هي كبيره في السن والحين هي في امس الحاجه للشغالات وهي لن تستطيع ان تغسل او ان تكوي وبالاخص ان اكيد ان بناتها ياتون اليها في ايام الاسبوع اكيد وكل زياره راح تكون متعبه لها من تنظيف وكنس وتمسيح وغسل وطبخ وخلافه واكيد انهم ياتون اليهم ضيوف ويكون تعب عليها انها تتحمل هي كفايه انها يوم تركت الوظيفه واقعدت عنده واهتمت فيه وباولادها يكون قدر هذا الشيء وتاب لكن ابو طبيع ما يجوز من طبعه لذلك حتى لو بطلت انها تجيب
وجابت بالساعات راح يفكر انه يتحرش فيهن وحتى لو ماجابت خير شر سوف تتغلب الشهوه على النفس وسوف يلجاء للخارج لانه هذا الشيء يمشيء في دمه وهو اذا ماكان تاب طول هذه السنوات واذا ماقدر زوجته وهي تركت وظيفتها علشانه راح يحس او يقدر الحين ان ما رجع الى الله وتاب وهو خلاص كبير المفروض انه مع هذا العمر يتغير ويكون اكثر نضجا وتعقلا واذا كنا نحن النساء الي عندنا طفلين وبعضنا طفل واحد مانقدر نستغني عن الشغاله فما بالك بالكبيره في العمر وهي مالها الا الصبر والدعاء الى الله بان يهديه الله تعالى
:26:

السلام عليكم ورحمة الله وبركاته

يابنات كل كلامكم صح وماشاء الله كل نصيحة احلى من الثانية
بس آنه ضد الطلاق اقول لا ثم لا ثم لا للطلاق المرأة كرامتها في بيتها وكل وحدة تاخذ نصيبها من الدنيا والطلاق عمرة مايكون الحل وممكن ايجر وراه مشاكل الوحدة مستغنية عنه.
ويابنات مادام انها اصبرت وهي في عز شبابها يعني الحين ماتقدر تصبر وهي الى سترت على زوجها 30 سنه فليش ماتكمل ولاتنسون ان بوطبيع مايوز عن طبعة وخصوصاً بعد هذا السن خلاص مستحيل يعقل والله لوجابوله 1000 طبيب نفسي ماراح يتغير الرجال. وعلى كل حال المراه عارفه الحل ليش حاطة روحه في المشكلة والحل في يدها تستغنى عن الخدم او انها اتجيب فري فيزا اذا كان متواجد عندهم وتسوي شغل البيت لمدة كم ساعة يومياً في الوقت الى ايكون الزوج خارج البيت وبعد ماتخلص الشغل تتوكل قبل ماهو يرجع ومادري بلد تواجد صاحبة المشكلة لان مو كل دول الخليج متواجد عندهم الفري فيزا يعني شغالات يعملون في كل بيت مدة كم ساعة بشكل يومي وبعد مايخلصون الشغل يتوكلون. واذا ماكان متواجد عندهم الفري فيزا اتجيب واحد عامل اجنبي وقت وجود الزوج في البيت ويسوي الشغل لمدة كم ساعة في اليوم ويتوكل وآعتقد ان هذا العامل موجود في كل دول الخليج. وياله لاخدم ولا عوار الراس وياهم ومشاكل الخدم الى ماتخلص. ونصيحتي تترك فكرة الطلاق اذا ماكان علشان خاطر الزوج على الاقل علشان خاطر العيال وعلشان مايتشوه صورة الاب قدامهم وعلشان خاطر عشرة السنين الى بينهم والرجل طيب معاها ومو مقصر معاها في شئ والى يعاني منه زوجها مرض ماله من علاج والله ايصبرها على ما بلاها وبصراحه انها امراة عاقله الى استطاعت ان تصبر كل هذا السنين.

في البدايه
انا ابا اعرف ليش اتطول المسأله الى هذا الحد
اختي بنت الكويت
بعد ما فات الفوت ما ينفع الصوت
كان المفروض من البدايه توقفه عند حده اتقوله يا انا ولا الخادمه اذا اتكرر هذا الفعل ويوم اتكرر خلاص تطلب الطلاق
لانه كيف بتعيش مع واحد زاني .... وعلى اي اساس اتقول عنه ( متدين) اول مره اسمع واحد زاني ومتدين؟؟؟؟؟؟
وكانت المفروض اتذكره بعقاب الله عليه
وتهجره
بردلها وبيبوس رجولها بعد
واتكون حازمه معاه مب تاركتله الحبل على الغارب
؟؟؟؟؟؟؟؟؟؟؟؟؟؟
هذا انسان انهزامي
ما عنده حتى الثقه بنفسه
ما يستاهل حتى ظفرها
المفروض ما تجلس معاه ولا دقيقه
واتراويه العين الحمرا
وخليه يبكي على حظه
ويوم القيامه بقابل ربه ب.......
اللهم احفظنا واحفظ ازواجنا وذرياتنا
وادخلنا الجنه برحمتك يا ارحم
الراحمين
عافانا الله واياكم من هذه الابتلاءات

لا حول ولا قوه الا بالله مالها الله الجوء ال الذي لا يخيب من رجاه الدعاء مافي حل ثاني الدعاء

وتذكيره بالله مافي شي ثاني يغيره غير هذا والله المستعان

سنفورة الحلوة

الكيكة

sami74


Reem Alfala


شمس الحب1


ام روبي


الحبوبة77


Hawajs



مشكورين على تفاعلكم مع المشكلة ومروركم على الموضوع يعطيكم الف عافيه