الحل بسيط و في يدك 
تصاارحيه وتواجهيه بهدوء وبدون صراخ ولا شي
لوحدكم طبعاً وتشرطين عليه الهدوء وان يسمعك للنهاية وان تحل الامور بدون شوشرة
قوليله يا ولد الناس خلنا نتكلم بصراحة وبلا كذب ولا لف ولا دوران ولا حلف  وهذاني اكلمك بهدوء وعقل ،، خبريه انك دريتي بكلللل شي وما تبين منه مبررات ولا اعذار 

والانكار ما راح يفيد بشي 
قوليله انت لازم تختار 
يا انك تعيش مع زوجتك واسرتك باستقامة وتترك عنك اصدقاء السوء والعربدة والخمر 
او تختار العربدة والخمر والسهرات البطالة والسفر للمنكر وتخسر عائلتك ونفسك وصحتك 

الموضوع بهذه البساطة يا ابيض او اسود اما تعيش في اللون الرمادي فهذه الحياة لا اقبلها لا على نفسي ولا اولادي ولا ارضى ان يكون لي زوج خائن يرتكب المحرمات مهما كان شكلها 

قوليله انك مستعدة تسامحيه وتنسي الماضي على شرط انه يمسح الماضي نهائيا من حياااته الحالية وينسى موضوع السفر مع الاصدقاء 
وايام الاعياد والاجازات لا تروحين الاهلك اعمليله برنامج وخليه معاك 

شوفي لازم تخيريه بإن الجمع بين هالامور ضرب من الجنون
واكدي عليه انك تحبيه لكن ما ترضين بالافعال المشينة وكرامتك ما تسمح لك 

خليك واثقة من نفسك وحازمة معه ولا تطلعين من بيتك الا لما اهو يقرر ويتخذ قرار نهائي 

اذا اعتذر واختارك خلاص ابتدي معاه من جديد وانسي الماضي وعطيه فرصة اخيرة
لكن لو بعد فترة رجع للمسخرة 

اهني اتخذي خطوة حاسمة وتركي البيت وقوليه انت خلاص اخترت طريقك بعيد عنا ولا يجتمع الطيب مع الخبيث . 
ولما تتسد كل الطرق معاه دخلي اطراف حكيمة من اسرتك او اسرته 
خلي قرار الانفصال آخر قرار تتخذيه حاول معاااه كثر ما تقدرين 
ولا  تنسي ان تتقربي الى الله ليهدي لك زوجك ويبعده عن طريق السوء ويسخره لك والاطفاله 
والله يصلح احواله 

يااااااااااااااااااه ياحقارة الرجال ماعاد فيه اللي يخاف الله ....توني فايقه من صدمه برجل لو العالم كلها قالت يغازل ماصدقتهم!!!وللاسف طلع كذلك!!!

حسبي الله ونعم الوكيل

خلاص ابدي صفحه جديده مع نفسك ومعه
وكل ماتنامين وتقومين استغفري ميه مره
هذا اول شي بيخليك بتحسين بالراحه ان شاءالله

افتحي التلفزيون خليها على قناه القران السعوديه
او المجد القران
خلي الصوت عادي مو عالي

صدقيني تحفكم الملائكه وتنطرد الشياطين من البيت

اذا جاء زوجك خليك عاديه رايقه
خليه يشوفك انسانه فرفوشه انسي الكدر والهم دامك مو ماسكه عليه دليل ثابت

توكلي على الله استودعيه ربي ليل ونهار

لاتفتشين بأي شي كااااااان ماااااااضي

دامه اعتذر لك الحمدلله وغير جهازه ...

لكن غيري تعاملك وجدولك معه
لايسهر برا كثير
واذا طلع بين فتره وفتره كلميه شيكي على وضعه
اذا قرر يسافر رجلك على رجله

وحاولي تتقربين لزوجة صاحبه بدون مايدري شوفي وضعها وحياتها كيف

الله يسخره لك والله كلنا في مشاكل من الرجال بس شوفي حبيبتي الفرق بين وضعك انتي واولادك معه وبين وضعك وانتي مطلقه وقارني ايش الافضل هذي نصيحه من اخصائي وبعدين كل البشريخطون عطيه فرصه والله يسخره لك