الله يصلح مابينكم..ويهديه ويسخره لك
انه لايعجزه شيء.سبحاااااااانه

الله يكتب لج اللي فيه الخير يارب
حبيبتي ام ميثا والله قلبي عورني عليج وياريت اعرفج عشان امر عليك واكلمك او اخذج وياي واحوم انا وانتي وعيالنا لين تعيزين واردج البيت هلكانه مب قادره تشلين عمرج
عمري ريلج خايف من كلمة مسؤوليه وانتي دايما تشكلين مصدر خوف بالنسبه له لانك تذكرينه بهاي الكلمه كل ماشافج عشان جي نصيحه من اختك عيشي في حالج وهدي اللعب شوي هدي اعصابك انسي همومك ومشاكلك شوي ردي علاقاتك بعيالك وصديقاتك او اشغلي نفسك بشي مفيد تقدرين مثلا تحفظين قران في هاي الفترة والله لو عندي فرصه اقعد في البيت واقابل عيالي واحفظ لي كم سوره كان بس مابغي شي
هذا زوجك من خذتيه وهذا حاله الزن ماينفع معاه وفي حديث عن الرسول عليه الصلاة والسلام بما معناه ان مادخل اللين شيئا الا زانه وما نزع من شيئ الا شانه عشان كذا عليج باللين ترا والله العناد والصراخ ولوي البوز والنكد ماينفع مع اللي مثل ريلج وانا كان زوجي يمكن اخس من ريلج تعود طول عمره على الانانيه ومتكل حتى لو مرض والا زكم توديه امه العيادة يعني ماتتخيلين كثر شو عانيت معاه ولما خذته حسيت بالفرق الكبير بين طموحي واللي ابغيه وبين تفكيره المحدود في نفسه وبس وصارت مشاكل كبيره بيني وبينه بس الله ستر وقدرت اتجاوزها بالصبر والحكمه
غناتي تلاهي عنه خليه يحس انك مب مهتمه وانه مب محاصر لاتحاصرينه بنظراتك وتأففك او بصراخك وطلباتك هدي الامور شوي حتى لما تطلبين منه شي ابتسمي في ويهه لو غصب عنك وقولي له ابو فلان نبغي الحايه الفلانيه لو ماعليك امر ولما يطلع قولي له بحفظ الله ولما يرد اسالئليه اسوي لك عشا اييب لك شي بكل هدوء وتركيه بروحه واطلعي صدقيني بيركض وراك لانه هالنوع مايحب ينهمل يحب انك تطاردينه عشان يلقى له عذر ويهج من البيت ويطلع ويقول انتي السبب
اللحين انتي حامل ريحي نفسك سوي لج برنامج وجدول يومي غيري فيه مثل ماتحبين انتي تعرفين اني يوم كنت امل انا وعيالي ولا القى حد اكلمه وطبعا هو لاهي ولا يدري عنا شو كنت اسوي اللعب معاهم العابهم ونقعد نضحك ونسولف ونسو ي مشاوي او رحله اونه برا في الحوش ونفرش حصير ونتعشى برا والله انه يوم يرد ويلقاني اضحك او اسولف انا وعيالي يحس نفسه منبوذ وبرا اللعبه ويحاول يلفت انتباهنا باي طريقه ترا كل الرياييل يهال ماعليج من الشارب واللحيه تفكيرهم تفكير وعقل ياهل يبغي يستانس ويبغي يخليج تسوين اللي يبيه بس الشاطره اللي تخليه يسوي اللي هي تباه بدون مايعرف وهذا كله بالمسايس والصبر عامليه مثل واحد من عيالج شفتي الياهل يوم اترشينه وتسايسينه تراه الريال كذا
بالنسبه لشغل البيت احسه يشغلج بس بعد تراه شغل البيت مايخلص وبيزيدج ضيق على ضيقج مب شرط كل يوم تنظفين كل شي وتغسلين كل شي سوي الاشياء الظروريه واجلي او اهملي اللي ينهمل
الخلاصه ريحي عمرج وتناسي عطي نفسك وسوي بينك وبينه هدنه لين تربين وتتطلعين من الاربعين وروحي سيييييييييييييييييييييييييييييييييييييييده عند فوفو والا غزل اذا كنتي في العين وركبي لولب ريحي شوي اهتمي في نفسج وعيالك وتفرغي حق ريلج نسيه كل نزواته ردي احلى من اول انتي ماعليج قاصر والبلاد متروسه صوالين ومراكز تجميل لو ماتروحين لهم خليهم اييونج في البيت في الوقت اللي يكون هو مب موجود حتى اللحين غيري نفسيتك بتغيير شكلج تراه والله ينفع سوي تلفون حق وحده اتييج البيت غيري بقصة شعرج او لونه شي في صالون العروسه حنا للشعر رووعه تقولين صبغه ولا تخرب الشعر ولا تضر الحامل سوي تلفون حق اي وحده تبيع قمصان نوم وجلابيات حلوه كشخه واكشخي في وايد اشياء تسوينها بس انتي عزمي انج تطلعين من الحاله اللي انتي فيها ولا تستسلمين

وبعدين اختي مثل ما قالت رعبوب غرشوب

شوفي حالك وخليه لما يدخل البيت ما يشوف الا الضحكة وبالصوت العالي حتى لو كنت تتكلمي مع نفسك امام المراية عادي لو شافك متجاهلتيه وناسية الهموم بينقهر وبيصير بيحب يجلس بالبيت ويشوف ليش مبسوطة انت .

الرجل كالظل ان لحقتي به هرب منك..
وان هربتي منه لحق بك..
اختي احس انك قوية شخصيه واسلوبك قوي
مع زوجك..وهذا اللي نفره من البيت غير
ان كل حياتك معاه كانت حمل وتعب ونفاس
واطفال صغار جداً..
كل هذا يسبب لك وله ظغط فظيع جداً..
يخليكم حساسين حتى من الاشياء التافهه..
ام ميثا زوجك يحبك بس يتهرب من ظغوطات
حياتكم لضعفه امام هذه الظغوطات وامام مطالبك
مهما كانت المرأه قويه وعندها حق..
لايمكن تاخذ الحق من زوجها بالمواجهه والصدام..
كل الرجال يكرهون المرأه اللي هذا اسلوبها..
يحبون يحسون بحاجتنا لهم..
وزوجك محتاج لهالنقطه وهذا واضح من تصرفاته..
كما قالوا اخواتي من قبلي..
اجلي القرار الآن انتي متعبه ومشحونه جداً..
وقدمي على شغاله خلي عليها مسؤوليات النظافه
وانتي مسؤوليات عيالك..
ماهي مثاليه ان الانسان يفجر نفسه علشان يكون
مثالي..
من بينفعك بكرا اذا صرتي مريضه نفسياً ماتقدرين حتى على خدمة نفسك..
استعيني بالله وتوكلي عليه..
واعيدي تنظيم حياتك ..
اعرفي ان لنفسك عليك حق..
رفهيها بحدود المعقول..
وزوجك اذا شافك هاديه ومرتاحه
اكيد بيرجع بالتدريج..مافيه شي يصير
بين يوم وليله.
الله يوفقك ويزيل همك.

غاية الشوق
استخرت مرة قبل 3 شهور والله ما يسره لأنه ردني ‍
أفكر أستخير مرة ثانية


PINEAPPLE
الله يريحج دنيا وآخرة ويخليلج عيالج ويقر بهم عينج بس ما يقدر ياخذهم الحضانة للأم أكيد... وهو هذا شرطه الوحيد للطلاق يقول عطيني عيالي
بس صدقيني اللي سويتيه ما فيه ظلم للعيال مثل ما انتي متصورة الظلم لو ربيتيهم في جو أسري مكهرب لا أم تحب ولا أب محترم
النتيجة الطبيعية ان الأم إذا انقهرت من زوجها تفرغ شحنة الغضب في العيال كونهم امتداد لهذا الأب
أحد الأبوين قد يصنع ما لا يستطيع صنعه الوالدين مجتمعين وخاصة إذا كانا غير مؤهلين للتربية

أما المسايسة ما تنفع أنا ألحين هدأت نفسياً ولكن حاقدة عليه ولا قادرة حتى أشوفه وهو بعد نفس الشي


مافي اسامي
كيف يكون وجود الاب في البيت حتى لو عياله يشوفونه مره بالاسبوع على السريع افضل مليون مره من الطلاق ؟؟؟
وأساساً ما أبا يكون له احتكاك فيهم لأنه بيأثر عليهم سلبياً لقلة ثقافتة وحتى دينه
وما أظن انهم بيحقدون علي أنا يمكن يشكروني لأني بوفرلهم حياة أفضل من اللي هو كان بيوفرها ‍
على الأقل أنا موجودة وهو هاج
أنا المسؤله وهو المتنصل المتبري
أنا الموجودة دائماً وهو الغائب (بس شاطر تحكم عن بعد)



حوريه بس غير
زوجي ما كان يرضى أمنع إلا بعد البنت ولكن مع المنع حملت بعدها :( وربج راد أحمل بالرغم من المنع
يمكن الله له حكمة في هالثلاثة في ثلاثة :) والله أعلم



أساور
آمين والله يوفقج




suzan 2001
إن شاء الله ...



um sa3oodi
وأنا بعد ساعات أفكر بعد ما أهدا من الثورة والعصبية أقول الله عطاني كل شي ما فيها شي لو بلاني في ريلي أحسن من أنه يبليني في شي ثاني والحمدلله على كل حال
بس والله لو تطلقت بتكون حياتي وحياة عيالي أفضل



yesritaj
ما أظن :(
جان اتعدلوا اخوانه وأبوه وأبويي أنا بعد


flare
يعيشون حياة طبيعيه بين ام واب متفاهمين هاي هيه المعادلة الصعبة اللي ما بتحقق :(



شـمعـــة وفـــــــا
آمين والله يوفقج



ستارز
أنا ما بتطلق إلا لأنه تسكرت في ويهي كل الأبواب ما يسمع لي ولا يهمه رايي وأنا بصراحة أبغي حياة لي ولأطفالي غير عن اللي في باله هو عنده نحنا مثل البهايم حابسنا في حظيرة يوفر لنا الأكل والشرب ما يدري ان حاجات الإنسان تختلف عن الحيوان اللي يسده الأكل والشرب عن كل شي‍


el3rooos
ما بيتغير شي غير اني بكون حرة وبقدر أسوي كل اللي أباه أبني وأفرش بيتي وأسوق سيارة وأطلع أنا وعيالي ألاعبهم وأرفههم ممكن أسفرهم بعد لو توفرت الفرصة
أربيهم مثل ما أبا بدون ما أكون ميته قهر من أبوهم اللي محسوب علينا نفر زيادة عدد في البيت ماله دور
صح أهلي ما بيكونون راضين اني أسكن بروحي لكن ما بسمح لهم يتدخلون في حياتي وقراراتي لأني يوم بغيتهم يحلون مشكلتي تنصلوا فبعدين ما أسمح لهم يردون مرة ثانية لأني ما بكون في حاجتهم
ولكن من ألحين لين ما يتحقق اللي فبالي ما يمنع اني أدعي الله ان يهدي ريلي ويخليه ريال مسؤول واستغفر ربي طول الوقت
( لااله الا انت سبحانك اني كنت من الظالمين )


اشجان
آمين والله يوفقج


دمعة غلاء
إن شاء الله


مهى
ياريت المشكلة كبيرة ومب بسيطة المشكلة في شخصيته في تركيبته في طبيعته ‍‍
كيف ممكن يتصلح



غرشوب رعبوب
حبيبتي :) ألف شكر لج على تعاطفج بس صدقيني لو أطلع بعدني ما أنسى أحس اني مقيدة وهو محطمني ومعرقل أشغالنا أنا والعيال
أما مسألة الحمل الأخير حملت على المنع ألحين أفكر أربط نهائي شو رايج؟


مهى
ما يهمه إلا نفسه وبس للأسف كل المحاولات باء ت بالفشل


العامريه
كلامج صح بس مب أنا سبب النفور هو من أول جيه من قبل لا يتزوج ما عنده وقت للبيت كل وقته برع أنا استغربت من هالشي في أيام الملجة بس قلت يمكن يوم بيتزوج بيستقر لقيت من أيام شهرالعسل استأنف حياته العاديه ما لقيت لا عسل ولا حتى بصل
أنا أجلت القرار وبشوف هالمرة لين وين بنوصل وبعدين بصر الحكم الأخير لكن المشكلة ان ما فيه حد واقف في صفي الكل رافض فكرة الطلاق بضطر أحارب بروحي وبوكل محامي يمثلني :(