول أولًا لكتابة تعليق.
umaymen
•
الله يفرجها عليك انا برأيي قولي لاهله فهميهم ولدكم مايبي يدخل العيال المدرسة وخليه يتفشل يمكن يدفع ويتلحح اهم شي ابو سنة اولى صعب تضيع عليه السنة وانا مع رايك انك ماتدفعين انسحبي بشويش من المصاريف المشكلة انك عودتيه الله يعينك البخل مرض
انتى السبب ، الرجال ماهو بخيل والدليل انه يدلع نفسه
الرجال تكالي وشافك تقومين بدوره وانبسط
اقول اسحبي نفسك من كل شي
حتى اغراض البيت لاتجيبين شي واذا سال قولي دخلت جمعيه او سددت مديونيه او اي شي يقفل الباب عليه
لكن لاتقولين مابي ادفع ادفع انت ، كذا يحس الوضع عناد ويعاند اكثر ، وكل شوي اسحبي نفسك من شي
والله لايهينك لاتتعذرين عن زوجك قدام اهله خلهم يطلعون ع الوضع ، اذا قالوا ليش ماسجلتي الولد قولي ماعندي
وزوجي رافض يدفع ، وانا كنت ادفع عن الولد الاول لكن الان ماني قادره، مارح يحصل مثلك تدارين على اخطائه حتى امام اهله!!
غلط اللي تعملينه بيرجع ضرره عليك وعلى اولادك ، لازم تكونين حازمه بهذا الشي
الرجال تكالي وشافك تقومين بدوره وانبسط
اقول اسحبي نفسك من كل شي
حتى اغراض البيت لاتجيبين شي واذا سال قولي دخلت جمعيه او سددت مديونيه او اي شي يقفل الباب عليه
لكن لاتقولين مابي ادفع ادفع انت ، كذا يحس الوضع عناد ويعاند اكثر ، وكل شوي اسحبي نفسك من شي
والله لايهينك لاتتعذرين عن زوجك قدام اهله خلهم يطلعون ع الوضع ، اذا قالوا ليش ماسجلتي الولد قولي ماعندي
وزوجي رافض يدفع ، وانا كنت ادفع عن الولد الاول لكن الان ماني قادره، مارح يحصل مثلك تدارين على اخطائه حتى امام اهله!!
غلط اللي تعملينه بيرجع ضرره عليك وعلى اولادك ، لازم تكونين حازمه بهذا الشي
الا تعليم اولادك ..
انتي معك حق في كل كلامك ولا قصرتي بشئ ابداً الله يعوضك ..
لكن لاتعطينه درس في شئ يخص مصلحة اطفالك ..
سجليهم واسحبي نفسك من كل الاشياء الثانية اللي متكفله فيها بالبيت ..
هالخطوة كفيله توصل فكرتك اللي تبين توصلينها له ..
انتي معك حق في كل كلامك ولا قصرتي بشئ ابداً الله يعوضك ..
لكن لاتعطينه درس في شئ يخص مصلحة اطفالك ..
سجليهم واسحبي نفسك من كل الاشياء الثانية اللي متكفله فيها بالبيت ..
هالخطوة كفيله توصل فكرتك اللي تبين توصلينها له ..
الصفحة الأخيرة