السلام عليكم بنات كيف الحال ان شاء الله بخير
أنا يا خواتي انسااانه كتوومه يعني المشااكل الي تصير بيني وبين زوجي ما اذكرهاا لحد ولا حتى اكتب بالمنتدى كثير عن حيااتي لانه هذا طبعي ...
بس الموقف الي صاار بيني وبين زوجي خلتني احتااار ما عرفت شسوي او حتى شقول .. فحبيت اذكر لكم هالموقف وعسى ربي لا يحط اي وحده فيكم فيه او تسمع الكلام الجارح الي سمعته من زوجي
صار نقاش حاد بيني وبين زوجي وقالي بالحرف الواحد " أنا غلطة عمري وراح اكون ندمان طول عمري اني اخذتج "
انا انصدمت وحاشتني الطرمه وصرت طرمه ولا رديت ولا كلمه وصكيت علي الباب وبكيت وهو طلع من الغرفه وراح الديوانيه "المجلس" .... وطول الليل وانا ابكي قلت بيني وبين نفسي ياربي ليش طلع منه هالكلام والله يا بنات انه صاارت مشااكل كبييييييره بيني وبين زوجي ولا فكرت اخذ اغراضي واطلع من البيت ..بس عقب كلمته وماكان في شيء يستااهل ولا مشكله كبيرهولا شيء يعني المشكله كانت تافه نوعا ما وما كنت تستاهل انه تتطلع منه هالكلام الجاارح بس عقب كلاامه هذا والله اني فكرت اخذ اغراضي واروح من غير رجعه قلت خلاص عقب كلمته هذي مالي قعده عنده
وطرشتله مسج وقتله بالحرف الواحد "اذا انا اكبر غلطه بحياتك وأنت ندمان طول عمرك انك أخترتني انا زوجه فاحنا وصلنا لاخر عهد يربطنا ولا تندم ولا تحسف مثل ماربي حلل الزواج فربي حلل الانفصال للأسف مابقى شيء ....بكلامك إلي قلته كسرت شيء كبيييير بينا ماعاد يتصلح وكلمتك بترن بإذني طول ما حييت"
ومن طول البكي طول الليل حاشني صداع قوي ثاني يوم طبعا اهو ما دخل الغرفه الا الساعه 5 الصبح او اكثر لما صحينا من النوم كنت اتجنبه لما يكون في غرفة النوم اطلع منها لما يكون بمكان قريب مني يعني بغرفه الملابس او الممر اوخر وابعد .. المهم جاني وانا كنت بغرفتي وكنت عند تسريحتي جا ولمني من ورا وخذا راسي وباسه على طول صرخت عليه وقتله وخررر عني وكنت اوخر ايده عني ومابي المه وهو يقول ماني موخر انتي حبيبتي والله ماكنت اقصد قلته بس كلامك قوي وكلامك ماجا من فراغ اكيد انت تفكر بهالشيء قالي والله جعلني اموت اذا كنت اقصده انا كنت معصب حييل ما ادري شلون اطلعت هالكلمه مني انتي تدرين اني احبج واموت عليج يا فلانه قلت ماراح اسامحك طول عمري على الكلمه وراح تضل راسخه بعقلي المهم قعد يعتذر ويحلف انه مايقصد وانه يحبني ومن هالكلام
بس يا بنات عقب كلمة زوجي انا تغيرت ماصرت الزوجه الي تتلهف على زوجها والي تحبه والي تتمنى تقعد معاه بالعكس جا ولا راح صار عندي عاادي قعد عندي ولا ما مقعد صار عادي المهم اللهفه بين الزوجين ماتت عندي
Karaz Girl @karaz_girl
عضوة فعالة
يلزم عليك تسجيل الدخول أولًا لكتابة تعليق.
يختى حرام عليك مادام انه اعتذر اقبلى العذر وترى قليل اللى يعتذرون حتى لو اخطوا ويمكن قالها بلحظة غضب حنا اذا زعلنا على عيالنا طلعنا كلام من غير قصد اقبلى العذر وانسى الى راح الله يوفقك
من صجك عادي بلحظة زعل كل شي يقولونه بعدين اهو اعتذر معناته قلبه ابيض من ناحيتك
لا تخلين الشيطان يركبك وتعوذي من ابليس
لا تقولين كرامه ما بين الزوجين كرامه
انسي وعيشي حياتك امبين عليك حيل حساسه 0000الله لا يفرقكم ويخليكم لبعض هذا كله من الشيطان
لا تخلين الشيطان يركبك وتعوذي من ابليس
لا تقولين كرامه ما بين الزوجين كرامه
انسي وعيشي حياتك امبين عليك حيل حساسه 0000الله لا يفرقكم ويخليكم لبعض هذا كله من الشيطان
بلحظة الغضب الواحد يقول اي شئ بعضهم لما تزعل من عيالها وهم عيالها تدعي هل هي فعلا تكرهم؟؟؟ تعوذي من الشيطان واي كلمة يقوله االزوج بزعله مايقصدها والدليل انه الطلاق وقت الغضب لايقع ... واعتذر منك خلاص انسي وافتحي صفحة جديدة
والله يسعدددددددددددددددك
والله يسعدددددددددددددددك
قشر قهوة :
لا اله الا الله تصير بين الزوجين اكبر من كذا قالها بلحظه زعل ماقالها بالحظه صفا وجاء بنفسه واعتذر الرجال اذا عصب بعضهم يطلق تذكرى المواقف الحلوه بينكم ولا تمسكين على الكلمه وخليك على كتمانك ولا تقولين علوم بيتك عند احد الله لايفرق بينكملا اله الا الله تصير بين الزوجين اكبر من كذا قالها بلحظه زعل ماقالها بالحظه صفا وجاء...
:)
الصفحة الأخيرة
تصير بين الزوجين اكبر من كذا
قالها بلحظه زعل
ماقالها بالحظه صفا
وجاء بنفسه واعتذر
الرجال اذا عصب بعضهم يطلق
تذكرى المواقف الحلوه بينكم
ولا تمسكين على الكلمه
وخليك على كتمانك ولا تقولين علوم بيتك عند احد
الله لايفرق بينكم