زوجي لايريد اطفال

عمري 34 وهذا زواجي الثاني وماعندي اطفال
زوجي42 و له 3 اطفال من زواجه الاول
خطوبتنا استمرت سنة بطلب منه ومتزوجين من سنة
الله فاتح عليه ومستواه احسن بكثير من غيره
صح عنده قرض عقاري بس حالته جيدة سيارتين سواق خدامة اطفاله مدارس خاصة مايلبس الا الماركات ويستخدم بطاقات فيزا
انا اعرف انه يخونني من ايام الخطبة وتاكدت ثالث يوم زواج لما نسى جواله بس ما اهتميت لسببين اولا لان اخواني يعاملوني مثل الجارية الزانية
ماعندي خصوصية حتى مفتاح لغرفتي الخاصة ماعندي جوالي ايميلي لاب توب لبسي تحركاتيحتى صديقاتي كل شي بيدهم
مكالماتي يسجلونها يتجسسون علي يراسلون صديقاتي وزميلاتي يطردونهم عني يتصلون باستمرار على مدرستي لدرجة يطلعوني من الحصة من كثر ما ازعجوا الادارة
بعد ماتزوجت جتني الوظيفة هو وقف معي لاني طمعته باني ممكن اطلع له قرض اسد قرضه او اشاركه بمشروع
بس الى الان اماطله
السبب الثاني والاهم اني ابي اطفال
حتى لو تطلقت من بعدها مايهمني
اول قال نشوف تقبلنا لبعض ثم لما تتحسن حالتنا ثم لما تنقلين ..الحين رافض تماما يسوي فحص وبلهجة شديدة
طلبت منه مدة محددة ماعندي مانع انتظر 6 شهور او حتى سنة لما نكشف ...رفض قطعيا بحجة ان عنده اطفال
اعرف انه مايحبني واضح جدا لدرجة انه ماعمر نام معي الا بالظلام مايسولف معي ولايحط عينه بعيني وهو يتكلم
اعرف انه يخوني مع اكثر من وحدة
اعرف انه متعلق بزوجته الاولى
اعرف انه يطمع براتبي وبقرض
القهر ان لما اقوله انا ابي اطفال يقول عندك عيالي ربيهم ولا ماتحبينهم! اقوله انت اناني يقول انا اكبر اناني بالسعودية شعندك وبدم بااارد
والي يقهر اكثر ان لما اقوله انك ماتبي اطفال مني لانك مو متاكد ان كان زواجنا بيستمر او لا ... يسكت تماما وكانه يقول كلامك صحيح بس بدون ماينطق بحرف
خايفة ارجع لاهلي فيمنعوني اسافر لوظيفتي لما تبدا الدراسة ويضيع مستقبلي واعيش الجحيم الي كنت فيه كل يوم وهذا مستحيل
مع العلم ان اهلي مفشليني عنده وقايلين دير بالك عليها لاتصيع تجسس عليها واذا ماتدري كيف احنا بنساعدك
او انتظر مع رجال يكرهني مهملني واحتفظ بوظيفتي وانحرم من الاطفال و ممكن يطلقني باي لحظة لو مل الانتظار وتاكد اني مابعطيه ريال وهذا الشي ممكن يصير بشهور او حتى اقل رغم انه قبل يومين عرض علي نشوف عقار بمليون ونص نتشارك فيه !!
انا اعرف انه بيطلقني لو ماشاركته لان اول ماتوظفت ورفضت عرضه الاول قال مابي اعيش مع واحدة ماتبي تشاركني
اصرف على نفسي ماكلفته ريال وبالبيت علي مؤونة المطبخ هذا غير انه يستلف مني مبالغ تافهة جدا رغم ان معاه بطاقات فيزا!
عيد ميلاده الاعياد ورمضان عيد الحب اعياد اطفاله نجاحاتهم ماقصر بالهدايا و مو ماخذه شي بالمقابل الا وظيفتي وسواق وجوال اطقطق فيه ماحد يسحبه لما يزعل
اهله محترمتهم من الجد للطفل
طبخي عادي بس ايش اسوي امه طبخها يهبل لكن البيت نظيف دائما ومبخر و لما كنت موجوده اطفاله انا ادرسهم حتى اني اخذتهم للي يسمونه"شهر العسل
من النسوان الي يراسلهم ويرسل لهم فلوس اعرف انه يحب السمينة البيضا وانا قمحية نحيله شكلي عادي بس هو الي شافني واختارني وكان ممكن ينسحب باي وقت ايام الخطبة لو تردد
مهتمة بنفسي سوا نظافة ليزر عطور ملابس رغم ان ذوقنا مختلف
ماقول اني كاملة بس الحب من الله
حاليا انا انام بغرفة الاطفال ولاضرب لي حساب طبعا
كيف اتصرف معاه خلال هذي الفترة هل انافقه كالعادة وامثل الاهتمام لما اشوف نهايتها
او اسوي زعلانة واخذ من موضوع الفلوس وسيلة ضغط رغم انها مابتضمن لي اطفال
وربي قد ماني متلهفة على الاطفال مستعدة اعطي اي رجل مئتين الف بس يعطين الولد ويعطي الولد اسمه وهو الله معاه