زوجي وابنه وقصتهم لي ماتنتهي

احس بينهم ثار قديم او تصفية حسابات
طبعا قلت بموضوع سابق لي ان زوجي من النوع الشديد مع ابنه
والمبرر انه لازم يشد عليه بهذا السن عشان يطلع ناجح ومستقيم وينشد فيه الظهر
وذاك من النوع لي يرجف رجف بس اذا شاف ابوه داخل للبيت
بس الحين لا في حاجة تغيرت من فترة بسيطة وهي ان الولد صار يرادد ل ابوه
طبعا لما يرد يكون بارد جدا ويتلعثم بالكلام ويلخبط ولاشاف انه زوودها يهرب من قدام ابوه على طول
قبل اسبوع بس

المياه انقطعت علينا وراح صحى الولد من عز نومه وقومه وخلاه يطلع السطح وينزل بالخزان مع انه ماله داعي بس يقولك نشوفه اذا فاضي ولا مليان
ورجع الولد فانيلته موية وطين وفوق كذا ابوه يضربه على ظهره يقوله ترادد معاي
وذاك وخر عن ابوه عشان يتفادى انه ماينضرب وقاله اذا انت بترفع صوتك اناااا برفع صوتي بعد وهرب لغرفته وتم قافلها طول اليوم مايطلع ابدا
وبالليل ما اشوف الا ابوه ماسكه من رقبته وقاعد يخنق فيه ويهدده
ومواقف حصلت هذي الفترة تصير منها مشاكل تافهة بين الولد وابوه
اخر موقف عاد يوم الجمعة جا زوجي واستقبل اصحابه وقعدو بغرفة منفصلة عن الفيلا يشوفون المباراة
وشيشة وضحك وعشاء وشاي ويوم خلصو هالحوسة جا عند الولد طلعه من غرفته وقاله يروح ينظف المكان
وذاك مارضا قاله عطني ١٠٠ ريال واطلع غير كذا مافي
ومن كلمة ل كلمة ما اشوف الا الرجال شال جزمته وانتم بكرامة ورماها على ابنه وذاك هرب ومارضا ينزل
ولاتدخلت عصب يقولي خليكي برا خليني اربيه صح وبعدها يقولي خليكي شاهدة عشان اذا انضرب ماتلوميني
الحين الوضع صاير بين الولد وابوه مو طبيعي
ذاك لاتكلم حرف الولد رد على طول حتى ابوه مستغرب
خايفة انها تكون بداية الانفجار بالنسبة للولد بعد هالكبت لي عاشه
عدا عن كل شي زوجي عنده تفرقة بالمعاملة بين البنت والولد
منحاااز للبنات بشكل غريب
يطير ببناته لاشافهم ومدلعهم كثير ومايرد لهم طلب
مستحيل ينرد لهم طلب مستحيل
والبنت الكبيرة الله يهديها لسانها اطول منها ومستغلة هذا الموضوع بالتسلط على اخوها
اخر مرة يوم كنا بالسيارة مدري وش قالت ل ابوها عن الولد وتضحك وابوها يعزز لها ويقولها فلان كلب كل شي يطلع منه لانه واطي
وذاك يقوله انا موكلب وابوه يرد عليه وانتهى الموضوع ثاني يوم انه ضرب اخته وابوه ضربه