والله انصدمت ...ماتوقعته منه
وهو اللي يحكيلي عن صاحبه انه طلق حرمته بسبب هالاشياء لقيته عنده ...وان اللي يتفرج انسان مريض وعنده نقص..
وانا اللي كنت طايره فيه السما وهو يتكلم معايه...
خصوصا من كثر ما اسمع صاحباتي يشتكوا من ازواجهم..وان الوحده منهم تزعل وتروح عند اهلها وتهجره..
وان هالاشياء تجرح الوحده وتحسسها بالاهانه...حسبي الله ونعم الوكيل
وجلست ابكي بجنون ليه وعشان كذا قلبك مقفي عن الصلاه ولمن اقله نروح الحرم نصلي الفجر يقولي تعبان ..فيني نوم..وحجج ما لها داعي...(على فكره احنا في مكه)
خلاص الشيطان تمكن منك.. واستولى على نفسك...
وخذت الرسيفر حقه وكسرته..هو عنده قنوات الشوتايم والهوم سيمنا..مع اني كنت معترضه عليها بس رضيت عشانه وعشان ما اضيق عليه,,,وبعد ما قال ما نتفرج الا سوى... وعشان مايروح ويخرج مع اصحابه كثير..وخصوصا كلهم عزاب وراعيين سوالف وما يصلوا باعتراف منه.......
المهم وكسرت كل افلام الدفيدي والفيديو وكل شي وانا ابكي زي المجنونه واسب فيه وهو جالس يكسر معايه ورماها...
وقاعد يتاسف ويبكي وبوس ارجولي وانه غلط ومايدري ايش اللي خلاه يسوي كذا..
وحلف انه يصلي في المسجد ونروح الحرم من بكره يصلي ويتوب لله تعالى...
وفعلا زوجي تغير يصلي في المسجد وما يفوت ولا فرض...
وبطل يطلع مع اصحابه صارت خرجاته كلها معايه تماشي واسواق وزيارات لاهل...
وانا سامحته بعد ما وعدني.. وانبسط مني وحلف انه ما يسوي الاكل
شي يبسطني ويرضي الله وانه راح نبدا حياه جديده من غير افلام واغاني ومنكرات؟؟؟ورااضاني بهديه من ذهب
بس فتره شهرين وعدت..
بدا يهمل في الصلاه...
وامس ما صلى ولا ركعه ..
انا ادري مالي حل الا الدعا ...
(انك لا تهدي من احببت ولاكن الله يهدي من يشاء)...
ارجوكم اللي تقرا مووضوعي تدعي من كل قلبها ان الله يهدي زوجي ويحببه في الصلاه وما يترك ولا فرض ويصلي في المسجد
والله احبه لانه انسااان طيب طيب طيب لابعد الحدود وقلبه ابيض ويحب الخير للناس ولاهله ولاهلي ولا يحقد
بجد اموت فيه واخاف عليه وابغاه يكون ابر انسان بربه... والله حزينه عليه واحيانا اجلس ابكى...
احيانا احسه مسحور او محسود ما ادري ايش فيه
وادعولي باتوفيق معاه...
ودمتم بود
والمعذره
نسيت اقول انا قلتله انا نصحتك ووجهتك ولمن ما نفع كلمت ابوك لانه اقرب انسان لك وهو للي رباك ووجب الحين يعدلك وخصوصا انه امام مسجد...
ولمن ما نفع كلمت امي لانها خالته و لانها تتدرس قران في تحفيض للبنات وعندها اسلوب في النصح الله يحفظها ويخليها ليه وهي يحترمها مررره ويقدرها
وبعدين قلتها انا ما راح اكلمك انته تعرف كل شي وما الي الا الصبر والدعا ...
ولمن ما نفع كلمت امي لانها خالته و لانها تتدرس قران في تحفيض للبنات وعندها اسلوب في النصح الله يحفظها ويخليها ليه وهي يحترمها مررره ويقدرها
وبعدين قلتها انا ما راح اكلمك انته تعرف كل شي وما الي الا الصبر والدعا ...
الصفحة الأخيرة
انتبهي تكررين كلمه طلقني مره ثانيه ...
وبالنسبه للصلاه ..بما انك نصحتيه وتكلمتي مع اهله ومافي فايده خلاص لا تتكلمين معاه مره ثانيه لموضوع
الصلاه ....عليك بدعاء لآخر الليل فأنه لا يخطأ ابدا واجتهدي بالصلاه والدعاء له بالهدايه وكثري من الصدقه
والاستغفار .