الله يسعدكم ويوفقكم ويعطيكم اللي في بالكم

كل اللي ردو على موضوعي ودعوا بالهدايه لزوجي

واعطوني افكار حلوه ***** الله اجربهم

والله فرحتوني....



الله يفرحكم....



ارجوكم اللي تدخل الموضوع وتقراه تدعي لزوجي

أختي العزيزة شيء طيب إنه يحبك وتحبيه والله يديم المحبة والمودة

لكن أنا من رأيي لا تخلي الشيطان يلعب بمخك .. واللي أقصده إنه

استغلي حبه لك بالضغط عليه .. أنتِ ما شاء الله واضح إنك إنسانه

عفيفة تقية وطيبة وأكيد تعرفين حكم تارك الصلاة وما يجهلك هذا

الشيء لكن هل تعرفين إنه بالشرع تفرّق المرأة عن الرجل اللي

ما يصلي لأنه بحكم الكافر والمسلمة يحرم عليها الزواج من كافر

فمن هذا الباب أدخلي على زوجك و ازعلي منه (( ترى والله هذا الأمر

عظيم و أنا ما أقولك كذا عشان أهدم بيتك وأفرقك عن زوجك لا والله

ولكن لعلها تكون سبيل لعودته)) وروحي بيت أهلك وقولي مستحيل

أعيش مع إنسان ما يصلي وخليك عازمة وقوية ولا يضعفك الشيطان

فالغرض إصلاح للدين وإذا ضعفتي و وهنتي وخفتي وترددتي واستسلمتي

للهوى النتيجة جداً سيئة في الدنيا والأخرة تخيلي المستقبل كيف

بيربي أولادك على الدين وهو مضيِّع دينه ونفسه.. اختي لازم يكون

لك وقفة صارمة معه وما فيها يا صلاة و استقامة و إلا لا .. وحسسيه

إنك ما تسوين هذا الشيء إلا لحبك له .. لكن معليش ترى حتى هذا

الحب يتوقف عند هذا الأمر .. طبعاً لا تنسين الدعاء له بالهداية والصلاح

و ما شاء الله دامك في مكة روحي الحرم وادعي عند الكعبة و اشربي

ماء زمزم فهو لما شرب له .. و ابتغي الأجر فلعلك بعزيمتك تهدينه بحول الله

وقدرته .. وتذكري الله دوماً وأن صنيعك خالصاً لوجه الكريم ..

أسأل الله العلي العظيم أن يهدي زوجك ويصلح حاله ويبعد عنه رفقة السوء..

والله يوفقك للطريقة المثلى لاصلاح زوجك ويصلح لك ذريتك وييسر لك أمورك..

الله يهديه ...

قلتى المشكله وانحلت يعني وش تبين نشورك ..

واشوف ما توصل امور مثل هذي لطلاق اقصد صور وهالخرابيط

اما الصلاه انتى شجعيه واحرصي اذا أذن تصحينة وتلمحين له وبتشوفين ..

شذا الجنان


اشكرك الف شكر...
والله انك قلتي الكلام السليم...

بس زوجي هو ما يصلي بالمرره...لأ


هو يصلي.... ويخلي بعض الصلوات...

زي فرضا... يكون هو على الاب توب وقت صلاةالعصر فرضا...

اقوم اقله حبيبي ترى اذن... يقول طيب الحين اقوم ومايقوم....

شوي واقله....انا رايحه اصلي...
واروح اصلي ارجع القاه باقي جالس....

وهنا اقله مايسير ياعمري قوم صلي....واروح عنه وهو مطنش...


وكل صلاه نفس الشي الين قبل ينام يصليها كلها واحيانا يخليها....


والله احيانا امسك يده اقوله قوم الحين قوم ياحياتي اخاف عليك ولاني احبك ابغاك احسن انسان...وهو يقول طيب طيب الحين ...بس انزل هالمقطع او البرنامج...



وانكسف صراحه...


واذا زعقت عليه..يزعل ...
ويعصب ويتوتر الجو...
يقولي انصحيني بدلع خوذيني من يدي...



انا معاك لازم التفريق...
اذا الرجال ما يصلي بالمره ومعترض على فكرة انه يصلي...هنا يكون كافر وهي مسلمه..


وسالت شيخ عن حالة زوجي وقالي لازم الحرمه تصبر على زوجها وما تيأس وتلجأ الى الله بالدعاء


جزاك الله خير