زوجي طلقني ورجعني بنفس اللحظه

سلام عليكم بنات....انا سبق وكتبت مشكلتي اني تهاوشت مع زوجي وطردني باخر الليل ورحت عند اهلي ...والحمدلله بعدها جاني عند اهلي وراضاني وسافرنا عشان نغير جو وكنت حيل مبسوطه...وقبل امس رجعت من السفر ....بس اه يابنات اللي صار لي ماتوقعته يصير ورب البيت اني تعبانه ومكتئبه واحس الدنيا سوده مالها طعم...بقولكم شصار اليوم الفجر انا وزوجي تهاوشنا كالعاده ع شي سخيف بس المره ذي انا بعترف اني غلطت عليه ...زوجي طيب معي ويرحمني ويحبني وحنون والله مااذكر قصر معي بشي كل حاجه اطلبها يجيبها لي بس مشكلته يعصب بسرعه واذا عصب يقول كلام قوي ....احنا دايم نتهاوش ع ابسط الاشياء بس بعدها نتراضى انا الغلطانه وهو كمان غلطان ..كلنا غلطانين ونكابر مانتعذر لبعض....بس اللي صار اليوم صدمني ..احنا تهاوشنا الفجر ع شي تافهه كلمه منه وكلمه مني اشتد النقاش وبصراحه انا استفزيته وهو معصب....المهم بعد ماتهاوشنا قال لي روحي ع بيت اهلك...انا قلت له لو ابوي عايش ماطردتني كل يوم ..ابوي متوفي الله يرحمه...هو عصب وقال انتي طالق طالق طالق قالها ورى بعض انا انجنيت صرت زي المجنونه اركض وراه قلت له انت طلقتني حرام عليك ليش طلقتني بالثلاث يعني صرت محرم علي هو قال وش اسوي تعبت كل يوم مشاكل...وبعدها نزل عند اهله يبكي قال لهم انا طلقتها وانا وربي مصدومه مادري ايش اسوي نزلت تحت عند اهل زوجي....طبعا انا ساكنه فوق اهل زوجي....رحت لام زوجي قلت لها ولدك طلقني وكنت منهاره وام زوجي بكت معي...زوجي كان يبكي قال انا طلقتها بلحظة غضب ندمت الحين...المهم زوجي دق ع شيخ وشرح له الحاله والشيخ قال تعتبر طلقه وحده تقدر ترجعها...زوجي جاء عندي قال دقيت ع شيخ وقال تعتبر طلقه وحده خلاص خلينا نبدا صفحه جديده....انا فرحت اني رجعت ع بيتي بس كان قلبي مكسور انصدمت معقوله زوجي اللي يحبني واحبه يطلق بالسهوله ...كنت اعاتبه اقوله ليش مامسكت نفسك قبل ماتطلق قال غصب عني طلقت.المهم كلمت اهلي علمتهم بالسالفه جاء اخوي عندي ف البيت قال خذي اغراضك وتعالي عندنا ترتاحي وبعدها تفكري اذا بترجعي لزوجك ولا لا ....انا بعد ماطلقني زوجي الحمدلله رجعني...بس انا خايفه ارجع له مره ثانيه واذا عصب يطلق لان زوجي عصبي ..باقي لي طلقتين واصير محرمه عليه والله اني احب زوجي ومااتخيل اعيش بدونه ...والمشكله بينا ولد عمره شهرين وش ذنب ولدي .....انا الحين جالسه عند اهلي وفيني هم الدنيا كلها ومضايقه حيل احب زوجي ومصدومه منه ليش طلق....وخايفه ارجع له يطلق مره ثانيه ..'لان باقي لي طلقتين واصير محرمه عليه ...كيف اعيش بدونه احبه وبنفس الوقت خايفه ارجع ويطلق مره ثانيه اذا عصب....انا عند اهلي وربي بموت من الضيق والطفش اخواني كلهم متزوجين وعايشين حياتهم واخواتي كل وحده ف بيتها الا انا جالسه عند اهلي بموت طفش ...اسفه طولت عليكم بس حبيت افضفض تكفون شورو علي يمكن كلمه منكم تريحني....مين تطلقت اول مره ورجعت لزوجها وصارت حياتهم احسن من قبل