عليكم السلام ورحمة الله وبركاته
ما قصرتي ابديتي استعدادك لاستقبال الضيوف وفي المقابل لا يكلف الله نفسا الا وسعها اللي تقدرين عليه سويه بدون ما تضغطين على نفسك لان محد بيتعب وينهد حيله غيرك وقتها يمكن يحس ويعلمك بعدها ان عنده ضيوف من بدري
الله يكون بعون اللي كل يوم عزايم برمضان واحلى شي كل واحد يفطر ببيته لا يكلف على احد ولا احد يكلف عليه

دامك اول سنه فرصتك لاتعوديه ع طبخات كثيره وتعذبي نفسك علشانو سوي كم صنف وبس
لان لو عودتيه ع سناعه وكرف مابيرحمك ابد لوقصرتي بشي قليل ولا بيشكرك ويقول سنعه
الرجال مايقدروا الاالرفله الي ماتعب نفسها

قلبو لو علمك قبل شهر مارح تشتغلين الا قبل بيوم فقط طبعا السنبوسه تصير عندك مفرزنه سواء جاء احد اوماجاء لكم وعجينه البيتزاء والفطاير اعجنيها الساعه 2 الظهر و صلحي الكشنه قبل وفرزنيها واشتري الحشوه مثل زيتون جبن الموزريلا خليها جاهزه عندك فقط يصير عندك صواني كبيره هم اذن العصر افرديه وحطيه الحشوه فقط صينيتين بيزاء خلصتيهم خليهم على جنب والفطاير هم افرديها وحشيها خلصت قطعيها على شكل مربعات وفردي عجينه ثانيه وحطيها بصينيه ودهنيها لبنه وعسل وحمريه لذيذه ولا تاخذ وقت والتوت والعصير صلحيها من تقومين عادي والشوربه بعد صلحيها الظهر والحين الوقت بيساعدك ياذن على 6 ونص وربي يسر لك كل خير ويفرج همك اهم شي لاتسوين مشكله من لا مشكله وتكبرين الموضوع مايستاهل وبالتوفيق يارب

خير 20 شوفي اول شي فرزني وخلي اخواتك يساعدونك ولو عزم اهلك يطبخون ويرسلون لك خليه يهايط هههههه اذا شاف الجد بيصير يعلمك بصير هو يحوس ههههه معاك ويمكن يسوي القهوه وشاي

لو صار وقال لك في نفس اليوم قولي هذا الي ربي قدرني عليه وانت كريم رح جيب من برا عشان تبيض وجهك انت عند ضيوفك أما أنا هذا قدرتي وهذا قد المستطاع بس حاليا لاتناقشين أي شي مسبقا لأنه أي زوج تناقشين معه الموضوع مسبقا لازم يعاند بس وقت الجد راح يوقف غضبا عنه ويقبل الأمر الواقع ويمكن فهم كلامك انه لاتعزم لين تستإذن مني عشان كذا قال رمه وماني فلان اذا سويتها فهميه انا احب انك تكون كريم وتعزم بس انا قلت علمني من قبل لأن كل واحد له قدرة وطاقة معينه ومنها اعرف وش الناقص واطلبه أما كذا فجأة مامعهم إلا فطورنا ورمضان شهر صيام وعبادة مو شهر أكل والله يحي ضيوف الرحمن نأخذ أجر تفطيرهم وأفهم كلامي ماقلت لاتعزم إلا استاذن مني قلت عطني وقت عشان الناقص انتي لك تجيبه وانا لحالي وصايمه وفي الليل أصلي تراويح ومابيها تفوتتي وفي النهار ابي أخذ لو جزء من القرآن لي طاقه وقدرة معينه اسوي الي اقدر عليه والي مااقدر عليه دبر نفسك جزاك الله خير هذا انا قلت لك من أولها تجنبا للمشاكل والله يبلغنا رمضان نصومه ونقومه مادري من يعيش لذلك اليوم والسعيد الي يخلي رمضان صيام وعبادة مو أكل وسهر على التلفزيون واستراحات وتضييع أفضل أوقات السنه وأكثر أيام فضيلة يستجاب فيها الدعاء