كن محسنآ :

ولله الوضع مزري.. ولاهو شي سهل.. سالفة البث.. لانه لايرتقي (لمهنة التعليم الي هي كلام وشرح.. وتسلمين راتب) (بعض الأوعطيات والمال اذا ماجات بطريقه صحيحه ومورد صحيح.. من عرق جبين وشغل شريف.. قد تضر أكثر من إن تنفع) صاحبة الموضوع (افهم شعورها زين هي تفكر كيف زوجي يشتغل شغله فيها إبتذال وفيها ضحك وفيها شبهات وفيها قيم منزوعه ويألكنا) (هي موعشانها تبي تاكل وتشرب رضت بطريقته وأسلوبه لجلب المال طبيعي غضبها طبيعي إستنكارها طبيعي خوفها.. هي تنظر للأمور بصورتها الصحيحه هي تبي الرجال يمشي سيده لو في رزقه يكون محترم ورجال ولاينزل لمستوى وضيع بحجه المال...) (زوجك علميه إن اللقمه لما تكون نظيفه ومن مكان نظيف وبطريقه صح هذا قمه الحفظ والصون والاستقامه) علميه إنكم لو تاكلون أكل قليل وعلى كفاف أحسن من طريقته في طلب الرزق..  والي تقولك ماعليك منه هوصغير عشان تربينه!!!!!!!!!!!!!!  زوجها أظن(المراءه العاقله الدينه إن شافت غلطه على زوجها بينتها وضحتها ساهمت في الإصلاح مو((((( تجلس تقول وش علي منه أهم شي ناكل!!!!)..  كيف وش علي منه...؟؟!!!  هذا رجال كبير عنده عيال.. القدوه تصير من هنا الي يزيع ويضيع عياله يشوفونه قدوه.........هذا الزوج لازم يتوجه وينتصح 

ولله الوضع مزري.. ولاهو شي سهل.. سالفة البث.. لانه لايرتقي (لمهنة التعليم الي هي كلام وشرح.....

رؤى🤍 :

الغيرة شعور فطري بالعكس لو ماغرتي انتي صدق غيرطبيعية وكل وحدة تشوفيها ماتغار وباردة او تنصحك بالبرود ترى عندها اضعاف غيرتك لكنها شافت ان الغيرة ماجابت لها غير وجع الراس فقررت تطنش وتشتري راحتها اللي بوصله لك لاتلومي نفسك عشان غيرة لأنها أمر طبيعي وضعك جدا طبيعي وبااعكس رؤيتك هيه السليمة فنانات كتفها يصك بكتف رجال وتضحك وتسولف معه وتمسي وتصبح في مواقع التصوير وتقلك والله اموت غيرة من معجباته ! هذا وهيه وسط هذي البيئة شاربه وواكله فيها ولاتقبلت نفسها الغيرة موجودة في كل إنسان بس تحتاج ضبط خصوصا لو الوحدة متمسكة بحياتها ويهمها استقرار حياتها الزوجية وزوجك مدري وش اقول عنه كثير شباب هالفترة تفكيرهم مطابق لتفكيره ونفس الهدف والطموح للاسف واللي يقولوا تقبلي وعادي وش بتسوي لو سوى امور اكبر ابسط حقوقك انك ترفضي شي نفسك ماتقبلته وترى النفس اللي تعيش في بيئة نظيفة جدا واقصد في بيئة دينية والله لو حاولت عشرين سنة تتقبل اشياء مانشأت عليها ماتتقبل هذي الحقيقة ومثلها الرجل المحافظ اللي يعتقد انه بيقدر يتقبل انه يعيش مع وحدة جاية من بيئة منفتحة الشخصية مهي لبس ينلبس ويتغير اذا حب الانسان يغيرها فيه اشياء النفس ماتتقبلها وماهو من حق احد يغصب احد يتقبل شي نفسه رافضته لكن الوحدة تمشي وتساير وتتغاضى عشان تحافظ على استمرار حياتها بدون نكد وتدقيق لكن لما تحسي الموضوع مأثر عليك وعلى صحتك النفسية لك كامل الحق تناقشي وتعترضي على اي نقطة ماتعجبك

الغيرة شعور فطري بالعكس لو ماغرتي انتي صدق غيرطبيعية وكل وحدة تشوفيها ماتغار وباردة او تنصحك...

emethyst :

انشغلي بالتحفيظ وطنشي تجاهلي وتناسي انه يبث لاتراقبينه بالبدايه يكون صعب مره بعدين تتعودين ويصير عندك برود الصراحه التقنيه تعبتنا مع ازواجنا لما كنت اعاني زماااان قبل السوشيال ميديا كنت ادعي طبعا ولا ارتحت الا لما طنشته وتوكلت على الله وكانت فقاعة صابون وانتهت خليه عندك بالبيت يبث لييين يصفى راسه لين يشبع ترى في البيت يصير فيه حدود مايتجاوزها تكون دايما حاضره بذهنه وهو عنده شغف على ماقلتي بكره يطفى بس المشكله بالمال هل هو حلال مع الاغاني والموسيقى ارتاحي ياعمري وريحي راسك لاتشدين على نفسك حنا مانقدر نتحكم برجالنا الله يحفظهم وهو القادر عليهم لاتروح ايامك في حزن وضيق توكلي على الله وبتشوفين حتى غيرتك تخف

انشغلي بالتحفيظ وطنشي تجاهلي وتناسي انه يبث لاتراقبينه بالبدايه يكون صعب مره بعدين تتعودين ويصير...

عواطف تركي . :

يعني تظنين لو الرجال بيخون او يغلط بيرده مراقبتك وتقفيلك عليه ؟ انتي بس لانك راسمه صوره نمطيه معينه عن الزوج المثالي صايره تشوفين زوجك غلط وفيه ويخطيه انا ما اشوف سالفة البث في زماننا الحالي شي غلط او غريب وحتى كونه يرد عليهم ويشكرهم ويمدحهم لما يعلقون او يدعمون هذا شي طبيعي وعادي حتى شيوخ ودعاة واستشاريين هناك يفتحون بث ويسولفون ويشكرون الناس سواء نساء او رجال ترى الشكر والرد على التعليقات لا يعني انه بينهم شي غلط لازم تستوعبين ان زوجك مو ملاك وبنفس الوقت مو شيطان طالما يتصرف مع الناس بحدود وطبيعي يهج برا البيت والاستراحات ياخذ راحته بالبث لاحق عليك بس يدخل البيت تطنقرين وتزعلين وتنكدين عليه ويحس انه رجال متهم وخاين ومجرم وهو مو مسوي شي تبين تكونين مطوعه وتقيه وحافظه القران وتربين عيالك تربيه معينه هذا شي يخصك لكن زوجك هو مسؤل عنه نفسه ودينه هو مجرد شريك لك في الحياه تلتقون في نقاط مشتركه كثير تجمعكم كأزواج واباء وامهات لكن تبقى لكل شخص فيكم مساحته الخاصه اللي يسوي فيها اللي يعجبه ويناسبه ومثل ماقالو لك الاستشاريين بدال النكد والدراما شاركيه واذا ماتحبين سوالف التيك توك اسحبي عليه مو شرط تعرفين وش يسوي وتذكري انه بث مباشر والاغلب الناس تسجل البث يعني مايمديه يسوي شي غلط انضجي واركدي وتوازني في مشاعرك وتصرفاتك وردات فعلك وركزي على اهدافك ومستقبلك وهواياتك مثل مازوجك مركز على مستقبله وهواياته والاشياء اللي يحبها وبس والله لازم تستوعبين انك تعيشين في زمان ما يشبه زمان امك وجدتك

يعني تظنين لو الرجال بيخون او يغلط بيرده مراقبتك وتقفيلك عليه ؟ انتي بس لانك راسمه صوره نمطيه...