تعرفكم كلكم :

انا مدري وين حنان الامومه الي خلقه الله بقلوبكن يالي تقولن عادي وكبرتيها عويذ الله من كل متشدد وقاسي اذا الاب ماحن على بناتوه وين بيلقن الحنان والعزوه ؟؟ والي تقول الرسول قال اضربوهم لعشر مسويه تحجرنا بالزاويه بلسان الدين (الخلا بس) هذا للصلااااااااة عماد الدين واساسه والا رسولنا الي تتقولين عليه القسوه قال خيركم خيركم لاهله و قال رفقا بالقوارير سيد الرحمه والرفق الي وصانا عليه في سنته وكتاب ربه لاتشوهن الدين لعشان تتلزقن بالرجال مستعدات تألفن كتب في الذل عشان تبررن خبال الرجال و صاحبة الموضوع يوم انتس منتي قد الهياظ وش له الله يصلحتس تكبرينها ؟ اسمعي يمه هذه فرصتس انتس تثبتين انتس بنت رجال ماتنهان قد كلامها وهذه فرصة لتس ولبانتس تغيرين الوضع المخيس الي انتن فيه لو مو عشان نفستس عشان الي حطهن الله امانه بحضنتس لان لو تراجعتي هالمرة بتنكسر عينتس كل مرة للرجال به موقف واحد يثبت انتي تستحقين احترامه والا خبله وذليله وماتستاهلين منه الا دق الخشم زوجتس واضح خاف من التهديد والدليل انوه قال انا اوديتس يبي يلوي دراعتس لكن جربتي كل الطرق جربي هذي كود انها الي تكسر ظهر البعير ؟ لين قلتي شي خلتس قده رجال عمروه ماحب ولااحترم الضعيفة وبنتس امانه عندتس بكرة لاكبرت معقده والا انضحك عليا بحنية من برة بيتس بتلومين نفستس ومااااينفعتس لوم موضوعتس مشكله تحتاج حل قوي و رادع والا بتعيشين كل عمرتس بنفس الشكل لاشفتي هدوء ولا رحمه ولاحنان ولاحتى عيشة اوادم طبيعين كنكم حيوانات كرمتي يمشيكم بالهش

انا مدري وين حنان الامومه الي خلقه الله بقلوبكن يالي تقولن عادي وكبرتيها عويذ الله من كل متشدد...

🌹أشا🌹DZ :

مانعين عيالهم من الدش والبناطيل والطلعات الحين كل شي جابوه ويطلعون لحالهم ويروحون وابوهم عادي عنده مايقول شي وكل بنت معها جوال وهي بالمتوسطه يعطونها مقتبس من كلام الاخت بائعة المسك يعني عندكم اللي يرضى بهذه الامور هو اللي مش متشدد الله المستعان وفقكن الله لما يحب ويرضى

مانعين عيالهم من الدش والبناطيل والطلعات الحين كل شي جابوه ويطلعون لحالهم ويروحون وابوهم عادي...

لوولي88 :

الله يعينك عليه ويكتب لك الاجر على هذا الصبر استخيري والله يكتب لك اللي فيه الخير لاحول ولاقوة الابالله الله يعين على هذي الاشكال

الله يعينك عليه ويكتب لك الاجر على هذا الصبر استخيري والله يكتب لك اللي فيه الخير لاحول ولاقوة...

بائعة المسك :

اختي يعني انا كتبت هالكام يعني معجبني؟؟!!! وشلون تفهمين الله يهديك تحبين تعكسين مفهوم انا اقولك اعرف اثنين هم من اقاربي متشددين بالدين حيل وخانقين زوجاتهم وحتى الطلعات مايطلعون بس تغيروا مو قصدي انه تغير للبزين انا كاتبه تغير للزيين ماقلت قلت تغير وصار كذا وكذا تغير كل شي الواحد يتغير يجيك منفلت ويتغير ويصير متشدد ويجيك متشدد وفجئه ينفلت هل تحسبين ردي انه زوجك يبي ينفلت زي اقاربي وهل تعتبرين ودي انه هذا اللي انفلت زين قلت تغيروا ماظلوا على ماكانوا عليه الصراحه الدين يسر وليس عسر الدين ميخنق زوجته طول العمر ولا يخليها تطلع وتجي ولا يسمح لها تروح لناس ماعجبوه واحد من اقاربي كذا مانع عياله ونفسه من انهم يروحون لاقارب لهم عشان عندكم دش وش دخل الدش انه عيالك يصلون رحمهم ودارت الدنيا وكبروا وهو جاب لعياله دش بعد ايش بعد ماقطعهم

اختي يعني انا كتبت هالكام يعني معجبني؟؟!!! وشلون تفهمين الله يهديك تحبين تعكسين مفهوم انا...