حبيبتي مدري ليش حياتكم كذا فوضويه .. بس إنتي غلطانه وأحسك تحبين المشاكل والنكد وأنا لو مكانه طلقتك من زمان وطلقت ولدك معك ..الواحد يتزوج يبي إنسانه جميله مرحه بس تتبسم وتنشر السعاده حولها يكون معصب ومتضايق بس يشوفها ينسى كل همومه مو وحده بس تستفزه وتصارخ عليه .. إذا عصب ورفع صوته لا تراددينه قربي منه وضميه وامسحي عليه قوليله لا تعصب ما أحب أشوفك زعلان ولا تخلي هالأشياء التافهه تخرب حياتنا .. خليك هاديه ومبتسمه وهو راح يصير مثلك اصلا بيستحي يرفع صوته عليك او يعصب منك حاولي ترى هذي حياتك لا تخسرينها ودامه طلق مره لا تجبرينه يطلق مره ثانيه .. بس اياني واياك تجيبين سيرتها انسي هالطلقه وعيشي حياتك وخلي مشاكلك سر بينكم حلو مشاكلكم بنفسكم وبدون محد يدري ماله داعي تدخلون امه واخوك بمشاكلكم التافهه .. أنا وزوجي مرات نطلع من البيت زعلانين من بعض بس لما نروح عند أحد أو يشوفنا أحد نضحك ونسولف ماكأن بينا شي صايرين كناري العايله فلان وفلانه ماعمرهم زعلوا من بعض واحنا اكيد نزعل بس مستحيل نقول لأحد او نبين لأحد .. حياتك مع زوجك لوحه انتي تلونينها الزوجه هي الأساس ان بغت تخلي السعاده او النكد شعار حياتها راح يصير اللي تختاره ..لذلك حبي حياتك واستمتعي فيها مع زوجك والكتكوت الصغير بيمشي العمر وتندمين على كل لحظه حلوه ضيعتيها ..الله يصلح أمركم ويسعدكم

احترميه واتركيه المراددة وسايسيه وماراح يطلق باذن الله مرة ثانية
شغلي اذاعة القرآن طول اليوم في بيتك
وادعي الله ان يشرح صدوركم

الحل بيدك يا اختي
قلتي انه عصبي وانت استفزازية .. امسكي لسانك تخف عصبيته
اكلمك من واقعي زوجي جدا عصبي وعنيد لكن ما عمري رديته بالكلام و احيانا كان يغلط ويسبني للكن ولا مرة رديت عليه لكن اضهر له زعلي وحزني وانا ساكتة

الحمد لله مع الايام صار يمسك لسانه حتى لو عصب ما يغلط ويسب متل اول و يقولي لانك مؤدبة انت فوق راسي الله يديمه لي يارب


الزبده امسكي لسانك وشوفي كيف بيتعدل معك
والله لا يغير عليك

الله يصلحك ي أختي أنا أحملك ثلاث أرباع المشكلة الآن زوجك مدحتيه إنه حنوووون و طيييب و يررحمك و يحبببك و قبلها كان مسفرك و مبسوطين و آخرتها لما عصب ع شيء تافه ع كلامك راددتيه و تهاوشتوا كان التمستي له العذر و مشيتي الموضوع و سكتي ع الأقل من باب رد الجميل . عموماً ارجعي لزوجك و انسي اللي صار و أوصيك أوصيك أوصيك من باب تجربة و خبرة في الحياة الزوجية إذا عصب زوجك ع أي أمر كنت أنت الغلطانة أو المغلوط عليك تافه أو غير تافه أمسكي لسانك و اضبطي أعصابك و مشي الأمور و شخصية زوجك من الطيبين اللي قلوبهم بيضاء يعب بسرعة و يرضى بسرعة و إذا رضي بيعتذر لك مو شرط باللسان ممكن بهدية بطلعة بعلاقة زوجية ترى ذا الاعتذار عند أغلبهم مو بالكلام أقبلي الاعتذار و تدلعي عليه بأنه أنا ضايقني كذا و كذا و ما حبيت إنفعالك الزائد الأمر ما يحمل و من هالكلام اللي تخلينه يحس بخطأه و يضبط نفسه في المرات الجاية و ف نفس الوقت يذوب من دلعك و أسلوب عتابك و ع فكرة مع مرور الأيام ممكن يتكرر عليك موقف أنتم كبرتوه الآن بعد سنين تشوفينه عادي و لا يحرك فيك شعره . حبيبتي الحياة الزوجية حوار و أخذ و عطاء و تنازلات . و أي واحد من الطرفين ما عنده فن الحوار و بيأخذ و ما يعطي و لا يتنازل راح يكون هو الخاسر و الطرف الآخر راح يبحث عن من يشاركه الحياة و يستمتع بها معه . الله يوفقك و يسخركم لبعض

خيره لكم اثنينكم الي صار علشان مره ثانيه تتركون المناقر والخلافات واستفزاز بعض .. خلي الي صار درس لج وله بعد علشان تتعلمون تتحكمون بردود افعالكم وكلامكم حتى لو بينكم خلاف