زوجي وأنا ....إختلاف دائماً والإتفاق عدم...كيف أقنعه!

السلام عليكم مشكلتي هالمرة وايد دقيقة ولكنها مؤرقتني


أنا وزوجي العزيز ولا مرة اتفقنا على شي ! ولا مرة وافقني ولا وافقته على راي !! ولا مرة أعجب في جملة أقولها وأنا مثله ...
الفرق بيني وبينه فرق السما والأرض أنا غربية ومنفتحة لأبعد الحدود وهو شرقي متعصب لأقصى درجة

في أشياء كثيرة فيه ما أقبلها وأشياء فيني ما يحبها ومتحملين بعض ولكن فيه أشياء ما أقدر أتنازل عنها لأني أحس انها معرقلة حياتيي
مثل الليسن ريلي المحترم ما يحترم أي وحدة تسوق لا ويحتقرها بعد ! وأنا أموووووووت وأقبض السكان :( بس وين مادام راسه يشم الهوا والله ما خلاني ..
وشي ثاني بعد زوجي سفيه يبدد أمواله وين ما أعرف لأنه دايماً يشتكي انه ما عنده مع اني أحاول قد ما أقدر أشل عنه حمل الصرف

أنا ما أحب تواجد الخدم في بيتي وهو يحط العقبات ويعقد أموري وما يحترم رغبتي يعني بيتي كبير نسبياً علينا عالأقل (هدية من أبوي الله يخليه) المطبخ بعيد جداً وخارجي في الملاحق والملاحق مب مفروشة والغسالة عادية ومحطوطة برع تحت مظلة لكن بعيدة جداً ....طلبت منه غسالة أتوماتيكية تريحني ومطبخ مصغر داخلي لكنه رفض رفض قاطع وقلتله بسويه من فلوسي ما أبا منك شي رفض بعد .... فقط لأنه يبغي وجود الخدم يعني يستخسر الفلوس اللي بيدفعها مرة بس لجهاز يغنيه عن الخدم ولا يستخسر الأموال اللي يفسفسها على الخدم وبلاويهم
ثالثاً:
أنا أحب البيت وأحب أزينه وأثثه وهو يستخسر يدفع فلس في غير اللبس والأكل والشربب والعلاج ويشوف الأثاث غرفة نوم وصالة بس
باقي الكماليات أنا أشتريها وطبعاً هذي أغلى بأضعاف أضعاف
أقصد بالكماليات الثلاجات الميكروويف الغلاية القدور وأفران الكهرباء والغسالة وبرادات المياه والتلفزيونات والدش والتحف والسجاد وقطع الأثاث من طاولات وغرف طعام وكل شي يخص أثاث البيت من جيبي أنا
والله انه اللي ساكنات في جناح في بيت عماتهن غرفهن أرتب ومنسقين وعندهن كل شي يديد وأنا أشحت الأدوات من بيت أهلي لأن زوجي يقول ما تحتاجيله ومب ضروري!
البيت كل أثاثه وأجهزته الكهربائية وعدة المطبخ من كاسات وصحون من جيبي أنا :( علماً بأني ما عندي دخل ثابت
هذا بالرغم من أن دخله قوي وما عنده إلتزامات ولا شي والبيت ما دفع فيه شي لأنه هدية راتبه تقريباً 20000 درهم شهرياً ما أخذ منهم إلا 1000 درهم لي أنا والأولاد طبعاً أغلب الأوقات أشتري لبسهم من مصروفي
نصرف على الأكل تقريباً 1000 درهم
ومرة شهرياً عيادة 200 درهم
وطبعاً فواتير تلفونه شهرياً 1500 درهم
مرة سنوياً سفر 20000 درهم

أيا أعرف باقي المعاش وين يوديه خاصة انه ماخذ قرض وهذا اللي مجنني ! ما يعرف يدبر أموره المالية

رابعاً يستسخف بقدراتي دايماً ويحقر من امكانياتي وعلى الملأ شو أسويبه؟!
أنا عندي شهادة دبلوم عالي في تقنية المعلومات التجارية والبرمجة وهو ضابط شرطة متخرج من كلية زايد العسكرية هل تعتقدون السبب غيرة؟ أوما فيه تكافؤ؟

هل بنتم على طول على هالحالة؟
كيف أقدر أغيره؟؟؟ أقنعه ان البيت يحتاج ولازم يسوي ميزانية؟؟؟