حلوو هذي انتي وش ذنبك اسمحي لي انتي غلطانه في الكلمه هذي ياحبيبتي ياعمري انتي لازم تتحملين اذا ماتحملتي ووقفتي معاه من يوقف معاه هو نفسيته زفت وهذا شي جدا طبيعي ياعزيزتي ويوم انك تطالبينه انه يغير شغله هو مسكين لقى وقال لا هو ذايق المر من شغله ويجي البيت ويحط حرته فيك مافيه الا انتي يبرد فيه ماعليه تحمليه ياقلبي وماضاقت الا فرجت وادعي ربك انه يفرج همك ويزيل غمك ويرزقكم من حيث لاتحتسيبون ادعي واستغفري وبأذن الواحد الاحد راح يتغير كل حاجه حتى معاملة زوجك لك

سامحيني انتي الغلطانه
معروف الرجال اذا صار مطفر تخرب الاخلاق ويصير طول الوقت معصب
شي طبيييعي بس المشكله فيك انتي
المفروض توقفين معه تهونين عليه مب تجلسي تقارنين بينه وبين زوج خالته وتتحسرين على حياتك ترا الفلوس مب كل شي والله
ياما ناس مرتاحين ماديا بس مافيه استقرار ولا حب وتلقين ناس على الله عايشين بس حبهم مكفيهم
ترا الرجال زي الاطفاااااااااال تلقينه مسكين ينقهر بقلبه ويسكت وشلون تبين كلام رومانسي وهدايا وواحد يسولف
وانتي انواع التحطيم انا وش ذنبي راح عمري اهلي ليش وافقو هذا كلام بزراااان وتخلي عن المسوؤليه
الرجال صار زوجك يعني خلاص انسي كل شي وفكري فيك انتي وياه على انكم شخص واحد
اصبري عليه وخليك حنونه انا مااقولك لا يضيق صدرك اكيد الوضع صعب بس لسانك امسكيه ازعلي بقلبك ولا تقولين شي واستغفري وادعي الله تنفرج
لانه هو مب ناقص ولا تتوقعين انه ماراح ينتبه لوقفتك معه ... وبيردها لك مع الوقت صدقيني
والله يفرج لكم ويرزقم من واسع فضله

ان بعد العسر يسر...اذا زوجك يستاهل الصبر صبري واذا ماسيتاهل خليه وشوفي حالك

(مدلله) عزيزتي هكذا تكتب(مدلــله)
عليك بالدعا والأستغفار والصدقه...
قديكون زوجك من ضغط العمل يصلح كذا حاولي تاخذي بخاطره

مشكورين ياعسولات على وقفتكم معي من جد نبهتوني لعغلطتي ويارررررررب يلعمني الصبر واقدر اتحمل انا عارفه انها ان شاء الله ازمة وتعدي لكنها طاللللللللت وانا طفشانه من الوحده وعشان كذا احط حرتي فيه وهو بعد

وبالنسبه للشغل انا متخرجه من الجامعه ومعدلي حلو واكيد ودي اتوظف واشغل نفسي واحسن وضعنا لكن مالقيت وظيفه ادعولنا يابنات والله انكم اخوات وماقصرتوا

اسعدني مروركم جميعاً