- اكتب لكم وانا بهم مايعلم فيه الا الله
اول شي طلبت كل وحده تدخل تدعي لي ربي يشفيني ويرد لي عافيتي
يااخوات انا من اول العشر الاواخر تعبت جاني الام ببطن ماتحتمل راجعت كل المستشفيات الي يقول قرحه والي يقول التهاب والى الان أعاني ماخف زوجي أخذني وداني بيت اخوي والله يخلي زوجته ماقصرت قامت فيني هي وبناتها وعيالها يارب يخليهم ورافضه اروح من عندها لما اتعافى باْذن الله وسوت غرفه لي انا وزوجي بس زوجي إنسان عجزت افهمه ! جنني جنني يلومني ليه مارحت لااهله بالعيد اول شي انا تعبانه ثاني شي اَهله كل ماجيت يتكلمون علي شايفيني مره بدويه مااعرف شي ويحسسوني اني ولا شي قدامهم ! تقربت لهم بكل الطرق هدايا وفلوس ومعامله طيبه بس عجزت اقولك اقرب موقف صار برمضان رحت افطر وفيه كل سلايفي استاذنت اني باروح اطبخ السحور قالوا ايش بتطبخي قلت الطبخه الفلانيه ويجلسون قدام سلايفي كلهم يااااااااااع نحنا مانطبخها كذا ويجلسون يسألون سلايفي انتي كيف تطبخينها ويقولون كلنا غير عنك مع اني مشهود ليا بطبخي ! غير نظرات الاستحقار ! وزوجي يقولي كل مراح يحسسونه اخوانه اني انا فأرضه رايي عليه انا تعبانه ولا احد سال عني وقالي سلامتك ويبغاني اروح اعايدهم وربي قلبي مليان منهم يكفي تعليقاتهم ع شكلي وطولي قدام زوجي وان اهلك اهم من زوجتك وأهل زوجتك مالك دخل فيهم المهم مدري زوجي متغير علي مره وانا بعز تعبي هو جلس مريض سنه والله العظيم مافيه احد من اَهله زاره اصلا عندي ع السرير حمام انا الي اوديه والاكل انا انزل بقالات وأجيب اوكله وعانيت وتعبت وبالنهايه الحين وقت تعبي حاطني عند اخوي ومقفل جواله ! ويلومني روحي عايدي اهلي ياناس تعبت مررررررره شوروا علي ! ريحوني زادني مع المرض الهم يكفي العيد ماذقت طعمه يجي عندنا عند اخوي بس ينام واصحي ادوره مالقاه ووضعه دايما ع الجوال شككني فيه ولاطلع من عندي يحول جواله مغلق طيب لو يصير لي شي وانا عند اخوي وينه عني !
الان انتي اتركي عنك زوجك واهله لا تغثين نفسك بسببهم المهم صحتك اهتمي فيها ترى محد نافعك اذا صار فيك شيء وزوجك لما يجيك اتفاهمي معه وش قصة انه يقفل جواله
واول ما تحسين بتحسن روحي على بيتك خلي زوجك يتحمل المسؤولية مو يحطك عند اخوك وينساك الا وقت النومة