والله زوجك طيب وحبوب بس يمكن انتي توقعتي الزواج شئ ثاني

وانصدمتي في شخصيتيه واذا من ناحيه انه بيتوتي كثير من الرجال بيتوتين

واذا يعرف عن الحريم فاكيد من كثر مايتصفح المنتديااات والله صارو رجاجيلنا مايخفاهم شئ

واحمدي ربك انه كريم ما تهمه الماده وانه محافظ على صلاته ومثقف

اصبري شوي ويتعدل ويصير على مزاجك كذا الشباب اول مايتزوجون يفرضون شخصيتهم بالغصب

بالكلمه الحلوووووه بتكسبينه واتركي الوساويس عنكـ واحمدي ربكـــــ واكثري من الاستغفار والدعااء ويصير على كيف كيفك

واذا على الاطفال انتي حبيبه في الاطفال

واخيرا الله يوفقك ويسعدك معه ويسخره لك

فيه اشياء حلوه واشياء مره غريبه واشياء طبيعيه من الرجال بشكل عام
حلو انه مايدخل احد بحياته ومحافظ على خصوصيه بيته
حلو انه كريم ومايقصر ماديا واحس اسلوبه بشكل عام راقي ومافيه جفاف
وباين ان القراءه والاطلاع ماثره على ثقافته ( يعني ماشالله يطبخ لك يناقشك يشكرك زي لما قال يعطيك العافيه بعد الاكل )

بس الاشياء الغريبه الي فيه مبالغته بالحرص مع الي حولك
يعني كلمه امك عاديه جدا على طول اعتبرها تدخل
هديه اختك ماكان مفروض يرميها حتى لو ماعجبه ينبهك لاتاخذين شي مره ثانيه وخلاص
اقلها يعطيها جمعيه مو بالزباله

بالنسبه للطلعات و هالامور كثير رجال مايحبونها
وانه بيتوتي فيه كثير رجال بيتوتين بالعكس افضل من حقين الاستراحات والسهر
خصوصا ان جلسته بالبيت مو مأذيتك يعني مشغل نفسه بالقراءه والاطلاع والرياضه وهالامور

انا اتوقع زوجك مع الايام بيتغير
هو متوقع انك بتتاثرين من الي حولك
وتقارنين ووتبدا المشاكل بينكم
يمكن شاف او سمع تجربه من اصحابه او اي احد حوله
وخايف من هالموضوع
وانتم توكم ببدايه حياتكم ومع الوقت بتتغير امور كثيره فيكم انتم الاثنين

على فكره لازم تعرفين ان كل انسان فالدنيا فيه ايجابيات وسلبيات
يعني لاتتوقعين فيه وحده بالدنيا كلها مرتاحه 100 بال 100 مع زوجها
لابد من التنازل علشان تمشي الحياه

الله يسخر لك ويرزقك الذريه الصالحه

بالعكس طبيعى جدا وذكى وكريم واثق جدا من نفسه بس احياننا يخطى مافيه احد مايخطى حاولى تفهمينه اكثر وامشى مع طبعه من غير ماتلغى شخصيتك وعادى ينزلك عند اهللك وما يدخل اما بالنسبه للحمل الى اعرفه ان حبوب منع الحمل اذا اكلتيهن قبل اول حمل تسبب عقم حاولى تكلمينه والله يعينك وييوفقك

أخيتي الغاليه الله يسخرلك زوجك وتفهمينه بصراحه أحس أنه متناقض ومعك حق أنك تحسين بهاالشعور اطلبي من الله ا ن يراكي الحق حقا ويرزقك اتباعه ويراكي الباطلا باطلاويرزقك اجتنابه ودمتي بحفظ الرحمن

مرحبا اخيتي

زوجك مثالي 100% بس فيه بعض الملاحظات

* الطلعات والروحات لازم تطلعون تتمشون على الاقل مره كل اسبوع او بالشهر يعني غير طلعاتكم للزيارات العائليه

* موضوع الحمل ممكن انه مقتنع بهذا الشي ويبي ينبسط معك وتاخذون راحتكم

* موضوع العاده السريه ادمان حاولي تبعدينه عنها وهناك طرق لهذا الشي ابحثي وتلاقينها

* مايحب احد يتدخل بشئون بيته والدليل كلامه عن امك وزعله عند اهداء اختك غرض منزلي