زوجي شاك بشرفي

السلام عليكم ي بنات بقولكم قصتي
انـا زوجي الليله فاتحني ب موضوع
وقال ليش دقيتي على اخوي قلت عشان أخذ رقمك
منه قال كذابه تبين تبشرينه انك ولدتي قلت لا ابي أخذ رقمك منه عشان ابشرك وانا صادقه ي بنات
انـا ولدت وم كان معي جوال ولا احد درى أني ولدت وكان معي وحده في تنويم وطلبتها جواله أكلم ودقيت على رقم يشابه رقم زوجي وغلطت في اخر الرقم وقال غلطانه قلت مالي الا اخوه يعطيني
رقمه ولا راح احد يدري ودقيت على اخوه آثاري زوجي كان عنده ومدري كيف درى أني اياه
قال أني شكيت ان بينك وبين اخوي علاقه وان ولدي هذا انه ولد اخوي وقال بسوي فحص DNA
وبشوف اذا هو ولدي ولا ولد اخوي قلت روح
سو فحص وإذا جاء ذاك الوقت جمعت اخوانك واخوي وفضحت ولا اقعد معك واشتكيك
جحد قال إنتي اللي فتحتي الموضوع وان ورفض يعتذر لي ورفض يحلف انه م عاد يفتح لي الموضوع
وانا قلت بسامحك عشان عيالي وعشان محبتنا
قال م ضقت منك ولا اخاف من تهديداتك
ودق علي قبل شوي يقول اذا دقيتي على احد من هلك ترى بتخرب حياتنا م راح تقعدين معي
وانا ابي ردودكم مابي اخرب حياتي وافرق عيالي
ابي ردود حكيمه وهلي ترى بعد متشددين يعني لارحت لهم وأخذ شقه لحالي بيعروني ولا احد متقبلني انـا وعيالي تكفـون ساعدوني