زوجي قفل باب الغرفة وماخلاني ادخل

الحياة ماتخلو من مشاكل وكل مرة احاول انا اهدي الاوضاع واسكت واتغاضى واصبر واكيد ايام حلوة تمر علينا
لكن هالمرة غيير
احس اني موقادرة امشيها له
فجاة وبدون مقدمات حسيت انه زعلان مني ليش ماادري ؟؟؟
حاولت اتجاهل واضحك واسولف اسوي نفسي ماادري.....لكن مايكلمني وساكت وكنه مقهور وده اعرف انه زعلان حتى يسوي مشكلة
ومتاكدة ان المساله تافهه يمكن كوب انكسر او احد من العيال شخبط عالجدار او لقى شي طايح عالارض... وتعبت من انه يصارخ وانا اتعذر قلت هالمرة بسوي نفسي طناااش وكني ماادري نه زعلان
طيب خلص الفلم وتغدى ويوم قام كالعادة يروح القيلوله وانا قمت وراه كالعادة حتى اطفي النور واهمز حضرة جنابه(كالعاده)....الا اشوفه دخل قبلي وقفل الباب بالمفتاح(يعني ماابيكي تدخلين؟؟؟؟؟؟؟؟؟):06:
تخيلو انصدمت والله اول مرة تحصل طيب ليه وهل المشكله تستاهل؟؟؟
اخذت على خاطري مرررة وسكت وانتظر يصحى يبرر لي هالموقف البايخ
صحى ولازال مبرطم؟؟؟:16: ولا كمة
وجا الليل خاطري ضاااق وقلت ماراح اعطيه نفس حلو الا هو اكثر مني ماوده يكلمني بس احط له العشاء والشاي والفصفص وجالس عالتلفزيون ليييييييييين دخت ولااحدفينا كلم الثاني(بالله علموني شالسالفه)
دخت ورحت نمت (اول مررة انام قبله دايم ماانام الا اذا نام والا يزعل ويعصب)
الحين لنا 3يام على هالحال واسبقه للنوم متحججه بولدي المسخن انيمه جنبي واشوف حرارته وانااااااام وانا مو نايمه ابدا
علموني ايش اسوي
تعبانه من القلق النفسي اللي مسويه لي
ماني قادرة انسى تصرفه الغريب واحسه بدى ينسى لكن انا لااااااااااااااااااا ولايمكن اعدي له هالايام
ساعدوني شسوي الحين معه