حبيبتي ام ميثاء عليك بالدعاء ليل ونهار

وادعي ان الله يصلح زوجك ويسخره لك

تهجدي على سورة البقرة كاملة كل ليلة

لمدة ثلاث ايام وادعي بكل اللي نفسك فيه

والله ناس كثير مجربينها وتحققت امانيهم

واعرف وحدة من 11 سنه متزوجه ومارزقت بأولاد

ونصحته وحده بالتهجد على سوره البقره

وماشاء الله الحين حامل

ادعي يأم ميثاء

والله يوفقك ويهدي زوجك

هالمرة ظلمه فاق كل الحدود صارله 10 أيام ساكت عني ...
لا... ويصارخ بأعلى صوت ويرض البيبان ماشي احترام وأنا ما أتحمل هالتصرفات بصراحة

ويطلع ويسير كل مكان بدون ما يقول حتى تبون شي محتاجين شي!
حاجيات البيت ما يدريبها لأنه ما يكلمني ولا أنا أرضى أنزل نفسي له وبعدين أحس ان الحل الوحيد لمشاكلي وياه الطلاق لأنه يبا يلغيني وأنا مب من النوع اللي أرضى أكون عالهامش عشان أقبل انه يلغيني بعد
قمت حطيته جدام الأمر الواقع وتصرفت كأني مطلقة أطلع وأدخل بدون شور لأنه هو لغى لغة الحوار وفضل الهجر ويوم شافني جيه ثار وقام يضغط علي بالأطفال يعني يحبسهم عنده ويصيحهم لأنهم يبوني أنا بالرغم من انه يغريهم بالحلاوة
لكنهم يبوني لأنهم مؤخراً بعد ما تغيرت معاملته قاموا يخافون منه
وقلبي تم يتقطع على ولدي والبنت بعد يصيحون وهو قافل الباب عليهم يبا يستميلهم بس على منو .. على أمهم

المهم ولدي بعد ما هلك من الصياح وطفر منه أبوه أطلق سراحه بس ما خلى لعنه ما لعنه هالياهل المسكين والبنت نزلها وهي راقدة بيوعها :( تخيلوا من كثر ما صاحت قامت تناشق
وهو طالع من غرفتي كسر الرسيفر وقال يوم بتطلعين بدون شور كل شي بكسره في البيت


وأنا ساكته وحاضنه ولدي
ولكن في قلبي أقول ليش بالله أشاور اللي أعتبره طلقني (لأنه هجرني لا كلام ولا حتى يدخل الغرفة اللي أكون فيها يعني يعاملني معاملة المطلقة)


وبعدين سار فوق

ورجع بعد شوي يراضي ولده ويرشيه بالحلاوة لكن الولد ماخد موقف طول الوقت يقول:"حيوان بابا"

عرفتوا ليش أقولكم ما يصلح زوج ولا أب
والولد يشهد
ها ينفع اب اللي ما رام يكسر راسي أنا يوم تغايظ مني قام يتشطر على اليهال يبا يقطع قلبي عليهم
اللي ما يعرف يتناقش بدون زعيق وبدون ما يطلع عن الموضوع وبدون ما يسكت شوي ويسمع الطرف الثاني

ايه الله يعين على الدنيا


مابها مستريح


الله يعينك ياختي ويسخر زوجك ويهديه يارب

ياقلبي ياأم ميثا والله مشكلتك معقدة ..

ماأقدر اقولك إضغطي على نفسك واتحملي فوق اللي انتي متحملته ..

وماأقدر اقولك الطلاق هو الحل ..

يمكن تربيتك لاولادك بين ابوهم راح يساعدك لما يكبرو .. لما يشوفو ان فيه رجال يعملوله حساب

ويمكن بعدهم عنه افضل علشان مايتأثرو بشخصيته على قولتك ..

مالك ياقلبي غير الاستخارة ..

استخيري مرة واثنين وثلاثة

رددي دايما ( اعوذ بالله من الشيطان الرجيم )

اتقربي من الله اكثر بالنوافل وقراءة القرآن والاستغفار

وحطي في بالك اذا تطلقتي مالك رجعه لانها الطلقه الاخيرة ..

والله يكتبلك اللي فيه الخير ..

وطمنينا عليكي

اختك : أم طارق

>>>>>>>>>>>>>>>>>>>>>>>>>>>>>>>>>



ما شاء الله عليها الاخت كفت ووفت ....
حبيبتي الرجال انواع ... نوع لو تفحطين ما ينفع معهم غير المسايسه وانت مبتسمه والله انه راح يتغير 180 درجه
ومع الزن كل يوم ما راح يجلس بالبيت والله لو انت ملكة جمال
راح يشوفك شينه بعيونه ..
زي ما قالت وحد من الاخوات .. اعتبريه رفيق سكن ... خليه يروح ويجي زي ما يبي وخليك انتي عاديه معه ولا تتناقشين معه ابد ولا تتهاوشين .. وجهي طاقتك كلها لعيالك .. واهتمي بنفسك
وبجسمك واعتني بشعرك ..
حطيلك جدول لمدة شهر واحد .... انت جربي اول .. لاتقوولين ما فيني كل شي حاولت ... انا راح اكتبلك هالطريقه وهي مجربه من قبل وحده عزيزه لقلبي وراح اقولك النتايج في النهايه ...



بس عندي سؤال لك ... انت مستعده تسوين اي شي عشان ينجح زواجك .. يعني انتي تحبين زوجك بس تصرفاته هي اللي تزعجك وتكرهك فيه ..

اذا جوابك .... نعم ..

انت مستعده .. يالله سمي بالرحمن

بسم الله الرحمن الرحيم


حبيبتي زي ما قلت حطيلك جدول .. مو بالهوا ... لا جيبي ورقه وقلم ومسطره ...

حطي اهداف لك بالشهر هذا لازم تحققينها اول ...
1- تختمين القرآن ( حاولي كل يوم جزء )

2- كل يوم من ايام الشهر تستغفرين بالعدد اللي انت تقدرين عليه ..

3- قبل ما تنامين كل يوم تقرين اية الكرسي وتقولين 33 مره سبحان الله و33 مره الحمد لله و34 مره الله اكبر

4- كل يوم سوي مع عيالك شي والعبي معهم بشي يفيدهم ( الصلصال . قص ولزق . التلوين . الرمل . اللعب بالبانيو مع فقاعات الصابون والعاب المويه . يسون معك بسكوت وزينيه بالحلويات الملونه . الطباعه بالاسفنج . ) وغيره والنت مليان من هالشغلات

5- ثلاث مرات بالاسبوع عنايه بالشعر مثلا يوم زيت - ويوم مايونيز او زبادي مع العسل او زيت الخروع يعني حطي ماسك - ويوم حطي حنا او خليه زيت

6- ثلاث مرات بالاسبوع عنايه بالجسم من الى وخليها لما يكونوا عيالك نايمين عشان تاخذي راحتك بالحمام ( الله يكرمك )

5- ولا تنسين تهتمين بوجهك وحطي كريمات عنايه او ماسكات طبيعيه ...

بالعربي دلعي نفسك ..


6- سوي زيارات بسيطه بالشهر هذا .. يعني لا تسكرين على نفسك مره ولا تكثرين الطلعات اللي تخلين زوجك يفتحلك مناقشه بسبب الطلعات ...


7- اهم شي انك بالشهر هذا تصيرين بااااااارده مع زوجك ...
يعني لوووو يجي هو اللي يبغى يتهاوش معك .. صيري ثلجه
مو عاد اللي ترفعين الضغط .. لالالالا يعني لو يقولك انت كذا
وانت وانت قولي الله يسامحك .. جزاك الله خير بطريقه عفويه ..


8- اعتبري زوجك ضيف وطلعيه من راسك بس الشهر هذا
يعني لا تحاسبيه ابدددددد .. ابدددددد .. اصبري اعتبري انه هذي فترة علاج .. وممنوع تعصبين من زوجك لانه اذا عصبتي راح يخرب كل شي وتعب الشهر راح يروح بلمح البصر ..


9- اعتبري نفسك انت بأجازه ووسعي صدرك ودايم رددي انه الدنيا قصيره .. واهم مرحله بحياتك هي الحين ولا متى تبين توسعين صدرك اذا عجزتي .. الحين وانت صغيره لا تفوتين شوفتك لعيالك وهم يكبرون ..


10- اعتبري زوجك طفل .. يعني لبي رغباته بوساعة صدر
كبري عقلك انت وقولي انا اللي بالنهايه كسبانه بس هي يبيلها طولة بال ...


11- سوي اللي عليك من ناحية اللبس والترتيب والنظافه
يعني كل يوم قبل ما تدخلين الفراش خليك نظيفه ومرتبه ومتعطره
وحاطه لوشن وكل شي يريحك .. فهمتيني .. وخلي الشي اللي تسوينه لك اول وعشان نفسيتك ..


12- اذا حاول زوجك يتودد لك بعد فتره لا تصديه خليك عاديه معاه مع شوية خجل وتغلي ..

13- اول ماتصحي من النوم وتغسلي طالعي المرايه وقولي بصوت مسموع .. انا سعيده لاني مسلمه .. انا سعيده لان ربي رزقني الصحه والعافيه .. انا سعيده لان ربي رزقني باطفال اصحاء .. انا سعيده لاني .. ولاني .. ولاني
وبكذا كل يوم راح تتغير نفسيتك تجاه بيتك واولادك الى الاحسن


14 .. اشتري كتاب او روايه اي شي تحبينه واقري كل يوم جزء بسيط ..


15 - حاولي تنظمين كل شي انا حطيته بجدول لك يساعدك وينظملك وقتك .. مثلا اول ما تقومين ترتبي البيت وبعدين تقري قرآن شوي وبعده تجهزي الغدا والعصر تسوي شي مفيد لعيالك ينمي قدراتهم ويسليهم والوقت اللي يكون زوجك مو فيه حطي شي على شعرك .. او على بشرتك .. لا تفكرين بزوجك ابددد
بس ادعي بصلاتك انه ربي يهديه .. وغيره اعتبريه ضيف ما عليه واجبات واذا بغيتي شي اطلبيه بأسلوب حلو واذا سفهك .. اكتبي الطلب بورقه مثلا الله يجزاك خير جب معك كذا .. وحطيه بجيبه ..
بس طول الفتره هذي لا تحسسينه انك زعلانه خليك عاديه
واسأليه عن الشغل عادي او يومه ..

16- نظمي نوم عيالك وحاولي ينامون بدري اصح لهم وعشان يكون لك وقت قبل ما تنامين تسوين فيه شي لك سواء العنايه بنفسك او القراءه ..


اللي قلتلك عليها كانت نفس حالتك ويمكن اسوء شوي وكان عنده العناد ياااسلام ..
يعني يغيب عن البيت يومين ثلاث ولا هو سائل ..

وبعد الشهر وسوت كل شي انا كتبته هنا .. سبحان مغير الاحوال
صحيح الرجل طفل .. تقول حتى بعد ما انتهى الشهر صار القران بيدي دايم غير الاستغفار
صرت اطنش كثير وقلت مشاكلنا بنسبه كبيره
وخلال الشهر تقول الرجال استغرب اني ما اعبره .. يعني انا عاديه معه البي طلباته بس ما اتناقر انا ووياه وصرت اهتم بشكلي اكثر وهو لاحظ ويوم شافني ما اضايقه بالبيت صارت قعدته معانا اكثر .. مع اني كنت على حق بس كان هو ينكر من العناد وانا كنت ابي اعدله بالغصب ..
وتقول انه بدا يتقرب اكثر مني خاصه بالاسبوع الثاني واحياانا وانا نايمه احس بضمته ...
وانا مسويه نفسي نايمه لاني كنت انام قبل ما يجي بشوي ..
وصرت هاديه اكثر وسبحان الله ..
صار زوجها يدور عليها دواره وهو اول ما يطيق يجلس بالبيت اكثر من ساعه..
حبيبتي والله اني ما ذكرت السالفه الا عشان اوضحلك انه فيه ناس مثلك .. وانه ما دام الله موجود فالامل موجود ..
والله اختي في اشياء كثيره ودي اقولها لكن انشالله الايام جايه
واحس اني طولت عليك وكثرت الكلام
بس انشاالله يفيدك يااارب وربي يهدي زوجك ويسخره لك

اللهم امييييييييييييييييييييييييييييييييييييييييييييييييييييييين


.......................................................
.......................................