الله يسخره لك

زوجك يخوف ويجيب ضيقة الخلق ..
مدري احسه غامض جدا
ومتقلب ومزاجي ..
شخصيته غريبه
الله يكون في عونك

يا أختي الكريمة صاحبة الموضوع زوجك طبيعي مية بالمية وأحمدي ربك وأشكريه ولا تخبرين أحد بحياتك يعني إذا زوجك يمارس العادة السرية فأنا أجزم أن معظم الرجال يمارسونها بدون علم الزوجة وفي الخفاء و بالتدريج أنتي وشطارتك راح ينساها ويتغير وإذا على معرفته ببعض أمور النساء والطبخ فأحسن طبخ هو طبخ الرجال أنا أبوي وهو دقة قديمة يعني من ذولاك الرجال اللي يخوفون ولا له علاقة بشغل البيت كان يطبخ طبخ أقسم بالله أروع من المطاعم واللي عنده أخوات بيعرف بأمور العادة الشهرية أو حتى توصله إيميلات عن مثل هالمواضيع ومع القراءة صار يعرف بالنسبة لعدم رغبته في تدخل أي أحد لازم تحترمين هالرغبة وبصراحة معاه حق لأن مع الوقت بيصيرون الناس يتدخلون بيحاتك بطريقة موب حلوه حتى لو أهلك معليش أنتي الآن على ذمة رجال صاحب البيت وولي الأمر أهم شئ وأرجع أقول أهم شئ ماشاء الله تبارك الرحمن لا قوة إلا بالله إنه محافظ على الصلاة وكريم وهادئ صدقيني يا قلبي فيه حريم تتمنى زوجها يقعد في البيت وتلاقين دايم دمعتها على خدها وفيه حريم تترجاه يصلي ترجي وإذا على التمشيات ترى كل الرجال إلا من رحم ربي ما يحبون التمشيات تلاقينه يقول بأنزلك بيت أهلك أو عند وحده من صديقاتك وبأرجع لك ونفس الشئ بيت أهله بس الرجال ما عندهم صبر على السوق أو البحر وهالسواليف فيه حل إنك تشترين تلفزيون اللي يشبك على بطارية السيارة و تخلينه يطالع مباراة مثلا وإنتي تسنعين قعدتكم بالبحر أو خذي معاك ألعاب مثل الورقة أو دومينوز وأجلسي ألعبي معاه يا أختي عطيه كتاب جديد وإذا صار الوقت جو حلو موب هالحر خليه يطلعك وهو يقرأ ما عليك من النصائح السلبية لأن اللي تقولك زوجك موب طبيعي و أستخيري ومن هالكلام لا تحسبين إنها عايشة بجنة لا والله بس كذا هم النساء تحب تطلع القوة اللي ما تقدر تطلعها ببيتها على الناس وإنتي اللي بتخسرين رجل يحبك وهادئ ومصلي وهذا أهم شئ وين تلاقين واحد كذا بهالأيام إنتبهي على نفسك وتماشي مع ظروفك مع إني ضد إنك تاخذين حبوب منع الحمل هذا هو الموضوع الوحيد الي ممكن بالسرية التامة تناقشينه مع أمه وهي بتأثر عليه بدمعتين منها وتقول له أبغى أشوف عيالك صدقيني راح يسمع النصيحة والعيال بيغيرونه كثير بيصير يطلعكم عشانهم الله يوفقك في حياتك يا قلبي وأكثري من الدعاء والإستغفار والله الله بترجيح العقل دائما

اقري موضوع انماط الشخصيات وتعرفي على زوجك

اعتقد انه جنوبي


انا ما اشوف فيه اي مشكلة الا العادة السرية لازم تشوفين لها حل

اما سالفة الخلاط اي رجل اول ما يتزوج ويصير له موقف مثل كذا يحس انه يجرح كرامته وانه مقصر وان انتي اشتكيتي لأهلك انا ماعندك خلاط وهو ما وفره لك
وكل الرجال ما يحبون السوق ما اعرف احد يحبه

عزيزتى طبيعى إحساسك إنه زوجك غريب .لأنه لسه مالكم زمان متزوجين كنتو أغراب تماما وصرتو بين يوم وليله عايشين تحت سقف واحد.لسه ما اخدتى على طبعه وهو كذلك لا تفسرى كل شئ بالسوء .ولا تدققى على كل كلمه يقولها .موضوع الخلاط معاه حق وما معاه حق بطريقة رفضه للموضوع كثير رجال مايحبو أهل الزوجه يجيبو أي شئ للبيت وبعضهم حتى مايحب يجبو شئ لبنتهم على أساس هو مو مقصر. وبالصبر والتفاهم حتفهميه ويفهمك وإن شاء الله بتكون حياتكم عسل