زوجي هاشني عشان حلاوه مصاص

السلام عليكم


بنات انا تعبانه وحامل ومو عارفه شسوي دايما انزل مواضيعي واشتكي ودي امسك نفسي بس ماعندي احد اشكي له اخس اني ضايعه وضعيفه جداً ما اقدر اسوي شي


قلت لكم قبل زوجي معقد جداً جداً يفسر امور الدين ع كيفه وكل شي حررررررام حتى اللي ربي حلله
لازم قبل الصلاه هواش وصراخ قوموا صلوا حتى قبل يدخل وقت الصلاه وعلى العباه واللبس و و تحملت كل شي بس الحين بنتي كبرت وعمرها عشر سنوات وبدت تتحجب وتصلي وكبرت المشكله وصار كل هواش مع بنتي ع كل شي


اليوم بنطلع لبست بناتي وبنتي لبست حجابها واخذت حلاوه مصاصه في فمها الا صرررخ شتسوي هذا مايصلح حررررم شيله بسرعه ومسحي شفايفك احنا بنطلع واخذه بقوه من يدها


وهي خافت وارتاعت من هجومه الغرفه عليها


انا عصبت قلت له شدعوه هذي مو حمره هذي حلاوه عاديه وهي طفله قال انا ما ارضى و و وكبرت المشكله وقلت له انت ظالم ومتجبر وانا بطلع وماراح اقعد ولا دقيقه وانهرت وصرخت وبكيت بدون شعور مني لان مو اول مره دايما يهاوشنا على امور تافهه وانا تعبت ما اقدر اتحمل وقلت بطلع وقفل الباب وقلت له بدق ع اهلي يجو ياخذوني انا ساكنه بمنطقه بعيده عنهم
بس قعدت ابكي واصيح ومادقيت وقالي خلاص قومي جهزي اغراضك انا بوديك وزعل وقعد في غرفته وطلعت كأني انا الغلطانه عليه


قلت له مابي انزل معك بنزل مع اهلي


بكره نتيجة بنتي من زمان انتظرها ابي اخذها اول بعدين يصير خير


محتاره اعلم اهلي وانزل بكره حتى بدون علمه او انتظر واقعد


احس جلوسي عنده ضعف مني واني مو قد كلمتي واني كبرت المشكله واخرتها جلست عنده كاني انا المحتاجه له ومهما صار بنذل وبقعد له


ودي اكلم امي بس خايفه عليها هي تعبانه بس اهلي ما يرضوا علي بكلمة بس انا ماخب اتكلم دايما واضايقهم بس عارفين طبعه بشكل عام واحيانا يفاتحون بالموضوع انه هم اطفال ومايصير تضغط عليهم بس بدون فايده


والحين هو يقول انا ماغلطت بس منعت بنتي تحطه كان مسحته وانتهى الموضوع ياليت المشكله عند هذي وبس كل مره طالع لنا بشي جديد تعبت من الكبت والحرمان انا متربيه احسن تربيه ولبسي محترم مايبين مني شي ومع كذا مو عاجبه وما يخلى الموضوع من تعليقاته عدلي هذا وهذا يبين انتبهي غير ظروفه المادية السيئة


والحين هو اللي يبيني اجهز عشان يوديني بيت اهلي


والحين خايفه ع اللي في بطني من المشاكل هذي كلها وتحسفت سويت مشكله معه بس غصبا عني ماقدرت فلتت اعصابي ودي اكلم اهلي اروح لهم موعارفه افكاري متشتته


ساعدوني الله يرضى عليكم شوروا علي شسوي
انا غلطانه او لا