السلام عليكم أخواتي .
انا تعبت مليت يا خوات زوجي كسله غير طبيعي و احسه يتهرب من المسؤوليه. طلباتي و طلبات البيت آخر اهتماماته. يروح و يجـي و يقعد بالاستراحه بالساعات كيفه ماقلت شي لكن لما اطلب بنده و لا العثيم يقول لا اعطيني طلباتك اجيبها بك و اذا كتبت يجيب بالقطاره يعني اليوم يجيب دجاجه وحده طيب انا أبغى أنوع بالأكل. تخيلوا لنا مده طويله علي الكبسه. أحيانا خميس و جمعه الصباح مايكون فيه إلا جبت و توست و انا طابت نفسي منها ياربي لك الحمد و الشكر و الحمدالله علي النعمه الله لا يزولها. هو يسوي كذا مو بخل بس اختصار لان عليه ديون . طيب انا عندي مصروفي و كم مره قلت نروح و اشتري من حسابي بس مافيه فايده. الزباله تكرمون ماتطلع من المطبخ إلا بعد أسبوع . من مده اطلبه ابغير غرفتي ( من حسابي) و يقول سوي الي تسوينه بس لا تقول جيب و هات. امس كلمته في موضوع الغرفه و كانه متقبل الموضوع . دعووووواتكم أغير غرفتي. امس طلبته نروح العثيم نقضي للثلاجه قبل يطلع للبر و قال بكره يقصد يوم الجمعه و انا تعبت من هالوضع. جا باليل طنشته ماكلمته. اليوم الجمعه راح الصلاه و جاب فطور و مافطرت معاه أبيه يحس . دايم طلباتي و اغراض البيت في آخر ألقائمه و لا هو مهتم واحيانا اذا طلبته شي يمشي الموضوع ( ايه ايه بكره ) يااااااربي وش أسوي انا الحين سافهته.
دعووووووواتكم و دلوني وش السواة
2000jojo @2000jojo
عضوة نشيطة
يلزم عليك تسجيل الدخول أولًا لكتابة تعليق.
زوجي نور دنيتي
•
الله يكون في عون الجميع كل الرجال كذا اخر هتمامتهم الزوجه والبيت الحمدالله ع كل حال ان شالله بيتحسن وضعج ويكون للاحسن
متمرده!!
•
الله يعينك كل الرجال كذا اجلسي معاه وتفاهمي وقوليله بلتفاهم لان الصراخ يخليه يعاند لاالله الاالله استغفرك واتوب اليك
لا مو كل الرجال كذا اللي يحس بالمسؤليه ويقدر ويعرف حقوق زوجته وبيته مايسوي كذا انتي شوفي وقت يكون هو فاضي ثم روحي له وقولي خل نروح للعثيم بلبس عبايتي واجيك جربي يمكن تنفع معه قولييه بحزم وجاده فيييه رجال تنفع معهم واذا رفض زني علييه وناقشييه وانك انتي مليتي وهو حتى مو قايم بابسط شي والله ييسر لك اممورك او جربي تروحين مع اخوك او امك وجيبي اللي نفسك فييه لبيتك يمكن لاششافك تسوين كذا يستحي
كلمي اهلك يوقفوه عند حده دااامه مو قد الزواج لايظلم بنت الناس معاه
لاتقوليين ديووون والله الاستراحه لو طلبو ايش جااب لهم
خل عنكم الطيبه والسذاجه
لاتقوليين ديووون والله الاستراحه لو طلبو ايش جااب لهم
خل عنكم الطيبه والسذاجه
2000jojo
•
الله يجزاكم خير . انا بصراحه اتحطم اذا قلتوا كل الرجال كذا و انا بصراحه اشوف بعض ازواج قريباتي عكس مشالله علي قد المسؤوليه و بصراحه انا تعبت من زوجي. قبل شوي شاف شنطة الملابس برا الغرفه ابحطها بالمخزن و قالي ليش شلتيها لحالك و قلت بالعاااااميه ( مالقيت والي) يعني مالقيت احد يسنعني. انا ملئت و صرت قاسيه بالكلام و هو ردها علي مالقيتي والي و راح. هو طيب لكن هالسلبيات الي فيه تعبتني. كثير من شغل البيت تعطل . أشياء حاطتها في بالي ماسويت ها و المفروض مخلصتها من زمان. اذا خربت حاجه في البيت تقعد اقل شي سنه عشان يفكر يصلحها
الصفحة الأخيرة