أمس سرت مكتب المحاماة وقلتله اني أبا أوكله يرفع لي قضية طلاق وما قدرت أقول في ريلي سبب واحد أخاف أظلمه فيه مع انه هو اللي ظلمني بس عشان تعرفون معدني وأصلي الطيب
المهم بعد محاولات من المحامي يطلع مني أسباب قويه ومقنعه للطلاق
قلتله لا ما أقدر أفضحه بهالصورة مهما كان هذا أبو عيالي
ولكن نفسي كارهتنه
قاللي خليه خلع إذا كنتي متنازلة عن حق النفقة ومؤخر الصداق وبتدفعينله المهر اللي دفعه وقدره 80000
ولكن بيكون طلاق بائن لا رجعة فيه ويقول انه طلاقي الأولي والثاني لا يعتبران طلاق لأنه في حالة غضب الزوج لا يعتبر طلاق وفي حالة انه الطلاقين السابقين لم يوثقان في المحكمة فانهما لاغيان
وبالرغم من أن الخلع طلاق بائن وأنا الخسرانة فيه مادياً وهو الربحان
قلتله خلاص خلع أفضل بدون ما أنشر غسيل حياتنا في المحاكم

المهم دفعتله العربون 2500 وباقيله 2500 بعد ما نخلص من القضية وكان المفروض أسير اليوم أسويله توكيل لكني ما سرت بقولكم ليش

لأني طلعت من عند المحامي سايرة بيت أهلي عشان أبيع ذهبي وأخذ بطايق البنك أجهز الفلوس يعني المهم يت خالتي ومرت خالي وكلهم لاموني واتهموني بالأنانية والتعقيد ويشوفون ان تصرفي بدون مبرر

يقولون حرام أحرم عيالي من أبوهم
وباجر بيحتاجوله
انه أنا بتعب من التربية

وأمي ولأول مرة ترفع سماعة التلفون وتكلم زوجي وتنصحه انه يهدي الأجواء ويخفف من العصبية اللي مسيطرة على جو بيتنا في هالفترة
ولكنها حست منه انه رافض أي شكل من أشكال إرخاء الحبل يعني شاد وبقوة
وحط فيني ولا خلا شي عني

المهم أنا روحت بيتي على أساس ان اللي في راسي بسويه ولكن في خاطري أقوله كلمة قبل سرتله فوق وقلتله بس بسألك سؤال واحد يوم انك مب قد الزواج ليش تزوجتني وليش جبرتني أييب العيال ورا بعض وليش وليش!!!
المهم دخلنا في نقاشااااااااات طويلة عريضة ساعتين ونحنا نقول ونعيد آخر شي سحبني وبقوة للفراش وكأنه بهالطريقة بيحل مشاكلنا !!
أنا قلتله ما يصير نكمل حياتنا واحنا كل واحد فينا يتوقع من الثاني شي وما يلقاه لكنه ما يبغي يحل المشاكل لأنها بصراحة ما تنحل
طاوعته وخليت الأوضاع معلقة وقلت يمكن هذا اللي اختاره لي ربي ما يباني أنفصل عنه
المهم رقدت في الغرفة وقام الصبح سار الدوام
والساعه 8 وعينا على صوت موبايل يرن في التجوري
وحظرته قافل التجوري والظاهر نسى ولا خاف ياخذه جدامي
موبايل ثاني مقفول عليه في التجوري طول فترة الشهر اللي هجرني فيه أنا كنت تحت أقضي الليل صياح ونواح ودعاء وهو سهران يغازل ويتغزل !
المهم الساعه 8:10 بالضبط يا البيت على غير العادة ودخل الغرفة وفتح التجوري وخذا التلفون وطلع
وأنا سويت نفسي راقدة مادري ليش!!!
يمكن ما كنت قد الصدمة الثالثة ...
ما بغيت أفتح عيوني على هالمصيبة الأخيرة.... تمنيت أموت ساعتها
الشي الوحيد اللي يا في بالي هو حالي ومعاناتي وأ،ا أعاني من الوحدة واني ما أحس بحياة زوجيه صحيحة حياة بكل ما تعني الكلمة من معنى
وهو اللي مضيع كل وقته على هالعلاقة الغريبة (علاقة حب عن بعد بدون زواج ومسؤلية)



ألحين شي واحد بس أبا أسألكم إياه
هل أواصل حياتي وياه وأنا كارهتنه وكارهه كل شي حتى نفسي وأحياناً أقسو على عيالي
ولا أحط حد لهالمهزلة وأشتري نفسي وعيالي
و20 مرة صليت استخرة ولكن كل يوم أكون بحال مرة راضية مرة ساخطة مرة مكسورة مرة قوية
سرت للمحامي
ويوم قلت بتطلق تراضينا
ويوم تراضينا ربي أكد لي شكوكي وهو طول هاليل قافل الباب ويرضع التلفون وبحكم اني ما أصعد فوق قافل على الموبايل الثاني في التجوري !

:(

بصررااااحة قووووية .....
انتي قولي لة تبغى نبدا بداية ثاني وانا اتمنى انك........... وحطي شروطك وشوفي وش ردة فعلة وحسسية انك ماتبغين تخسرينة ولا تخلين عيالك ينحرمون من ابوهم وقولي لو عندك شي موعاجبك قولي وعلى ردة فعلة قرري والله يعينك ويسددك للصواب ان شاء الله استني لين تولدين وبعدين قرري....

ياعمري يا PINEAPPLE
تجربتك قاسيه 00 الله يسهل لك يفرجها لك يارب


انشالله ربي يكتب لك اللي فيه الخير ياميثا 000 ويسهل للجميع الدروب العسره

ام ميثا ..
الله يكون بعونك اختي..
متابعين قصتك وقلوبنا معك..
بس نصيحه اخيره اختي..
انتي صبرتي سنين صح؟؟
وش بيضرك لو صبرتي بس لحد ماتولدين
وتقومين بالسلامه؟
اعتبريها تجربه بتشوفين نتيجتها..
سبحان الله يغير من حال الى حال..
يبدو ان زوجك ينفع معاه الكلام حتى لو بين
انه مااهتم..
اجلسي معاه وقولي له كل اللي تبين وانك ماراح
تكملين حياتك مع واحد حاطك على الهامش وعايش
علاقات حرام..
ربي رازقك حلال طيب وانت رايح تركض ورى غضب ربك
فهميه انك خلاص بتحطين حد ونهايه خلاص..
وبعدها تجاهليه تماماً..
ولحد ماتولدين يصير خير بس لاتخلعينه الحين..
طيعي شوري .