يا بنات أنا في مشكلة ابغى رايكم بسرعة ، راح اختصر بس لازم اقول شوية تفاصيل عشان تستوعبو المصيبة اللي انا فيها ،، أنا وولد عمي عشنا طول عمرنا انه احنا لبعض يعني اهله كانو يقولو فلان لفلانة واتعلقنا في بعض جدا حتى فترة المراهقة كنا نكلم بعض زي المخطوبين و امه لازم كانت تشتري لي في العيد زي بناتها على اساس اني راح اتزوج ولدهم ، و اتملكنا و كنا بالمرة مبسوطين و قبل الزواج باسبوعين انفصلنا ، اكتشفت انه متزوج اندونسية و له منها ولد ،، واهله كانو دارين و ما قالو لنا و ما درينا الا قبل الزواج باسبوعين و انا ما اتحملت خيانته و انفصلنا رغم اننا كنا نموت في بعض و جاء اقنعني انها غلطة و انه يحبني و متعلق في و صارت مواقف كثيرة بس برضه رفضت ،، المهم زوجي حاليا هو عارف القصة كلها لانه ولد جارنا و كان يحبني من طرف واحد بس و كم مرة كلم اخوية و كل مرة اخوية يقنعني يقولي وافقي عليه صاحب دين و اخلاق احسن من ولد عمي بس كنت ارفض و لما انفصلت من ولد عمي ووافقت عليه و صار الزواج ، يا بنات في البداية ما كنت احبه كثير بس بعد اكثر من شهر اتعلقت فيه بالمرة حنوووووووووووووووووووووووون جدا جدا فوق ما تتخيلو و كريم و عمره ما قلي لا و هو وحيد من الاولاد و عنده 8 اخوات و عمره ما زعل وحدة فيهم و دائما بشوش و حنيته على الكل ، يا بنات لو اكتب عن اخلاقه من اليوم لبكرة ما راح اقدر اوصفلكم و كمان انا لي 7 سنين بدون اطفال ادعولي ربي يرزقني ،، زوجي حط جزء كبير من الفلوس في البنك باسمي و البيت اللي ساكنين فيه باسمي ، لاني دائما اقوله اخاف بكرة تتزوج علي عشان الخلفة لانو السبب مني و يقولي عشان ترتاحي راح اخلي كل شي بإسمك و عمري ما راح افكر اتزوج عشان الاطفال انتي كل شي بحياتي ، و عمره ما جرحني عشان موضوع الاطفال و حتى اهله ناس طيبين جدا ، امه طيبة و ساكنة معانا لانها ارملة و عمرها ما اتدخلت في حياتي و اخواتو كلهم متزوجات و في حالهم و يحترموني و انا نفس الشي ،، دحين نجي للقصة انا من بلاهتي الزائدة كنت حاطة صورتين من ملكتي من ولد عمي في كتاب ديني من زمان و لما اتزوجت جبت الكتاب معايا انا فاكرة الصور مو ناسية بس ما ادري ليش عبط و لا هبل ما ادري ،، و الكتاب كنت اقرأ منه الورد اليومي و بعض الاذكار و اختي قالت لي انه الكتاب قرات عنه في النت انه في اشياء كثيرة غلط و فيها بدع كثيرة ،، هو كتاب قديم جدا حتى جلدته من برة مقطعة كنت دائما اقرا منه ، اعتقد اسمه اذكار الصباح و المساء ،، المهم و من يومها حطيت فيها الصورتين و رفعتها فوق و الله يا بنات اموووووووووووووووت في زوجي و احبه و ما عمري فكرت اخونه او حتى اضره ، زوجي ما اعتبره زوج اعتبر صاحبي و كل شي في حياتي و حتى هو نفس الشي اي شي مهما كان صغير او كبير لازم يجي يقولي و انا كمان ،، بس ايش اللي صار اليوم ، انا قريب اشتريت جوال نوكيا ان 8 و الجوال له فترة كل شوية يعلق اللي عندها الجوال راح تفهم علي ، و بعدين طفى فجأة احسبه من البطارية طلع الجهاز السوفت وير حقه خرب ، و انا قعدت حزينة على الجوال ، زوجي قلي جيبي جوالك القديم و حطي في شريحتك و انا دحين اروح اوديه يحطو لك في سوفت وير الجديد، و انا قلت خلاص ما ابغى تجيب لي سيرة الجوال جنني كل شوية يعلق ، فهو راح للغرفة عشان يجيب الجوال القديم يحط لك الشريحة لما شافني معصبة عشان يأخذه الصيانة و يدور و يدور لين جاء الكتاب في يده يبغى يوخر الكتاب طاحت الصور ،، انا ما كنت ادري انه اصلا شاف الصور ،، و هو نزل من غرفة النوم و حتى ما عدى علي و شفته خرج و عادي احسبه مستعجل عشان يلحق قبل الصلاة و لما طلعت اتوضأ و اصلي في غرفتي لقيت الصورتين على السرير ،، و الكتاب مرمي جنبهم و الجوال القديم و الجديد ، يا بنات حسيت قلبي طاح لرجولي و حسيت انه دقات قلبي في رجولي موقف صعب جدا جدا ،، انا اتصلت عليه بس الجوال مغلق ، وقلت اكيد في المسجد و بعد الصلاة برضه مقفل الجوال ،، ارسلت له رسالة رد علي ،، و برضه ما رد ، و لغايت الان ما رجع البيت بس جواله مفتوح ،، و امه اتصلت عليه بس ما تدري عن شي بس اتصلت عشان تقوله ليش اتأخرت ، قلها انه كمان ساعة راح يرجع ، يا بنات لما يرجع وواجهني ايش اقوله ،، انا مفجوعة ، انا ما احب ولدعمي ولا اكرهه ، مجرد شخص كان في حياتي و بالنسبة لي انتهى من حياتي ،، و عمري ما فكرت فيه و لا عمري حتى كلمته او اتصلت عليه بعد ما انفصلنا و هو اتزوج و راح في حاله و انا كمان اتزوجت و رحت في حالي ، بس لا تسألوني ليش كنت محتفظة بالصور،، ما ادري انا احب زوجي ، دحين انا اكتب لكم بسرعة و يعني لو صدق مع امه راح يرجع كمان شوية ، زوجي ما عنده اصدقاء ابدا بس عند زملاء عمل و لا عنده علاقات كثيرة مع جماعتنا بيتوتي جدا ما ادري فين راح ، أخاف يكون راح لولد عمي او سوى شي هو عصبي جدا رغم حنيته ، انا ما ادري يمديني اقرأ ردودكم او لا ، ارجوكم لا تقسو علي انا مفجوعة و اكتب لكم و انا ابكي و مفجوعة وارجف ،، بس ادعولي تعدي الليلة على خير ، هو عمره ما اتأخر حده الساعة تسع اول مرة يتأخر يا بنات ادعولي و بس
golden eye @golden_eye_1
كبيرة محررات
يلزم عليك تسجيل الدخول أولًا لكتابة تعليق.
في صمتـــي مهابــه
•
من جد مشكله الله يعديها عليك على خير حبيبتي
الله يعينك ويفرح همك اذا رجع فهميه الموضوع واذا مارضى احلفي له وقطعي الصور قدامه عشان يصدقك ****لله البنات يفيدونك الله يسرلك
بس جواله مفتوح ،، و امه اتصلت عليه بس ما تدري عن شي بس اتصلت عشان تقوله ليش اتأخرت ، قلها انه كمان ساعة راح يرجع
كيف عرفتي انه كلمها؟؟؟
بدين انتي غلطانه مره والمفروض ماتحتفظي بصور رجل غريب وانتي على ذمة رجال مدام تحبينه ليش تحفظين صور ملكتك بصراحه وترتيني زوجك انسان رائع وانتي انسانه سيئه .. بس ماقول غير الله يهديكي وتعدي هالليله على خير
كيف عرفتي انه كلمها؟؟؟
بدين انتي غلطانه مره والمفروض ماتحتفظي بصور رجل غريب وانتي على ذمة رجال مدام تحبينه ليش تحفظين صور ملكتك بصراحه وترتيني زوجك انسان رائع وانتي انسانه سيئه .. بس ماقول غير الله يهديكي وتعدي هالليله على خير
الصفحة الأخيرة