السلام عليكم..
كيفكم يااحلى صبايا
كنت متردده اكتب واشكي لكم بس بجد ماالقى راحتي الا اذا دخلت عالم حواء عشان كذا حبيت اسمع نصايحكم ودعواتكم ليه
عندي مشاكل كثير يمكن البعض يشوفها صغيره وتافه بس بنظري كبيره وقاعده تتعبني وتتعب نفسيتي يوم عن يوم حتى صرت نفسيه ودايم متكدره انا اول شي متزوجه صار لي ٤ سنوات في خلال هذي الفتره ماحسيت لا بالاستقرار ولا الراحه اول سنه كانت تمام بعدين بدت تكثر المشاكل في البدايه كنت ازعل بالاسابيع والحين بديت اخف وارضى بعض الاحيان من نفسي عشاني تعبت وابي حياه حلوه بس لاحظت كل ماقدمت تنازلات واتغاضى عن اشياء زادت مشاكلي وصار زوجي يستهين في زعلي ويطنشني غير تقصيره من الناحيه الماديه اللي هو اساسا كل مشكله في حياتي كنت في البدايه احبه بس مع الايام ماصرت اكن له اي مشاعر حتى لما يسالني اذا احبه ولا لا اجاوبه وانا اجامل واكذب صرت مهمه في بيتي وفي نفسي حتى استخسر اشتري شس البسه في البيت ولا ملابس نوم اقول مو لازم مافيه احد يستاهل ولما اشوف البنات حولي كيف يهتمون ويتشيكون اقول في نفسي ليه انا مو زيهم يابناااااات ساعدوني ابي اصير. زيكم اهتم في بيتي والبس واكشخ واعيش حياه حلوه بس مشكلتي اكتم في قلبي واتذكر مواقفه معي ومواقف صارت من زمان فاكرهه وماابي اسوي له اي شي حتى العلاقه صرت امتنع منه لاني وقتها اتذكر مشاكلي معه فماحب يقرب مني صار موقف قبل امس طفشت من البيت قلت له نبي نطلع نتعشى قال لا اطبخي قلت لا مابطبخ اذا تبي اطبخ انت انا تعبت من المطبخ قال خلاص البس نطلع ناخذ اغراض قلت مانبي بطلع الا مطعم مابطلع مكان ثاني قال قومي البسي المهم طلعنا ومالقيت المطعم اللي ابي قال وش تبين الحين قلت اي شي قعدنا ندور في السياره الين رحنا السوبر ماركت واخذنا اغراض ورجعت اطبخ من هذاك اليوم لليوم مااكلمه ولا يكلمني ولا حتى نام جنبي وبس يشوفني يدخل الغرفه ويقفل عليه يامقابل الاب توب ياالجوال وانا في الصاله لحالي يابنات مليت من هالوضع مو فارقه معه يطلع ياكل ويرجع ياينام ولا يقابل الاب توب
وش هالحل معه مليت منه ومن تصرفاته الله يسعدكم انصحوني طولت عليكم بس ابي افضفض احس اني مخنوقه صار يومين بنفجر واهلي في مدينه ثانيه مالي بعد الله الا انتو ورجاء بدون تجريح في الردود اللي فيني مكفيني والله
اعطوني حلول تكفوووووووووون
تم الإرسال بواسطة iPhone بإستخدام منتدى عالم حواء

Queen toto @queen_toto
عضوة جديدة
يلزم عليك تسجيل الدخول أولًا لكتابة تعليق.

ام الحلوه2013
•
والله مدري وش اقولك لان معاناتك تشبه معاناتي كثيييييير


ام الحلوه2013 :
والله مدري وش اقولك لان معاناتك تشبه معاناتي كثييييييروالله مدري وش اقولك لان معاناتك تشبه معاناتي كثيييييير
الله يعين ياحبيبتي والله انه ضايق صدري وابي افضفض احس بنفجر
تم الإرسال بواسطة iPhone بإستخدام منتدى عالم حواء
تم الإرسال بواسطة iPhone بإستخدام منتدى عالم حواء

وش فيكم طنشتوني انا جايه عندكم ابي المساعده ولا احد عبرني
تم الإرسال بواسطة iPhone بإستخدام منتدى عالم حواء
تم الإرسال بواسطة iPhone بإستخدام منتدى عالم حواء

arwa18
•
ياقلبي والله اني زيك تطق رووحي بالبيت لحالي اغلب الوقت وهو اذا جاء ع الكمبيوتر ولحاله وانا بالصاله طوول وقتي بين أربع جدران شنسوي الشكوه لله مافيه فايده اتكلم وكاأني ماأتكلم احس كم شهر وأعصابي تتبلد 😔
وكمان أهلي بمنطقه أخرى😭
وكمان أهلي بمنطقه أخرى😭
الصفحة الأخيرة