زوجي صار عليه حادث

السلام عليكم ورحمة الله وبركاته
كيفكم حوائيات عساكم بخير وصحه يارب ويكفيهم من شرور الدنيا ولا يوريكم مكره باحبابكم

زوجي صار عليه حادث يوم الاربعاء الصباح وهو رايح لدوامه وتكسرت يدينه الثنتين اليسارً كسر مضاعف يحتاج عمليه واليمين كسر عاددي ونقطع دقنه ولسانه بس الحمد لله سوله خياطه بس للمشكله الكسر المضاف يحتاج عمليه أسياخ بس ما قدروا ينسونها لان زوجي مريض سكر ومن صار الحادث وهو مرتفع حتى الذاكرة تروح وتجي قال الدكتور بسبب ارتفاع السكر رحت له اول يوم العصر بس كان مخدر علشان الكسور وكنت ابكي بحرقه عنده فتح وحده من عيونه لان الثانيه متورمه وفيها دم محتجز قلي ليش تبكين يا قلبي انا بخير سكت وروحت من عنده على أذان المغرب راحت له امه سألها عني قال الناس كلهم جوني الا فلأنه قصده انا ليش ماجت تقول قلت له الا جتك قال لا ما جت سؤال هل مريض السكر يضيع ?

المهم رحت له اليوم ويوم شفاني بكى بحرقه وقلي انا تعبان وينادي باسمي وانا اقول الف سلامه كلها ايام وتطبيب وأبكي معاه وأسكت فيه وأقوله لا تبكي لان فيه زوار وانا رحت البيت وانا ابكي الين الحين انا جفت دموعي بس قلبي يبكي عليه اول مره أشوفه يبكي ويتألم تعبت مررررررررررهتعبت ما احب أشوف رجال يبكي بس عرفت قد ايش هو يتألم تمنيت استغفر الله لو اقدر أشيل عنه شوي من الضيم اللي فيه بس الحمد لله على هذا الوجه ولاغيره
يوم السبت قرروا له عمليه بإذن الله ابغى منكم دعواتكم بنجاح عمليته وان ربي يرده لي ولعياله سالم الايام الجايه بتكون أصعب انا ما ادري ايش اسوي وبالعاده كم تجلس الأسياخ علشان يطيب قلبي معاه لان زوجي ما يحب يجلس بالبيت وعنده محلات وهو يديرها

أخيراً اللي ما عندها تعليق على الموضوع ترفعه بدعوه لزوجي ان ربي يشفيه ويرجعه لي سالم وعيالي