زوجي معجب ببنت اخته ويقارنها فيني!!

السلام عليكم اول مره انزل موضوع واتمنى يكون مكان موضوعي صحيح بنات بقولكم قصتي الي يمكن تشوفونها سخيفه لكن احتاج رأيك عجزت افهم عموماً انا وحده عمري ٢٦ وزوجي ٢٩ سنه معنا ولد واحد بس متزوجين من اربع سنين والحمدالله حياتنا جميله وبخير والله يخليه لي هو ولدي ويخلي لكم احبابكم يارب، جاا يوم كذا قعدنا انا وزوجي مسويه له جو قهوه وسوالف فجاءه قال شفتي بنت اختي فلانه قلت ايه وشفيها قال ياخي شخصيتها مره قويه ماشاءالله عليها ولسانها ماتسكت عن حقها تعجبني شخصيتها قياديه وفوق كذا عمرها ١٧ سنه كيف لو كبرت ماشاءالله ماقد شفت بنت بالهشخصيه والسان الطليق وماتخاف من احد بقولك قصة بنت اخته اول شي اخته بينها وبين زوجها مشاكل وجت هي بنتها تعيش عند عماره ابوها الي هو ابو زوجي ودايم خوالها يسون مع بنتها مشاكل ومشاكلهم ماتخلص كلها تدخلات فيها وهي ماترضى احد يتأمر عليها ودايم ترادد خوالها وماتسكت عنهم نهائياً وصدمني ان زوجي معجب بشخصيتها وتكرر هالكلام كثيرر عكس زمان كان يقول حلات البنت بطاعتها وتسمع كلام وماترادد الي اكبر منها بس صارت بينها هي وزوجي مواقف كثير لكن البنت مانكر انها قويه شخصيه واحس مشاكل اهلها قوتها لان كلشي فوق راسها وتسوي امور البيت بنفسها وشافها زوجي تسوي كل ذا واعجب بشخصيتها وكلشوي يكرر بنت اختي وبنت اختي والي خلاه يحبها زياده ويحب شخصيتها يوم تكلمو عن ابوها وهي مو موجوده ووصل لها الكلام راحت عندهم وواجهتهم وقالت مارضى عليه وانتم ضعيفين شخصيه تعرفون تتكلمون من وراي ورجع زوجي منبهر منها ويقول اتمنى بنتي تدافع عني كذا وشوي بدا يقارن شخصيتي فيها يقول ليه انتي جبانه ليه مانتي زي بنت اختي تسكتين يوم اهاوشك وترضين على نفسك ماتردين خلي لنفسك قيمه ومعزه قلت له ليه هيه تقارني بالمراهقه ذيك؟ انا احترمك ترا قال شفتي المراهقه ذيك تحترم نفسها قبل لا تحترم اي احد وهذا شي ملفت وشي حلو وجميل واحترمي نفسك وخليك قويه شخصيه ولا تخلين اي شي اقوله تسمعينه انصدمت بنات والله جتني بكيه كرهتها بنت اخته كرهته على انها عايشه حياه خايسه ومهمومه وشايله بظهرها هموم دنيا ماودي ادعي عليها لان فيها الي مكفيها شذنبها لكن انا بعد شذنبي لو احترم زوجي ماطول لساني عليه شدخل شخصيتي بذيك انا ترا بس معه محترمه واسمع كلامه لو اتفلت زيها بلساني وربي يزعل ومعد يكلمني بنات تتوقعون لو تغيرت بيعجبه هالشي ولا هو يدور زله من كلشي صرت اغار منها بالمجالس وهي بزر بعد عمرها ١٧ وتتكلم عن رأيها بكل اريحيه بدون خوف وبدون توتر ولا تهتم لاحد وحرفياً شي ملفت انها كذا كيف اقاطعهم عن بعض ولا شسوي بضبطط علموني هالشي تكرر معي كثير كل ماصار شي وسمعت كلامه يقول ليه انتي كذا اكره البنت الي مالها شخصيه وهو كان يسبها اول ماجت انها تطول لسانها والحين مدري من وين جاا الحب الغريب ذا الله يهديه ويصلحه اذا عندكم حلول فيدوني💔