السلام عليكم
انا نزلت مشكلتي من شهرين لكن لأسباب خاصة
طلبت من الادارة حذف الموضوع
انا متزوجه وعندي طفلين
زوجي يعاملني باحترام ويصلي ويصوم
ولكن من شهرين جته سفرة عمل
وكان بيروح معه صديقه اللي يعرفه من 20 سنة
انا قبضني قلبي وقررت انبش وراه
فتحت محادثاتهم ولقيتهم مخططين يروحون مرقص
ويجيبون معهم بنات للشقة اللي هم حاجزينها
لجئت لمستشاره اسريه وطلبت مني مواجهته قبل سفره
لكن من خلال مسجات لما اروح بيت اهلي
وفعلاً ارسلت له مسج اني عرفت كل شي
ورد علي بمسج وانكر فيه وقلب الموضوع علي
وانه الكلام اللي كان مكتوب مجرد مزح بين الاصدقاء
انا طنشته ومارديت عليه
ولجئت لربي كل يوم اقرء سورة البقره واصلي استخاره
وكنت حاسه بنفور من ناحيته
رجع من سفرته وماحاول يتواصل معي
ينتظر مني اضعف واصدق كذبته
بعد رجوعه بأسبوع كان عنده سفره ثانيه لنفس المدينة
وقبل مايسافر ارسل لي
تعالي خذي ملابسك لاني ابغى اسلم البيت
ايضاً طلبت مني المستشارة التطنيش وطنشت
وهو سافر بدون تعليق
طبعاً انا لما شفت الموضوع مطول كلمت اخوي وحطيته
في الصوره واهلي مايدرون عن اي شي مجرد انه مسافر
تبع العمل
قبل مايرجع كلم اخوي وتناقش معه في الموضوع
وقال كلام كثير ماله علاقه بالموضوع الرئيسي
وبعدها كلمني وحلف لي انه مالمس اي حرمه هناك
ودعى على انه يفقد اغلا ماعنده اذا كان سوى الحرام
انا صدقته وقلت اعطيه فرصه لان عمري مامسكت عليه شي
جلست معه شهرين وكان في قلبي غصه
اذا استرجعت مكالمته
مالقيت فيه اي مبرر او توضيح للمحادثة اللي قريت
ودعيت ربي انه يهديه
وان كانه راعي حرام يسخر لي ربي الظروف
اللي تكشفه قدامي
وفعلاً زوجي شرى جوال جديد وترك القديم في البيت
وانا استغليت الفرصه وفتحته ورجعت لمحادثات صديقه
المصيبه هنا ياأخواتي
من ضمن المحادثات زوجي يطلبه يوفر له خمر
من ضمن المحادثات وكانت من سنة تقريباً
صديقه يبلغه انهم راح يسهرون في الشقه وفيه بنات
ليل اذا كان يبغى
وزوجي يسأله عن السعر وكيف الوضع ومن بيجي
اسلوب زوجي واضح انه متعود على هالجو ومتردد
على هذا المكان يعني الخيانه في دمه من زمان
انا كلمت المستشاره وطلبت مني تصوير المحادثه
وفعلاً صورتها ولحد الان مابعد كلمتها
بنات أسئلكم بالله
هل لو طلبت الطلاق اكون ظلمته او ظلمت عيالي ؟؟
احس بخنقه وكتمه في صدري
عطوني رايكم وش القرار الصح ؟؟
الله يحرم يدها عن النار اللي بترد علي
وتنصحني لوجه الله
جزاكم الله خير
F . B . S @f_b_s
عضوة فعالة
يلزم عليك تسجيل الدخول أولًا لكتابة تعليق.
زهر الروبى
•
الله يفرج همك ويهدي زوجك الطلاق مصيبة والخيانة ممكن تنقل امراض ربي يحميك من كل شر استخري الله والخيرة فيما اختاره الله
اخاف اقولك راي ويزيد مشكلتك سوء
مالي الا ادعيلك ربي يفرج عليك وينور بصيرتك
لاتخليه يقرب منك ويجبلك عله
مالي الا ادعيلك ربي يفرج عليك وينور بصيرتك
لاتخليه يقرب منك ويجبلك عله
اخاف اقولك راي ويزيد مشكلتك سوء
مالي الا ادعيلك ربي يفرج عليك وينور بصيرتك
لاتخليه يقرب منك ويجبلك عله
مالي الا ادعيلك ربي يفرج عليك وينور بصيرتك
لاتخليه يقرب منك ويجبلك عله
الصفحة الأخيرة