الحمد لله الذي عافانا مما ابتلاهم به وفضلنا على كثير ممن خلق تفضيلا

Reem Alfala:26:

مشكورة حبيبتي على التعليق


راجية رحمة ربي:26:

انا معاج الطلالالاق مو حل!!!!!!!!!!!!1

لا حول ولا قوة الا بالله....

صراحة هذامو رجال اللي سوا فيها كذا بعد كل هالسنين ...

يعني لوكانت هذي تصرفاته بس في بداية الزواج نقول كان طايش وعقل... لكن هذا ماعنده نيه ابداً

الرجل اللي ينزل من نفسه وينظر لخادمه هذا موب رجال لانه اعطى مجال لتفكيره وتصرفاته انهم ينحدرون ويطلعون عن المستوى الأخلاقي...

لانقول يحافظ على زوجته وكرامتها.... قبل هذا كله وين الدين؟؟؟؟

يعني لو ماهي مكفيته يتزوج بالحلال ولا انه يهينها بتحرشه بالخادمات!!! ولو احد درى بتكون فضيحه لها ولعيالها....

صراحة هي الف غلطانه انها صبرت عليه.... واذا كانت حجتها تربيه عيالها...

الحين جا دورها تشوف نفسها... وتعيش الباقي من حياتها مرتاحة مرفوعة الراس... محفوظة الكرامه....

يعني الواحد ينهان وهو توه صغير وشاب معليش صحته تساعده يتحمل ويصبر لكن حرمه وكبيرة لازم تتعزز وتعيش

معززة مكرمه...

اهم شي تفكر بعقلها: هل لها مكان ثاني تسكن فيه بدون مايجي يوم احد يهينها او يجرحها حتى لو كان احد من عيالها؟

تتخيل عيشتها لو تطلقت بكل صغيرة وكبيرة هل راح تكون مرتاحه اكثر من الحين؟

وبعدها تقرر اذا كانت بتلقا الراحة تلحق على نفسها قبل لا عيالها يدرون وامهم على ذمة ابوهم وش بتكون نظرتهم!!!

يعني اي شفقة بيشفقونها عليها واي كره راح يكنونه لأبوهم!!!

لي متى الحرمه تضحي!!!! مايكفي ثلاثين سنة!!!!

وبالنسبة للنقظة اللي ذكرتها وحدة من الاخوات: انه ليش هي ماتكون مقصرة!!!!

حتى لو كانت مقصرة بكل المقايس ماينظر لخادمه لو انه رجال يخاف ربه...

يختي بنات الناس متروسين بالبيوت يروح يتزوج لين يكفي حاجته...

صحيح انه بيكون شي مر على زوجته لكن الامرين انه يتحرش بخادمات وليست نزوة مرت في حياته... هذا شي ملازم

لطبعه...

وبنظري ماهو الحل انها تستغني عن الخادمه.... لانه موطفل صغير تحبسه بالبيت ولا يطلع منه... يعني اذا مالقا

خادمات بكرة يروح يدور على حاجة ثانية بر البيت!!!

والله يعوضها عنه بالجنة... ويكتب لها كل خير ... ويعيشها باقي عمرها راضية ومرتاحه...

(اللي قلته كان رأيي ... احتمال اكون على صواب واحتمال اكون العكس!!! لكن ماقلت غير شعوري)

صباح الخير بنات

الحمد لله على كل حال ... المرأه هذي اجرها كبير عند ربها .. اصبرت على امور تهد الجبال ..
هي ذكيه جدا ..فازت بحكمتها بالدنيا فهي ترا اولادها رجال و بناتها امهات و الاسره مازالت مترابطه بفضل حكمتها
و هي فازت بثواب الله و جزاءها الجنه انشاء الله

انا اشوف ان الطلاق ماهو حل ..بالعكس يزيد الامور سوءا
اشوف انها مثل ماقالت وحده من الاخوات ..انها تعيش في بيتها معززه مكرمه ..آمره ناهيه .. و تستعين بالخدم الرجال ولا حرج في ذلك حيث انها سيده كبيره بالسن تعيش مع زوجها و هو محرم لها .. و لا يوجد بنات في البيت ولا مراهقين ..
و الخطوة الاهم ..انها تعتزل عن هذا الزوج في غرفه خاصه بها و تبين له الاسباب

والله المستعان

عُذرا أخواتي ولكن بعض الردود (تثير غيظي وحنقي)....
ألم يكفيه ثلاثين عاما ليشعر أن زوجته تحبه وتغار عليه... لم يكفيه ثلاثين عاما ولن يكفيه ثلاثين عاما أخرى ليتوب عما هو فيه... إن كانت لديه طاقة زائدة فليتزوج بالحلال... هذا حرام وكبيرة من الكبائر... حرام يا ناس... زنا.. كبائر... ولم ينهه عنها ثلاثين عاما من زوجة خدوم وأبناء وبنات كبروا وتزوجوا.. وأحفاد قدموا إلى هذه الدنيا... لم يردعه دين أو خوف من الله... ثم نقول لها حافظي على هذا الزوج (الله يحفظهولك)....
لا أقول إلا حسبي الله ونعم الوكيل... لا حول ولا قوة إلا بالله