زوجي قهرني واتعبني ويكذب علي

السلام عليكم ورحمة الله
ابغى افضفض لكم بنات حيل مقهورة وضايقه فيه الارض
.
زوجي كذب علي قالي ان الاسبوع هذا مشغول وعنده شغل في الرياض ولاراح يجي الا في يوم الجمعة القادم
.
انا اعرف رقم زوجته حصلتها حاطه صورة عيالها في عرض الواتس اب وهم طالعين على قارب واتصل على زوجي قال انا في الرياض ادري انه يكذب صوت الدببات اسمعه عنده وإذا اتصلت فيه رد قال هلا ابو عبدالله ثم قال دقيقة ابو عبدالله وراح على طرف وكلمني يمثل علي ان عنده رجال ويناديني ابو عبدالله وخايف من زوجته انه يكلمني قدامها قلت انت عندك اصوات قال ايوا انا في معارض السيارات
.
ماقدرت ارتاح ورحت لأمه امس الصباح ونسولف انا وهي وسألتني عنه قالت متصل فلان اليوم قلت لا وعطتني جوالها وقالت طلعي رقمه وتصلي
اتصلت فيه وتسأله كيف حالك والعيال وشلونهم وقالت الخبر هذا وينه وزلت بكلمه قالت انتبه لهم لايدخلونه ولاياصلونه هو مايدري اني عند امه
انا عرفت انها تقصد البحر قلت لأمه وينه قالت في الرياض موصيها تكذب
.
كل ماكتب رساله له ارجع ومسحها وقول خله لين يجي وبواجهه ودري لو قلت ليش تمشها قال عشان عيالي وبنتي ماعندهم مدرسه يعني ساحب على الايام الي المفترض يكون عندي وراح يمشيها
فيها انا إذا مشاني بالكثير يومين وهي اسبوع اسبوعين
سألتكم بالله كيف بتصرفون لو بمكاني اواجهه على كذبه وعدم عدله ولا اسكت ونحرق