أنا رايي غير ..مني شايفة إنك مسوية شيء غلط أو يدل على الإكتئاب ...بالعكس
كيف يعطيك قلبك تسيبي بنتك عمرها شهرين عند شغالة ؟؟
وتخرجي لوحدك مع السواق ؟؟
والسوق المرأة بالذات تذهب إليه وقت الحاجة فهو مكان الشياطين ..

ولكن يمكنك إشغال نفسك يإكمال الدراسة ..أو عمل شيء نافع (حفظ القرآن مثلا)

ومبروك على البينة ..الله يقر عينك بها

:24: الله يهنيك ويسعدك وبالنسبه لحالتك ، بسبب بعدك عن الاهل .( مثلي ):06:

والله يا حياتي انا لي ثلاث سنين متزوجه وعندي بنتين بس وحيده في جده ما اعرف احد وما احب اروح اي مكان الا مع اهلي واحس بالضيق في جده وما اقدر اخالط احد والله مشكله كل اخواتي مع امي بس انا الي بعيده احس انهم راح ينسوني واجلس بينهم غريبه بس الله يكون في العون ...والاكتئاب تبع الولاده مو كذا الله لا يبلاك بكاء ونواح وضيق الله يبعده عن مسلمه

هلا ام نوره حبيتي انا حاسه فيك لاني جربت الغربه ومازلت:06:لكن الحمد لله الوضع الحين افضل لاني صرت اقرب


المهم انا كنت لما ارجع من اهلي انعزل عن الناس تمام واكره الدنيا


وما عندي رغبه في الطلعه وخاصه اول ما جبت طفلي الاول كنت اخاف عليه وما بي اطلع ومع الوقت ابد اطلع واختلط مع الناس .........



بس نصيحه صدقيني ما راح يصبرك على البعدعن اهلك إلى الصاحبات

وخاصه اذا احسنتي الا ختيار بتحسين انك بين اهلك

اتمنى لك السعاده

مراااااااااااحب باللجميع وشكرا لكم فردا فردا على الرررررررد :

أمــــــيرة:جزاك الله خير وطمنتيني لأني ماني لحالي فيه احد مجرب الوضع أتمنى لنا وللجميع انه تكون حاله مؤقته اللي عندهم نفس الموال.


جنوبيه والنعم: عز الله الف الف ونعم , معاك حق فعلاا كنتولاازلت دلوعة أهلي لكن اللحين البعد هو اللي بعد هالدلال اللي كنت ماحس انه ناقصني يوم كنت عندهم(قبل الزواج) والله اني احاول قد ماقدر اني اطلع وابشرك رحت اجيب أغراض لبنوتي كنت محتاجتهم من زمان .(^_^)


أمــ ل الروح :لا تتسرعي بالحكم على الغير ماحبيت أذكر تفاصيل حياتي لكن بقولك اياها عشان ماتسيئين الظن (إن بعض الظن إثم) يوم إني كتبت اني اخلي مع الخدامه ماخليهم لحالهم الخدامه تجلس عند امي زوجي او اخواته او اي وحده منهم .هذا شيء الشيء الثاني اني محافظه ولله الحمد والمنه عمري ماطلعت مع السواق لحااااااااالي لو اني محتااااااجه الطلعه هذا قبل ماأولد كيف يوم ولدت اقولك كارهه الطلعه وحتى اذا اذا اذا طلعت مع السواق اطلع مع اخوات زوجي لأني كماا قال الرسول عليه افضل الصلاه والسلام (لاايخلو رجل بإمراه الا وكان الشيطان ثالثهما)
وبلأخير جزاااااااااااااااااااااااااااااااااااك الله الف خير على نصايحك وحبيت اوضح لك حتى ماتكسبي ذنب سوء الظن والله ينفع فيك المسلمين والمسلماااااااات .


البرقع:شكرا على مررووورك اتوقع انه بعدي عنهم هو نص المشكله وخصوصا اني دلوعتهم(^_^)


شوووووووقة:شكرا على ردك , والله يعينك ويعيني ويعين كل بنت بعيييييييييده عن اهلها.


كابتشينو:هلا حبيبتي بقولك انا ام نوااااااااارة مو ام نوره .,يعني كذا طمنتوني انو راح يتغير الوضع ان شاء الله , وعلى طاري الصاحبات حظي مو كويس عشان كذا قطعت اغلبيه الصاحبات معندي الا صديقه وحده صديقه الطفوله ومو بسعوديه اللي بينا كم تلفون ومااسنجر.واتمنى اتعرف على وحده تعيني على اخرتي قبل دنيتي اللله يسعدك ويسعد الجميع وويوفق الجمييييييييييييييييييييع .