زوجي قال لأخوي ( اشكر اختك على الغداء) ادخلوا

السلام عليكم ،
تعالوا ياحوائيات شوفوا ايش صار وعلموني اذا ردة فعلي طبيعيه او اني بالغت ،
اولاً زوجي دايماً يشكرني على الأكل اللي اطبخه ، صفه حلوه ويمكن يغيرها بعد اللي صار
اخوي تغدا عندنا اليوم ، بعد ماخلصوا راحوا يجلسون ماكنت معهم ، بعدها رحت عندهم قال اخوي مشكوره عالغدا اول ماقال اخوي كذا على طول ناظرت زوجي حسيت انه له يد بالموضوع ،
لأن اخوي مو من النوع اللي يشكر ابداً .
واصلاً مابين اخوي وزوجي ميانه ابداً ، واخوي حسيته أخذ على خاطره
كلمت زوجي وعرفت انه هو قاله اشكر اختك عالغدا !  يافشيلتي من أخوي وش بيقول عني .
المهم اني مره منحرجه من أخوي ، وزوجي زعلت منه حسيت اسلوبه ماله داعي الشكر يَنبُع من الانسان ما يُطْلَب ،خاصمت زوجي وقلت له لاتتدخل بيني وبين اخواني انا ماأبغى من أهلي شكر هذول أهلي وبس هذا اللي صار

الحين ابغاكم تقولون رأيكم باللي صار وهل لي حق ازعل من زوجي ؟وهل اللي سواه زوجي غلط او طبيعي ؟