زوجي سحب من رصيدي 25الف تحويشة العمر من سنوات ولاعنده نية يرجعهم

السلام عليكم ورحمة الله وبركاته
سبق وكتبت موضوع عن مشاكلي مع زوجي
وتقرييا الكل اجمع على رأي طلب الطلاق او الخلع لأن عيوبه عظيمة وكبيرة ولايسكت عنها وحسبي الله عليه انه حطني في هالموقف لان مافي بنت ماتبي الاستقرار لها ولعيالها والراحة النفسية

انا لي شهرين في بيت اهلي ومشاكل مالها اول من آخر وماطلعت من بيتي الا سيدا على بيت اهله وعلمت اهله بكل بلاويه طبعا هو كان يكابر ويفاخر ولكن يوم شاف ردة فعل اهله عرف قدر نفسه وحجمه

وابو عيالي هذا جا المرة الاولى ورفضت اقابله ورميت جواله اللي يدقدق علي منه بالمجلس

والمرة الثانية قال لابوي ابيها تجي نتفاهم ومالها الا طيبة الخاطر وكل اللي تبي بيصير

جا بكل ضعف واعتذر ووعد انه كلش يتصلح ومرة كان خايف اني اخلعه وحس انه ظلمني وفقدني والله ماقد شفته بهالحال لدرجة نزل يصلي بالمسجد بأمري وهو اول كان يقول بكل جبروت انتي اللي بتحاسبيني او الله ووو طبعا مو واثقة من جديته وصدقه وان ريمه بترجع لعادتها القديمة

المرة الثالثة جا ولكن مو بنفس حالته المرة الاولى اخذ الامان اني ماراح اطلب الطلاق ولاخلع حاليا بسبب حملي

بعدين ماعاد سأل ولاجاب خبر لعياله

المشكلة الحين اهلي مايبوني بالفم المليان قالتلي الوالدة انتي على روسنا عالة وماعجبك اطلعي الشارع وعيالك زي الهم ومو متحملين صياح ولا حركات اطفال طبيعية شقاوة لطيفة وانا وراهم والله تعبت من مصالاهم اكثر من بيتي مابي اي شيء يبقع او يطيح منهم يعني اللي بتجي تقول تبالغين ولا تتحسسين ولا زي العالة ماتعاونين لا حبيبتي شيكي على ملفي واقري مواضيعي الله لايهينك
نجي لعيوب زوجي ورأي الوالد


الوالد قالي انا سمعت شيخ يقول اذا بين الزوجين اطفال في حالة الزوج اللي مايصلي تصبر طبعا انا ماقتنعت


والزنا رأيه وراي امي طالما تاب ومارجع خلاص وبرضه عشان عيالك


والتعاطي طبعا اهلي انهبلوا وانصدموا
بس مع الايام يبون يقربونا لبعض ومايردعونه لو دق نادوني واصروا ارد عليه لو جا استقبلوه احسن استقبال لو طلبني نطلع العيال اطلعي معه هذا زوجك مافيها شيء يعني واضحة ماوقفوا موقف حازم طبعا هم امام زوجي ماكانهم يدرون لان واضحة النهاية برجع عشان العيال وعشاني ماتقبلونا فمايبون يكسرون هيبتهم وكرامة بنتهم انهم دروا ورغم ذلك ماتخذوا موقف حازم

طبعا موضوع الزنا المحصن سابقا والتعاطي كلها مادريت الا بعد حملي بطفلي الأول ولاكان علمته شغل الله وكيف يدق باب بيوت الناس وهو فيه هالعيوب

انا
حالتي الآن اعيش شيء فوق طاقة الانسان مو عشان فاقدة زوجي لا والله اللي مثله ماعليه حسوفة لكن بسبب بعض افراد اهلي ابدا ماوقفوا معي ويبون الفكة مني وانواع المضايقات حتى لو بدخل اطبخ لهم يكون فيه غيره من ان طبخي بيغطي البهارات انا خلصتها اي حركة صوت بالمواعين خربتي شينا يالوعبة ولوا ماطبخت كلام زي السم ومذلة

الغسالات الملابس انا خربتهاكل يوم حامية واغسل


طبعا الوالد موقف سلبي ويسمع وساكت اخواني اللي معي مابيدهم شيء وصغار بداية جامعة مايحلون ولايربطون خواتي موقفهم سلبي ومستحيل يشهدون بالحق



شرطت على زوجي يرجع فلوسي هذي اللي سحبها ولاماراح ارجع وللحين يماطل وكل مرة يقول ان شاء الله طبعا تسليك خمس سنوات وهو يسلك وماعنده نية

ويقول باستطاعتي اعطيك اياها بس بيخصمون من راتبه وبيصيرون يسحبون منه ولما حجرت له قال لو زانت الامور يعني الأخ مطول وماله نية ولاعندة ذمة




وانا هذا الانسان مايستحق التعاطف سبني قدام اهله وسب اهلي ولعنهم ولابين بعينه ابدا
خل الخمة اللي كان يسافر معهم ويسعسع يتحاططون له
خل الآسيويات اللي كان يدفع لهم الآلاف عشان ليله ينفعونه



خوفته بالدعاء والحوبة قلتله انا ادعي عليك كل يوم وانا صايمةولكن ماهتم لان ماصابه شيء ولامرض يأدبه

وعاجبه الوضع مؤخرا عكس اول ماطلعت و بدا يتعايش مع الوضع انا في بيت اهلي واهو قاعد ببيت اهله ولمة اهله ومافي مصاريف زي اول وينزله حساب المواطن والراتب لحاله
فلو يبي يرجعها كان في هالشهرين اللي حنا مو عنده رجع نصفها عالاقل



ايش الحل مع هالانسان اهله ومعارفه اكيد احد شار عليه خلها تخيس فبيت اهلها الين تطفش وتطلبك ترجعها من غير شرط ولا منة



وانا مصرة مارجع طالما وعد بالتوبة الا وفلوسي في حسابي بس مايبي يدفع مفهومه بوقت نحتد بالهواش انه حسافة فيني المهر وهذا هو رجعه لحسابه واكثر من مرة قال رجعي ذهبي او مهري واعطيك اياه



والسالفة شكلها مطولة ماله نية يرجعها يماطل مرة ببيت مستقل ومرة بضرايب ساهر ومرة ومرة

ارجعو واقول لو كان يستاهل وحاشمني وحاشم اهلي و اقرابي كان والله ماقصرت

وش ذنبي انه ماكمل دراسه فقط ابتدائي وماحصله الاوظيفة ضعيفة

وش ذنبي انه بعزق فلوسه ايام العزوبية فاللعب والخربطة

الى متى
ابي اتخذ موقف حازم
من عندها خبرة وفكرة