زوجي ما يصلح يكون زوج........ أبا أتطلق

بصراحة هالمرة حاسة اني أموت غيظاً وببطء شديد
مليت من هالزوج والله خلاص تعبت ومب قادرة أتحمل أكثر
تحملت منه اللي ما يتحمله بشر ولكن ألحين ما عدت أقوى أتحمل أكثر


أبغي أنهي حياتي الزوجية فيه مليت من قيوده علماً بأنه طلقني مرتين قبل ولكن ياليت يتغير ويتعدل
والله كل ما ياه وينتحس أكثر وأنا حاولت وياه المستحيل عشان يتغير ويحسسني بان زوج وأنا زوجته وبينا بيت وأولاد ولكن بعده وبعد 3 سنين ونص من سنوات الزواج النحيسة مب قادر يتأقلم ويا وضعه الجديد بالرغم من أنه ألحين وبعد شهرين 3 بيكون عنده 3 أطفال مسؤلين منه !

لاهي بحياته خارج البيت ولا يدري لا عن عيال ولا عن حرمة وأنا طول وقتي بروحي وهو يترجى فلان وعلان عشان يسيرون يجالسونه في القهوة والمصيبة في القهوة هو أول من يسجل الحضور وآخر من يسجل إنصراف ولو سهروا وياه للصبح ما عنده مانع يتمنى يسهر وياهم مع إنه من النوع اللي من 10 راقد لو محد منهم متفرغ له .....

واحد من أهلي يخبرني عنه يقوللي الناس تدخل القهوة تيلس ساعه ساعتين بس ريلج يرك فيها لين ما كلهم يروحون يتعاقبون عليه الرياييل ويملون ويروحون وهو لا أبداً


على فكرة ترا طبعه اجتماعي ويحب الصداقات وفضلاً عن انه كان على علاقات مشبوهة ويا بنات قبل الزواج واستمر لفترة بعد الزواج وكشفته والله أعلم لين ألحين ولا هدها


واللي صدق معيفني إياه انه يشوف نفسه مظلوم في هالسالفة وأنا اللي ظالمتنه


وأنا أبغي الطلاق وهو يقول لا بتمين معلقة وبهجرج

والمصيبة انه يفتعل المشاكل عشان فععلاً يهجرني ولا اييب شي للبيت من أغراض وأكل
ويقطع عني المصروف
ويسوي كل اللي يباه يطلع ويسير فنادق ويتغدى ويتعشا برع وما يرد البيت إلا وقت نومه وها طبيعي بزعل ولا بدون زعل
ويسوي كل شي ممنوع يعني يرد علاقاته الأوليه وتبينت هالشي من تلفونه

وأنا محبوسة في البيت بهمي
أحس اني بنفجر
طول الوقت أصيح بحرقة ومليت من هالوضع

إنسان همجي لأبعد الحدود لو كلمتيه ولا عاتبتيه بيثور وبيصارخ وبيكسر وجدام العيال والمساكين يوم يشوفون هالحالة يتمون يصيحون
لها السبب أنا استغنيت عن الخدم لأن مشاكلي وياه ما تنتهي وصراخنا يعلى جدامهم فما يحترمونا ولا يحترمون البيت

خاطري أتحرر منه وأتعلم السواقة وأربي عيالي علماً بأني الحمدلله مرتاحة مادياً وأقدر أستغنى عن نفقته وأدفع له ثمن حريتي بعد ولا يهمني شي غير راحتي ويا عيالي

دخلت أهلي أخيراً في الموضوع يوم يأست ولكنهم كلهم سلبيين ما منهم فايدة ويقولون لا للطلاق ولا للمطلقات ولكن نفسي ما عادت تتحمل حتى ربي ما قمت أخشع في صلاتي له من كثر همي والبكاء والله نساني ديني

قولولي كيف أقدر أخليه يطلقني ؟؟