حبيبتي الام والاب اذا عصبو على عيالهم وش يقولون؟؟؟؟

فما بالك زوج على زوجته

زوجك يحبك وطلع منه كلام وقت غضب وهالشئ طبيعي الواحد وقت يعصب ما يكون بوعيه

انسي الموضوع بس حاولى تحلين مشاكلك معه عشان ما توصل انو يعصب ويرمى كلام دون ما يحس

وتنجرحين انتي

تعوذي من شيطان وانسي سالفه

الله يسعدكم

البرود اللي انتي فيه طبيعي
مع الايام بتنسين وبتغفرين
بس نتيجه لانك مصدومه يبغالك وقت
وهو بعد كل ماسوا اشياء زينه لك هالايام راح يطيح من رصيد الزعل عندك
وبيخليك تسامحينه اسرع
بس انتي خلي عندك النيه انك تسامحين و صدقين انه يحبك
هو اعتذر ترا غيره مايعتذر تذكري هالكلام

خلاص يا عسل سامحيه بعض الرجال يغلط ولا يتنازل يعتذر

هو جاك واعتذر خلاص انسي وربي يوفقك

الحين اعتذر وقال لج هالكلام كله .. ولا فاد .. شو المطلوب؟ ترخصينه عشان لحظة غضب وتتركيه؟
انا مرة قريت جمله بما معناه .. كيف اصدق كلامه لحظة غضبه وما أصدق كلامه لحظة رضاه ..
حاولي من ناحيتج انج ما تخلينه فعلا يندم ^_^ .. طولي بالج والكلام اللي قال لج وايد اهون عن الكلام اللي البعض يقوله في نفس هاللحظات

حبيبتي لا تكبرين الموضوع عادي الرجال لما يعصب كلشي يطلع منه ودام ان زوجك اعتذر خلص انسي
انا سامعه من زوجي هالكلام اكثر من مره بس اكيد ميقصده بحاله الغضب
وبعدين يرجع يقول انتي احلى شي بحياتي وحياتي من دونك متسوى وهذا الحكي الي اصدقه:p