الله يعينك أختي ويفرجها عليك ويصبرك

حسبي الله على كل رجل ظالم

انا ماني ضد التعدد لكن ضد قهر النساء

حبيبتي صدقني دام مافيه خير لك مابيكون فيه خير للتانيه عزتي لحالها

واستشفيت انو اناني ليه مادري احس يبي يكون محور الحدث

المهم خليه ينفلق وانتي تعوضي الله فيه

بس حقوقك ماتتنازلي عنها فاهمتني

لاقرب زواجه تقولين له شوف يافلان فيه اشياء لازم تفهمها وتحطها حلق باذنك

وتمشي عليها والا مثل مادخلنا بالمعروف نطلع بالمعروف وعيالك عندك والعروسه الجديده تربيهم

طبعا هادي نقطه الضعف بينفذ كل شي لك

وانتي مانتي ظالمه قولي سيرتها ماتجي ببيتي ولاتفكر تكلمها عندي ولاتجيب طاريها

ونفس الشئ علومي وسوالفي ماتنقلها لها ببيتها

قولي زي مانا مابزعجك ولااتصل بيومها هي لاتتصل ولاتكلمك بيومي

الا اذا فيه شي ضروري مسجات وتكلمها برى مو قدامي

بيته يصرفه وهو مايشوف الدرب

واذا ماكان يعطيك مصروف يمشي لك مصروف

وعيشي حياتك بالطول وبالعرض لك ولنفسك ولعيالك

اللي بيتشمتون فيك لانهم كثييييير وترى مب بس فيك ترى حتى التانيه

بتلاقي اللي يقولون لها خذت متزوج لانها عانس يعني ثنتينكم ضحايا للرجل

ولعقول الحريم الفارغه اللي مايسيبو احد بحاله فلذا طنشي اي وحده

واللي تتشمت وتتكلم فيك احتسبيها وافرحي طاح منك ذنب ومن سيئاتك

اهم شي حقوقه تسويها له عشان ربي مو عشانه

ويارب تطلع التانيه بنت حلال وماتسوي مشاكل

والله يختار لك الخيره ويوفقك ويسعدك

انا اهنيك ع طول البال اللي عندك استمري بكذا صدقيني انتي تكلمتي او ماتكلمتي ماراح يفرق الحين هو عايش دور فتره الخطوبه صح وماراح يلتفت لك لانه مبسوط تعرفين وضع مؤقت اصبري بعدها بيتزوج يمكن يهدا الوضع ويبطل السخافات اللي قاعد يسويها ببيتك اللبنات كفوو ووفو بس ازيد لاتعطينه فرصه يتمشكل معاك ويوديك عند اهلك لانه خلاص عنده زوجه ثانيه ممكن يستغني عنك فكري باولادك انتي من موضوعك اشوف انك معذره تردينه عن اللي براسه بس تبغين طريقه تنشغلين فيها عن اللي يصير خاصا الايام اللي جايه حاولي تسوين روتين ممتع اشغلي نفسك بالعباده وقراءه البقره ويس ياستمرار استغفري كثري اعمال تقربين فيها من الله راح تنبهرين بنتايج الوضع راح يهدي نفسيتك ويريحك وتصيرين مافكرت باللي جابوه صدقيني راح تشعرين بسعاده ملازمتك ماتدرين وش سببها ومبسوووووطه انشغلي ببيتك على اولادك على نت على طبخ على اهلك على جاراتك على ازياره اقارب على تلفزيون والوقت بيمر والايام بتعدي وتتعودين هو ظالمك ميه بالميه انتي مالك ذنب في انه ماحبك كان ماتزوجك من البدايه غير كذا تعامله معك الحين فيه اجحاف بحقك انتي مضلومه ادعي عليه وانتي تصلين صلاه الوتر سهام الليل لاتخطئ خليها بين الاذان الاول والثاني اقصد اذان الفجر هو افضل وقت يعتبر الثلث الاخر من الليل اللي الله ينزل فيه لسماء الدنيا ادعي الله يقتص لك منه ويسلط عليه من يضلمه ولايرحمه ولايوفقه اذا استمر بضلمه لك وادعي له بالهدايه وان الله يحببه فيك ويعدل بينكم الشكوى لناس ماتحل الموضوع اشكي لرب العباد والله بينصركي انتي مضلومه بسوء معاملته لك وتجاهله لك انا طولت بالرد اعذريني مره انقهرت عليك صدق نعيش ونشوف وما املك الا اني ادعي لك الله يفرج كربك عاجل غير اجل يــــــــــــــــــــــارب 00

ولاتتركيه يكلم على راحتة ادخلي الغرفة
اطلعي مع صديقاتك او اخواتك غيري جو
خلية يعطيك مصروف اذا ماتأخذي
بس يشوفك مكالماتك وطلعاتك كثرت
راح يعملك حساب
اي شي يشتري لها لازم يجيبك مثله
حتى لو ماتبغيه
الذهب خلية يشتريلك مثلها والله اعرف حريم
بأخذو مهر وذهب زيهم زي الجديدة
واخر شي اهتمي بصحتك ونفسك
عشانك وعشان اولادك
تري كثر الظغط والزعل مو حلو
و الله يكون بعونك

انت جالسه عشان اولادك

فانشغلى باولادك ونفسك
هو خاطب وملك يعني هالفتره لو ايش ما عملتي مارح يشوفك يحس انك ضعيفه وبتلفي نظره باى طريقه
عشي لنفسك واحفظي كرامتك عن التجريح وانسي وجوده
الله يصبرك ويربط على قلبك وفكري باولادك وبمستقبلك معهم
واحسني تربيتهم العوض فيهم ان شاء الله